Matie 10:2 - Bibeli do fee

² Irii woo bɛ maateeji ŋau wee. Sinte, Simɔɔ iyi à ya kpe Piɛɛu do ifɔɛ Anderee, do ama minjii Zebedee ŋa Zaaki do ifɔɛ Zãa,

Matie 10:2 Iomraidhean Croise

Matie 17:1

Si anyii ajɔ mɛɛfa Jesu í kpe Piɛɛ do Zaaki do Zãa ifɔɛ í nya ŋa ikã nɔ à koo à gũ iri kuta nla gɔ aŋa nŋa.

Matie 20:20

Si anyii nŋu ŋɔi iyei amai Zebedee ŋa í naa bi Jesu do amaɛ ŋa nɔ í gulɛ si wajuɛ ku tɔɔɛ ngɔgɔ.

Matie 26:37

Ŋɔi í gbã Piɛɛ do ama minjii Zebedee ŋau à bɔ waju. Nɔ inɔ kufɔ í naa siɛ hee araɛ fei í rɔ.

Matie 4:18

Ajɔ nŋu gɔ Jesu wa nɛ si itĩi tenku iyi à ya kpe Galilee, ŋɔi í yɛ sɔɔkɔ minji gɔ ŋa, Simɔɔ iyi à ya kpe Piɛɛ do ifɔɛ Anderee, à waa le taao si inɔ tenkuu.

Matie 4:21

Iyi í to waju nɔ í yɛ inɛ minji gɔ ŋa má, Zaaki do Zãa ifɔɛ, amai Zebedee ŋa. Inɛ ŋau à wa si akɔi inyi gɔ do baa nŋa, à waa teese taao nŋa ŋa. Nɔ Jesu í kpe ŋa.

Maaku 1:29

Ŋɔi Jesu í fita hai ile bii Zuifu ŋa à ya ce kutɔtɔɔu, nŋu do Zaaki do Zãa nɔ à bɔ kpasɛ̃i Simɔɔ do Anderee.

Maaku 13:3

Ŋɔi Jesu í koo í buba si geetei Olivieu wa cɔ ikpa kpasɛ̃i Ilaaɔ̃. Ŋɔi Piɛɛ do Zaaki do Zãa do Anderee à wa bi Jesu aŋa nŋa. Ŋɔi à beeɛ à ni,

Maaku 6:30

Woo bɛ maateeji ŋa iyi Jesu í tako í bɛ ŋau à baa bi tɛɛ à waa sisiaa mii ŋa iyi aŋa à ce fei do cio iyi à kɔ inɛ ŋa si fei.

Luku 11:49

Ŋɔi í jɔ̀ Ilaaɔ̃ í fɔ si bisiɛ í ni, an bɛ walii ŋa do woo bɛ ŋa si anini nŋa. Aa kpa inɛ gɔ ŋa nɔ a kpã inɛ gɔ ŋa mɔ iju.

Luku 22:14

Iyi waatiu í to, Jesu do mɔcɔɛ ŋau à bɔ tengi bii à ce sɔɔluu, nɔ à buba à waa jɛ.

Luku 22:8

Ŋɔi Jesu í bɛ Piɛɛ do Zãa í ni, i koo i ce sɔɔlui jingaui Iku ku kuau ka jɔɔ ŋa.

Luku 5:10

Bɛɛbɛ mɔi njo í mu kpaasi minjiɛ ŋa, Zaaki do Zãa amai Zebedee ŋau. Amma Jesu í sɔ̃ Simɔɔ í ni, maà jɔ̀ njo ku muɛ. Bɛbɛi inɛ ŋa iyi aa toom ŋai aa ya maa dɛdɛ.

Luku 9:10

Nɔ mɔcɔ maateeji ŋa iyi Jesu í tako í bɛ ŋau à baa bi tɛɛ à waa sisiaa mii ŋa iyi aŋa à ce fei. Nɔ Jesu í gbã ŋa ikã í bɔò ŋa ikpa kɔkɔi ilu gɔ iyi à ya kpe Bɛsaida.

Laabaau jiida iyi Zãa í kɔ 12:22

Ŋɔi Filipu í koo í sɔ̃ Anderee, nɔ Anderee do Filipu à koo à sɔ̃ Jesu.

Laabaau jiida iyi Zãa í kɔ 13:23

Wee inɛ akã nŋa, inɛ iyi Jesu í bi jiida jiidau, í wa kɔkɔi Jesu bɛ.

Laabaau jiida iyi Zãa í kɔ 20:2

Ŋɔi í sɛi í bɔ bi Simɔɔ Piɛɛ do bi mɔcɔ iyi Jesu í bi jiidau, í sɔ̃ ŋa í ni, à nya ikui Lafɛ̃ɛ hai inɔ balɛ nɔ a kù mà bii à dasi.

Laabaau jiida iyi Zãa í kɔ 21:2

Simɔɔ Piɛɛ do Tomaa iyi à ya kpe Sìkàu do Nataniɛli inɛi Kana si ilɛi Galilee do amai Zebedee ŋa do mɔcɔ minji mmu gɔ ŋa má, aŋa fei à wa inya akã bɛ.

