Matie 11:2 - Bibeli do fee

² Wee waati bɛɛbɛ Zãa woo dasi inyiu í wa piisɔ̃ɔ. Nɔ hai ile piisɔ̃ɔ bɛ í gbɔ baaui icɛi Jesu iyi à ya kpe Kirisi. Ŋɔi í bɛ siɛ mɔcɔɛ gɔ ŋa

Matie 11:2 Iomraidhean Croise

Matie 1:17

Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à nɛò inɛi Izirɛli ŋa ilɛi Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à nɛò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.

Matie 14:3

Mii iyi í jɔ̀ Herodu í fɔ bɛɛbɛ wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i gba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiui í jɔ̀ Herodu í ni a muu a dũu a dasiɛ piisɔ̃ɔ.

Matie 4:12

Ŋɔi Jesu í gbɔ à ni à mu Zãa à dasiɛ piisɔ̃ɔ. Nɔ í sinda í nyi ilɛi Galilee.

Matie 9:14

Wee Zãa woo dasi inyiu mɔ í nɛ mɔcɔ ŋa. Mɔcɔɛ ŋau à naa bi Jesu nɔ à beeɛ à ni, na mii í ce awa do Farisi ŋau à ya ka dĩ anu amma awɔ, mɔcɔɛ ŋa a ci ya dĩ anu.

Maaku 6:17

Mii iyi í jɔ̀ Herodu wa fɔ bɛɛbɛ wee. Herodu í tako í so Herodiasi aboi Filipu, ifɔɛ. Ŋɔi Zãa í sɔ̃ɔ í ni, kù sĩa i gba aboi ifɔɛ i dasi kpasɛ̃ɛ. Ide iyi Zãa í fɔ na irii Herodiasiui í jɔ̀ Herodu í ni a muu a dũu a dasiɛ piisɔ̃ɔ.

Luku 3:19

Amma hai tako ilaalu Herodu í so Herodiasi aboi ifɔɛ í ce abo. Ŋɔi Zãa í gbagba siɛ na ideu do na daa laalɔ ŋa iyi í ce fei wo.

Luku 9:7

Wee Herodu ilu ilɛu, í gbɔ mii iyi Jesu wa ce fei, nɔ laakaiɛ í dede. Kù mà baa bɛi á lasabu má si na iyi í jɔ̀ inɛ gɔ ŋa à waa ni Zãai í jĩ hai si balɛ,

Laabaau jiida iyi Zãa í kɔ 4:1

Farisi ŋa à gbɔ iyi Jesu wa ba mɔcɔ ŋa wa dasi ŋa inyi wa re Zãa. Amma kù jɛ Jesu takaɛi wa dasi inɛ ŋa inyiu, mɔcɔɛ ŋai à waa coo. Ajɔ nŋu gɔ Jesu í gbɔ iyi à waa fɔ bɛɛbɛ, ŋɔi í nɛ hai Zudee bɛ wa bɔ ilɛi Galilee.