Matie 10:5 - Bibeli do fee

⁵ Jesu í bɛ amanɛ maateeji ŋau nɔ í sɔ̃ ŋa bɛi nŋu í bi a ce. Í ni, i maà bɔ bi dimi mmu ŋa, nɔ i maà lɔ si ilui inɛi Samari kãma ŋa.

Matie 10:5 Iomraidhean Croise

Matie 22:3

nɔ í bɛ amaacɛɛ ŋa í ni a koo a kpe inɛ ŋa iyi à kpe abɔdɔ̃u wa. Amma inɛ ŋau a kù waa bi ku naa.

Matie 4:15

inɛi Zabulɔ̃ɔ do inɛi Nɛfitali ŋa, aŋa iyi à wa kɔkɔi kpãa iyi wa bɔ Tenku, aŋa iyi à wa ikpa icei idoi Zuudɛ̃ɛu, aŋa iyi à wa ilɛi Galilee bii dimi mmu ŋa à wa,

Maaku 6:7

Ŋɔi í kpe woo bɛ maateejiɛ ŋau nɔ í bɛ ŋa minji minji, í mu nŋa gbugbã a leleò inɛi inɔɔko ŋa.

Luku 10:1

Si anyii nŋu, Lafɛ̃ɛ í cica amanɛ kitaò fɛɛwa do minji mmu má, í bɛ ŋa minji minji a cuaa si ilu ŋa fei do bii nŋu takaɛ á nɛ ku bɔ fei.

Luku 10:33

Amma inɛi Samari gɔ mɔ wa bɔ ilu. Iyi í to bɛ ŋɔi í yɛ mɔkɔu nɔ araare í muu.

Luku 17:16

Waati iyi í to wa bi Jesu nɔ í sɛɛbata si wajuɛ wa saabuɛ. Wee mɔkɔu inɛi Samarii.

Luku 9:1

Jesu í kpe mɔcɔ maateejiɛ ŋau í tɔtɔɔ ŋa í mu nŋa gbugbã do yiiko a leleò inɛi inɔɔko ŋa fei nɔ a jɔ̀ bɔ̃ɔ ŋa a ba iri.

Luku 9:2

Ŋɔi í bɛ ŋa a koo a waazo idei bommai Ilaaɔ̃ nɔ a jɔ̀ bɔ̃ɔ ŋa a ba iri.

Laabaau jiida iyi Zãa í kɔ 17:18

Ǹ bɛ ŋai si andunya si bɛi awɔ mɔ ì bɛm si andunyau.

Laabaau jiida iyi Zãa í kɔ 20:21

Ŋɔi Jesu í sɔ̃ ŋa má í ni, laakai ku sũ ku wɛɛ nŋɛ. Si bɛi Baaba í bɛm wa, bɛɛbɛ mɔi amu mɔ ǹ bɛ ŋɛ.

Laabaau jiida iyi Zãa í kɔ 4:20

To, awa inɛi Samari ŋa, bala nwa ŋa si geeteu ihɔ̃i à ya gulɛ a tɔɔ Ilaaɔ̃ wo, amma iŋɛ Zuifu ŋa, ì ni í gbe Zeruzalɛmui inɛ ku ya gulɛ ku tɔɔɛ.

Laabaau jiida iyi Zãa í kɔ 4:5

Ŋɔi í to si ilui Samari gɔ iyi à ya kpe Sikaa, kɔkɔi iko iyi Zakɔbu í mua Zozɛfu amaɛu.

Laabaau jiida iyi Zãa í kɔ 4:9

Ŋɔi abou í sɔ̃ Jesu í ni, awɔ Zuifu, bɛirei í ce ì waa tɔɔm inyi ku mɔ, amu inaaboi Samari. Abou í ni bɛɛbɛi si na iyi í jɔ̀ Zuifu ŋa do inɛi Samari ŋa a ci ya ce njɛ fɔɔ.

Laabaau jiida iyi Zãa í kɔ 7:35

Ŋɔi Zuifu ŋau à bee njɛ ide à waa ni, iwoi á bɔ iyi a kaa ka yɔɔ. Mà bi inɛ nwa ŋa iyi à fangaa si ilɛi dimi mmu ŋaui á bɔ ya. Á koo kɔ dimi mmu ŋau si cioi?

Laabaau jiida iyi Zãa í kɔ 8:48

Ŋɔi Zuifu ŋau à sɔ̃ Jesu à ni, debɛi awa à nɛ ntɔ si bɛi à ni awɔ inɛi Samarii, nɔ ì nɛ inɛi inɔɔko.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 10:45

Zuifu woo dasi Jesu naanɛ ŋa iyi à si Piɛɛ bɛu, à biti do iyi Ilaaɔ̃ í mua dimi mmu ŋa mɔ Hundeɛ,

Woo bɛ ŋa 8:1

Waati iyi à kpa Etiɛniu Sɔlu mɔ í jɛsi. Hai ajɔ nŋu bɛi à sinti ku kpã inɛi igbɛi Jesu ŋa iyi à wa Zeruzalɛmu iju ntɔ ntɔ. Bii kù jɛ woo bɛ ŋau baasi, woo dasi Jesu naanɛ ŋau fei à fangaai si ilɛi Zudee do si ilɛi Samari.

Tɛsalonika 1, 2:16

À ganji mɔm ka cea dimi mmu ŋa waazo iyi á jɔ̀ a ba faaba. Bɛɛbɛi dulum du ŋa iyi à ya maa ce waati kãma fei í teese wa kɔ̃ɔsi wa caa. Amma idɔɔkɔ̃i Ilaaɔ̃ í fuka si iri nŋa bɛbɛi.