Laabaau jiida iyi Zãa í kɔ 21:20

Ŋɔi Piɛɛ í sinda, nɔ í yɛ mɔcɔ iyi Jesu í bi jiidau wa naa do anyi nŋa. Mɔcɔu nŋui í tako í wa kɔkɔi Jesu waati iyi à waa jɛ í beeɛ í ni, Lafɛ̃ɛ, yooi á zambaɛu.

Laabaau jiida iyi Zãa í kɔ 21:24

Mɔcɔ iyi Jesu wa fãau amu Zãai. Nɔ amu takam nii ǹ wa n jɛ sɛɛdai ide ŋau, amu iyi ǹ kɔ tiau ihɛ̃, à nɔ à mà iyi sɛɛdam í jɛ ntɔ.

Laabaau jiida iyi Zãa í kɔ 6:67

Na ŋɔi í jɔ̀ Jesu í bee mɔcɔ maateejiɛ ŋau í ni, iŋɛ mɔ ni, i kù waa nɛ ŋai?

Laabaau jiida iyi Zãa í kɔ 6:70

Ŋɔi Jesu í bee ŋa í ni, kù jɛ amui ǹ cica iŋɛ maateejiu ba. Do nŋu fei inɛ akã nŋɛ í jɛ inɛi Seetam.

Laabaau jiida iyi Zãa í kɔ 6:71

Idei Zudasi amai Simɔɔ Isikariɔtii wa fãa, si na iyi í jɔ̀ baa do iyi í wa si inɔi mɔcɔ maateeji ŋau fei, nŋui á zambaɛ.

Laabaau jiida iyi Zãa í kɔ 6:8

Ŋɔi inɛ akãi mɔcɔ ŋau iyi à ya kpe Anderee, ifɔi Simɔɔ Piɛɛ í ni,

Woo bɛ ŋa 1:13

Iyi à to Zeruzalɛmu ŋɔi à gũ lelei ile kukpɛkɛ bii à ya maa wau. Aŋa iyi à tɔtɔɔ bɛu wee. Piɛɛ do Zãa do Zaaki do Anderee do Filipu do Tomaa do Baatelemi do Matie do Zaaki amai Alifee do Simɔɔ inɛi igbɛi Zelɔtu do Zudu amai Zaaki.

Woo bɛ ŋa 1:26

Ŋɔi à ta nŋa kpasa. Nɔ kpasau í so Matiasi. Ŋɔi à dasiɛ si inɔi woo bɛ maatakã ŋau.

Woo bɛ ŋa 12:2

Í jɔ̀ à kpa Zaaki igbãi Zãa do taakuba.

Woo bɛ ŋa 3:1

Ŋɔi alɛ ajɔ nŋu gɔ zakai isɔ mɛɛta Piɛɛ do Zãa à waa bɔ kutɔɔ bantumai kpasɛ̃i Ilaaɔ̃.

Kɔrɛnti 1, 15:7

Nɔ í koo í tusɛ araɛ má bi Zaaki, si anyiɛ í bɛi í koo í tusɛ araɛ bi woo bɛ ŋau fei.

Efɛɛzu 4:11

Amua ŋa iyi í cea inɛ ŋa wee. Í cica inɛ gɔ ŋa à jɛ woo bɛ ŋa, inɛ gɔ ŋa mɔ walii ŋa, inɛ gɔ ŋa mɔ woo sisi laabaau jiida ŋa, inɛ gɔ ŋa mɔ woo degbe inɛi igbɛi Jesu ŋa, inɛ gɔ ŋa mɔ woo kɔ inɛ ŋa si cio.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Piɛɛ 1, 1:1

Amui Piɛɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Ilaaɔ̃ í cica nɔ ì fangaa ì koo ì waa jɛ isɛ mmu ŋa si ilɛi Pɔntu, do Galati, do Kapadosi, do Azii, do Bitini.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zãa 2, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ, awɔ abo iyi Ilaaɔ̃ í cica. Nɔ ǹ ce amaɛ ŋa mɔ fɔɔ, aŋa iyi ǹ bi si kpãai ntɔu. Nɔ kù jɛ amu akãi ǹ bi ŋa, amma hee do inɛ ŋa iyi à mà ntɔu fei à bi ŋai.

Zãa 3, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ Gayusi, awɔ iyi ǹ bi jiida si kpãai ntɔ.

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.

Kuyɛi Zãa 18:20

Iŋɛ inɛi lele ŋa, i jɔ̀ inɔ nŋɛ ku dɔ̃. Iŋɛ woo dasi naanɛ ŋa mɔ do woo bɛ ŋa do walii ŋa, i jɔ̀ inɔ nŋɛ ku dɔ̃, si na iyi í jɔ̀ Ilaaɔ̃ í kiiti iluu í sã nŋɛ gbese.

Kuyɛi Zãa 22:8

Amu Zãa ǹ gbɔ ideu ihɛ̃, nɔ ǹ yɛ mii ŋau. Iyi ǹ gbɔɔ nɔ ǹ yɔɔ ǹ tã, ŋɔi ǹ sɛɛbata si wajui amaleka iyi í nyisim fei ndɛɛu ku ba n tɔɔɛ.