Matie 11:3 - Bibeli do fee

³ a koo a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Matie 11:3 Iomraidhean Croise

Kusintii Andunya 12:3

Inɛ ŋa iyi à waa weeɛ amu mɔ an wee nŋa. Inɛ ŋa mɔ iyi à waa ceekpeɛ amu mɔ an ceekpe lafɛ̃ɛ ŋa. Do saabuɛi dimi fei á baò kuwee si andunya.

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Iri ku kɔ̃ 118:26

Kuwee ku jɛ ti inɛ iyi wa naa do irii Aɔ̃ Lafɛ̃ɛ. Awa, aa ka maa wee nŋɛ wa hai kpasɛ̃i Aɔ̃ Lafɛ̃ɛ.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Abudiasi 1:21

Woo jɛ igũ ŋai aa jɛ nɔ aa mɔsi hee antaii iri kutai Siɔ̃ɔ. Bɛi aa buba a maa jɛ inɛ ngboi inɛi Edɔmu ŋa. Do yaase bɛɛbɛi Aɔ̃ Lafɛ̃ɛ á jɛò bomma.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Azee 2:7

An na n yaga dimii ŋau feii nɔ n jɔ̀ a ko amani jiida nŋa ŋa a naaò wa kpasɛ̃m bɛ. Nɔ do yaase bɛɛbɛi an kɔ̃ kpasɛ̃u do bɛɛrɛ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Kuka 24:17

Ǹ wa n yɛ mii iyi á na ku ce, amma kù jɛ nsɛi, ǹ wa n hɔ̃nnɛɛ dei, kù jɛ amɛɛ. Leleaɔ̃ gɔ á fita hai si dimii Zakɔbu. Ilu gbugbã nla gɔ á fita hai si inɛi Izirɛli ŋa, nɔ do goloɛi á cãò inɛi Moabu ŋau si kɛkɛlɛ, nɔ ku cã irii amai Sɛti ŋau mɔ fei.

Matie 11:10

Zãai kukɔi idei Ilaaɔ̃ wa fãa tengi bii í ni, Ilaaɔ̃ í ni, wee ǹ bɛ woo sisi idem wa si wajuɛ iyi á teeseɛ kpãaɛ.

Matie 11:4

Nɔ Jesu í jɛ nŋa í ni, i koo i sisia Zãa mii iyi ì gbɔ do mii iyi ì yɛ ŋa.

Matie 21:5

i sɔ̃ inɛi Siɔ̃ɔ ŋa, i ni, i cɔ ilaalu nŋɛ wa naa bi tu ŋɛ. Amanɛ kurɔi. Si gbankɛlɛi wa buba, do ama gbankɛlɛ amai mɛɛmu ku so asoi.

Matie 21:9

Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele.

Maaku 11:9

Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ.

Luku 19:38

À wasi ku ni, Ilaaɔ̃ ku weea ilaalu iyi wa naa do irii Lafɛ̃ɛ. Ilaaɔ̃ ku jɔ̀ laakai ku sũ ku wa lele nɔ ku nyisi amboeɛ bɛ.

Laabaau jiida iyi Zãa í kɔ 11:27

Nɔ Maata í jɛaa í ni, oo Lafɛ̃ɛ, ǹ dasi naanɛ iyi awɔi ì jɛ Kirisi, Amai Ilaaɔ̃, iyi à ni á na ku naa si andunya.

Laabaau jiida iyi Zãa í kɔ 12:13

Ŋɔi à so wuai kpakpa à waa bɔ ku koɛ. À dɔ̃ anu hee lele à waa ni, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ilaaɔ̃ ku weeɛ, awɔ ilaalui Izirɛli.

Laabaau jiida iyi Zãa í kɔ 16:14

Nŋui á jɔ̀ n nɛ amboe, domi idem nii á gbɔ ku sisi nŋɛ.

Laabaau jiida iyi Zãa í kɔ 4:21

Nɔ Jesu í sɔ̃ɔ í ni, abooyi, dasi idem iyi an sɔ̃ɛ naanɛ. Awaati wa naa iyi a kaa gulɛ a tɔɔ Ilaaɔ̃ Baaba si antaii geeteu ihɔ̃ hee má jɛ Zeruzalɛmu.

Laabaau jiida iyi Zãa í kɔ 6:14

Iyi inɛ ŋau à yɛ maamaake iyi Jesu í ceu ŋɔi à ni, do ntɔ, nŋui í jɛ walii iyi í nɛ ku naa si andunyau.

Laabaau jiida iyi Zãa í kɔ 7:31

Si zamaau inɛ nkpɔ í dasiɛ naanɛ ŋɔi à ni, bii inɛ ihɛ̃ kù jɛ inɛ iyi Ilaaɔ̃ í cicau, inɛ mmu iyi á na ku naa á yɔkɔ ku ce maamaake ŋa ku re bɛi inɛɛu ihɛ̃ wa ce?

Ebɛɛ 10:37

Ntɔi, si bɛi kukɔi idei Ilaaɔ̃ wa fɔ í ni, waati í gbe keeke, kekeeke mɔm. Nɔ inɛ iyi í nɛ ku naa á naa, kaa kpɛ.