Matie 1:11 - Bibeli do fee

¹¹ Zoziasi mɔ í bí Yekonia do ifɔɛ ŋa si waati iyi ilaalui Babilɔni ilu nlau í jɛ inɛi Izirɛli ŋa igũ í nɛò ŋa si ilɛɛ.

Matie 1:11 Iomraidhean Croise

Ilaalu 2, 23:31

Zoakazi adɔ̃ kɔnfia do mɛɛtai í nɛ waati iyi í jɛ bomma. Nɔ í ce si bommau cukpa mɛɛta Zeruzalɛmu. Iyeɛi à ya kpe Hamutali amai Zeremii inɛi Libunau.

Ilaalu 2, 24:14

Í mu inɛi Zeruzalɛmu ŋau fei aru í nɛò, hai inɛ ngbo ŋa do sooge ŋa do woo gbe jĩi ŋa do gbɛdɛ ŋa zakai aŋa dubu mɛɛwa (10.000). Kãmài ilɛ ŋau aŋa akãi í jɔ̀ bɛ.

Ilaalu 2, 25:11

Si anyii nŋu, Nebuzaradãa í mu inɛ ŋa iyi à gbe si iluu do inɛ ŋa iyi à na ilaalui Babilɔni ara nŋau í nɛò ŋa.

Bomma 2, 36:10

Iyi à lɔ si adɔ̃, ŋɔi ilaalu Nebukanɛsaa í jɔ̀ à mu à nɛòɛ Babilɔni do jĩnɛ jiidai kpasɛ̃i Aɔ̃ Lafɛ̃ɛ ŋau. Nɔ í jilɛ Sedesiasi ifɔi Zoakimu ilaalui Zudaa do Zeruzalɛmu.

Bomma 2, 36:20

Ŋɔi Nebukanɛsaa í mu inɛ ŋa iyi a kù kpa si igũu í nɛò ŋa Babilɔni. Nɔ à jɛ arui nŋu do amaɛ ŋa hee í koo í toò si waati iyi inɛi Pɛɛsi ŋa à kãmia ŋa.

Ezai 13:1

Ezai amai Amɔɔsu í ce kuyɛi ijuukpã iyi á na ku naa si Babilɔni.

Zeremi 27:20

Inɛ nŋu ŋau à gbe Zeruzalɛmu bɛ, si waati iyi Nebukanɛsaa ilaalui Babilɔni í mu Yekonia ilaalui Zudaa iyi wa jɛ amai Zoakimu do inɛ ngboi Zudaa ŋa do ti Zeruzalɛmu ŋau í nɛò ŋa.

Zeremi 39:9

Si anyii nŋu, zamaa iyi í gbe si inɔ iluu do inɛ ŋa iyi à fita à koo à ba ŋa ŋau, Nebuzaradãa inɛ ngboi woo degbe ilaaluu í gbã ŋa í nɛò ŋa ilɛi Babilɔni.

Daniɛli 1:2

Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.

Matie 1:12

Si anyii iyi à nɛò ŋa ikpa Babilɔni ŋɔi Zekonia í bí Seatiɛli, nɔ Seatiɛli mɔ í bí Zorobabɛli.

Matie 1:17

Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à nɛò inɛi Izirɛli ŋa ilɛi Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à nɛò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.