Matie 10:1 - Bibeli do fee

¹ Si anyii nŋu, Jesu í kpe mɔcɔ maateejiɛ ŋau í tɔtɔɔ ŋa bi tɛɛ. Nɔ í mu nŋa gbugbã a leleò inɛi inɔɔko ŋa nɔ a jɔ̀ kɔ̃ɔ ŋa a ba iri do inɛ ŋa iyi à waa ce bɔ̃ɔ dimi ikã ikã fei.

Matie 10:1 Iomraidhean Croise

Matie 19:28

Nɔ Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, waati iyi Ilaaɔ̃ á ce mii fei titɔ̃ nɔ amu Amai Amanɛ n maa n buba si batai bomma ilu amboem, iŋɛ amanɛ maateeji iyi ì waa toom ŋau ihɛ̃, iŋɛ mɔ aa buba si batai bommau i kiitiò dimi maateejii inɛi Izirɛli ŋau.

Matie 26:20

Iyi alɛ í lɛ, Jesu do mɔcɔ maateeji ŋau à waa jɛ.

Matie 26:47

Iyi Jesu wa fɔ bɛɛbɛ gbakã, ŋɔi Zudasi, inɛ akãi mɔcɔ maateeji ŋau í to wa. Zamaa nla gɔ wa tooɛ wa à waa mu taakuba ŋa do golo ŋa. Inɛ ngboi woo weei Ilaaɔ̃ ŋa do inɛ ngboi Zuifu ŋaui à bɛ ŋa wa.

Matie 4:23

Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Matie 9:35

Jesu wa dabii dabii si ilu nla ŋa do si ilɛɛko ŋa, wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, nɔ wa sisi laabaau jiidai bommai Ilaaɔ̃ nɔ í jɔ̀ bɔ̃ɔ ŋa do kɔ̃ɔ ŋa fei à ba iri.

Matie 9:38

Na nŋu, i tɔɔ ilu ikou ku bɛ woo da ŋa wa má.

Luku 10:19

Ntɔ ntɔ ǹ mu nŋɛ yiiko i tɛɛsɛò njo ŋa do cencee ŋa hee do gbugbã iyi Seetam mbɛɛu í nɛ fei, nɔ nkãma kaa yɔkɔ ku mɛɛ ŋɛ.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Luku 24:49

Nɔ an samba nŋɛ mii iyi Baam í wã ŋɛ dou wa. Amma si iluu ihɛ̃i aa maa wa ŋa hee gbugbãi Ilaaɔ̃ ku naa si ŋɛ wa.

Luku 6:13

Iyi iju í má í tɔtɔɔ mɔcɔɛ ŋa nɔ í cica amanɛ maateeji si inɔ nŋa, í sɔ ŋa woo bɛ ŋa.

Laabaau jiida iyi Zãa í kɔ 17:2

nɔ inɛ ŋa iyi ì nam fei n mu nŋa kuwɛɛ hai tã si bɛi ì muum yiiko si inɛ fei.

Laabaau jiida iyi Zãa í kɔ 3:27

Ŋɔi Zãa í sɔ̃ ŋa í ni, inɛ gɔ kaa yɔkɔ ku ba ngɔgɔ bii kù jɛ Ilaaɔ̃i í muaa.

Laabaau jiida iyi Zãa í kɔ 3:35

Ilaaɔ̃ Baaba í bi Amaɛ nɔ í daa mii fei si awɔ.

Laabaau jiida iyi Zãa í kɔ 6:70

Ŋɔi Jesu í bee ŋa í ni, kù jɛ amui ǹ cica iŋɛ maateejiu ba. Do nŋu fei inɛ akã nŋɛ í jɛ inɛi Seetam.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 19:15

Amma inɛi inɔɔkoi inɛɛu í ni, ǹ mà Jesu nɔ ǹ mà Pɔlu, amma yooi iŋɛ mɔ ì jɛ.

Kuyɛi Zãa 12:1

Ŋɔi nyinda nla gɔ í fita lelei Aɔ̃. Inaabo gɔ í wa bɛ, nunui í jɛ ibɔɛ, nɔ wa leekĩ si cukpa nɔ wa dasi fulai leleaɔ̃ maateeji iyi í jɛ ti bomma si iriɛ.