Matie 1:1 - Bibeli do fee

¹ Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.

Matie 1:1 Iomraidhean Croise

Kusintii Andunya 12:3

Inɛ ŋa iyi à waa weeɛ amu mɔ an wee nŋa. Inɛ ŋa mɔ iyi à waa ceekpeɛ amu mɔ an ceekpe lafɛ̃ɛ ŋa. Do saabuɛi dimi fei á baò kuwee si andunya.

Kusintii Andunya 2:4

Yaase bɛi í ce mbɛ si waati iyi Ilaaɔ̃ í taka lele do ilɛ. Si waati iyi Aɔ̃ Lafɛ̃ɛ í ce lele do ilɛ,

Kusintii Andunya 22:18

Dimi fei á ba kuwee si andunyau ihɛ̃ na saabui dimiɛ ŋa si na iyi í jɔ̀ ì jirima idem.

Kusintii Andunya 5:1

Si yaase bɛi à kɔ idei dimii amai Adamu ŋa wee. Si waati iyi Ilaaɔ̃ í taka amanɛ í takaɛi bɛi nŋu takaɛ.

Iri ku kɔ̃ 132:11

Aɔ̃ Lafɛ̃ɛ í cea Davidi kuwã do kugbasi gɔ, nɔ kaa dede si pai. Í ni si tɔkuɛ ŋa, nŋu á ya jɔ̀ inɛ akã ku ya buba si agbɛɛ si kitãi bommau.

Iri ku kɔ̃ 89:3

Ǹ ni, jiida ku jɛɛ á maa wɛɛi do ajɔ fei. Ì jilɛ dee dee ku jɛɛi ikpa lelei Aɔ̃.

Iri ku kɔ̃ 89:36

Ǹ fɔi do kugbasi do iri kumám ǹ ni, n kaa n sɔaa Davidi ibo ajɔ kãma.

Ezai 11:1

Amaawɔ mmu gɔ á la wa hai si Izai icu nwou. Kuyɔ mmu gɔ á fita wa hai si icãɛ ŋau nɔ ku so.

Ezai 53:8

À muu do gbugbã, nɔ à kiitiɛ. Amma si inɔi zamaaɛ ŋau, a kù gbɔ bii inɛ kãma wa weewea si mii iyi í baa. À nyaa hai si inɔi inɛ ŋa iyi à waa mí si hunde si ilɛ ihɛ̃, à kpãa iju, nɔ à cã à kpaa na kurarai inɛm ŋa.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 33:26

To, inɛ á yɔkɔ ku jɛsi iyi ǹ fũsi tɔkui Zakɔbu ŋa awɔ do iyi à jɛ ti Davidi woo ce icɛm nɔu? Kú jɛ si inɔ nŋa ǹ kɔ̀ ku so ilaalu ŋa iyi aa maa gbã dimii Aburahamu do ti Izaaki do ti Zakɔbu ŋau? Aawo. Ǹ nɛ kubi nŋai ntɔ ntɔ, nɔ an nyi n teese kuwɛɛ nŋa mái.

Amɔsu 9:11

Waati wa naa si bii an teese n ma kusui Davidi iyi í cukuu, nɔ n dĩ fooɛ ŋau. An teese bommaɛ, nɔ n máa bɛi í tako í yɛ wo.

Zakari 12:8

Waati bɛɛbɛ amu Aɔ̃ Lafɛ̃ɛ an bii anyii inɛi Zeruzalɛmu ŋa, inɛ ŋa iyi a kù nɛ gbugbã si inɔ nŋa aa baa a nɛ gbugbãi bɛi Davidi, nɔ tɔkui Davidi ŋau mɔ a baa a yɛ bɛi amu Ilaaɔ̃, bɛi amalekai Aɔ̃ Lafɛ̃ɛ iyi wa cua nŋa.

Matie 1:18

Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do gbugbãi Hundei Ilaaɔ̃.

Matie 1:2

Aburahamui í bí Izaaki, Izaaki mɔi í bí Zakɔbu, Zakɔbu mɔi í bí Zudaa do igbãɛ do ifɔɛ ŋa.

Matie 15:22

Inaaboi ilɛi Kanaã gɔ iyi í wa bɛ í naa bi tɛɛ nɔ í dɔ̃ anu í ni, Lafɛ̃ɛ, tɔkui Davidi amanlu nlau, ce araarem. Ama inaabom í nɛ inɛi inɔɔko, nɔ wa kpãa iju ntɔ ntɔ.

Matie 3:16

Iyi í dasi Jesu inyi í tã, bɛ gbakã Jesu í fita wa hai si inɔ inyiu. Ŋɔi lelei Aɔ̃ í cĩ nɔ í yɛ Hundei Ilaaɔ̃ wa de siɛ wa bɛi ankasiidi.

Matie 9:27

Nɔ Jesu í nɛ hai bɛ. Si isɛɛnɛɛu fɛɛju minji gɔ ŋa à tooɛ à waa dɔ̃ siɛ anu, à waa ni, tɔkui ilaalu Davidi, ce araare nwa i jɔ̀ ka yɛ ilu.

Luku 1:33

Nŋui á jɛ bomma si dimii Zakɔbu do ajɔ fei. Bommaɛ kaa nɛ kɔɔ.

Laabaau jiida iyi Zãa í kɔ 7:42

Kukɔi idei Ilaaɔ̃ kù ni inɛ iyi Ilaaɔ̃ í cicau á fita wai hai si dimii Davidi? Hai Betelehɛmu ilui Davidi takaɛi á naa.

Woo bɛ ŋa 2:30

Amma si bɛi í jɛ walii, í mà iyi Ilaaɔ̃ í cea nŋu kuwãi ide gɔ do kugbasi í ni tɔkuɛ gɔ á na ku buba si kitãi bommaɛ.

Romu 1:3

Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 4:13

Ilaaɔ̃ í cea Aburahamu do dimiɛ ŋa kuwã iyi aŋai aa jɛ tubui andunyau ihɛ̃ fei. Kù jɛ si na iyi í jɔ̀ í jirima wooda, amma si na iyi í jɔ̀ í jɛ dee dee na naanɛ ku dasiɛui.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Galati 3:16

To, Aburahamu do dimiɛi Ilaaɔ̃ í cea kuwã. Bii à ni dimiɛ ŋa, inɛ nkpɔi à fãa. Amma à ni dimiɛi, waatɔ inɛ akãi, nɔ nŋui í jɛ Kirisiu.

Timɔtee 1, 2:5

Ntɔ ntɔ Ilaaɔ̃ akãi í wɛɛ, nɔ inɛ akã mɔi í wa si afei Ilaaɔ̃ do amanɛ ŋa ku ba ku jɔ̀ amanɛ ŋa a dɔ̃ do Ilaaɔ̃. Lafɛ̃ɛu nŋui í jɛ Jesu Kirisi, nŋu iyi í baa í jɛ amanɛ,

Timɔtee 2, 2:8

Ye gigii Jesu Kirisi tɔkui Davidi iyi í jĩ hai si balɛu. Ideɛi í wa si laabaau jiidau iyi ǹ wa n waazo.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.