Matie 1:2 - Bibeli do fee

² Aburahamui í bí Izaaki, Izaaki mɔi í bí Zakɔbu, Zakɔbu mɔi í bí Zudaa do igbãɛ do ifɔɛ ŋa.

Matie 1:2 Iomraidhean Croise

Kusintii Andunya 25:19

Faajii nyaanzei Izaaki amai Aburahamu wee. Aburahamu í bí Izaaki.

Kusintii Andunya 25:26

Si anyiɛ nɔ inɛ minjisiau mɔ í naa, nŋu mɔ awɔɛ wa mu cicĩisɛi Esau. Nɔ à sɔ nŋu mɔ Zakɔbu. Adɔ̃ kitai Izaaki í nɛ si waati iyi à bí ŋa.

Bomma 1, 1:28

Amai Aburahamu ŋai Izaaki do Isimaɛli.

Bomma 1, 1:34

Aburahamui í bí Izaaki. Amai Izaaki ŋai Esau do Izirɛli.

Ezai 41:8

Awɔ Izirɛli woo ce icɛm, sotĩ i gbɔ. Awɔ zamaai Zakɔbu iyi ǹ cica, awɔ dimii Aburahamu kpaasim nii.

Ezai 51:2

I jɔ̀ iju nŋɛ ku koo si Aburahamu baa nŋɛ do si Sara iyi í bí ŋɛu. Ǹ kpe Aburahamui hai waati iyi kù nɛ ama, nɔ ǹ weea ǹ jɔ̀ í jɛ balai dimi nkpɔ nkpɔ.

Kuka 1:26

Nɔ à ka irii inɛi dimii Zudaa ŋa si nyaanze nŋa ŋa do si kpasɛ̃i baa nŋa ŋa. À ka inɛmɔkɔ ŋau feii iri iri hai inɛ ŋa iyi à nɛ adɔ̃ kɔnfia hee ku bɔ adɔ̃ kɔnfia do ku lesi, inɛ ŋa iyi aa yɔkɔ a kɔtɔ jĩnɛi igũ ŋa fei.

Matie 1:1

Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.

Matie 1:3

Zudaa mɔi í bí Perɛsi do Zera. Iye nŋai Tamaa. Perɛsi mɔ í bí Hɛsirɔ̃ɔ. Hɛsirɔ̃ɔ mɔ í bí Ramu.

Woo bɛ ŋa 7:8

Waati bɛɛbɛ Ilaaɔ̃ í na Aburahamu woodai bango ku dasi ku jɛ sɛɛdai akabuuɛ. Si anyiɛ ŋɔi Aburahamu í na í bí Izaaki nɔ í dasiɛ bango si ajɔ mɛɛjɔsiaɛ. Bɛɛbɛi Izaaki mɔ í cea Zakɔbu, nɔ Zakɔbu mɔ í cea ama maateejiɛ ŋa bɛɛbɛ, aŋa iyi à jɛ balai dimi maateejii Izirɛli ŋa.

Ebɛɛ 11:11

Na naanɛ ku dasii, Sara takaɛ í ba gbugbã í bíò ama baa do iyi waatiɛ í lɔ, si na iyi í jɔ̀ í mà iyi Ilaaɔ̃, nŋu iyi í ce kuwã, í jɛ ilu naanɛ.

Ebɛɛ 7:14

Ntɔ ntɔ, à mà iyi à búui si dimii Zudaa. Moizi kù nɔ kù fɔ idei inɛ kãma si gãmɛi dimiu iyi á na ku jɛ woo wee.

Kuyɛi Zãa 7:5

Si dimii Zudaa amanɛ dubu maateejii (12.000) à cea nyinda. Bɛɛbɛ mɔi si dimii Rubɛ̃ɛ amanɛ dubu maateejii. Si dimii Gadi amanɛ dubu maateejii.