Luku 9:54 - Bibeli do fee

⁵⁴ Iyi Zaaki do Zãa à gbɔ bɛɛbɛ, ŋɔi à beeɛ à ni, Lafɛ̃ɛ, ì bi ka jɔ̀ ina ku kita si ŋa wa hai lele ku kpa ŋa?

Luku 9:54 Iomraidhean Croise

Samuɛli 2, 16:9

Ŋɔi Abisai amai Seruya í sɔ̃ Davidi í ni, na mii í ce aja ikuu ihɔ̃ wa bu awɔ ilaalu lafɛ̃ɛm. Ǹ wa n tɔɔɛi, jɔ̀ n koo n bu iriɛ wa.

Samuɛli 2, 21:2

Ŋɔi ilaaluu í kpe inɛi Gabaɔ̃ɔ ŋau ku sɔ̃ ŋa ide. Inɛi Gabaɔ̃ɔ ŋa a kù bɛi a kù jɛ inɛi Izirɛli ŋa, amma mbɔi inɛi Amɔre ŋai. Aŋaò inɛi Izirɛli ŋa à nɛ akabuu. Do nŋu fei Saulu í bi nŋu ku kpa aŋa fei na kookaai iyi wa ce na aranfãanii inɛi Izirɛli ŋa do inɛi Zudaa ŋa.

Ilaalu 2, 1:9

Ŋɔi Ahazia í bɛ sooge ciitaa do inɛ ngbo nŋa í ni a koo a mu Elii wa. Ŋɔi à koo à ba Elii bii wa buba si antaii iri kutau nɔ inɛ ngbo nŋau í sɔ̃ɔ í ni, awɔ inɛi Ilaaɔ̃, ilaalu í ni i kita wa.

Ilaalu 2, 10:16

Nɔ í sɔ̃ɔ í ni, toom wa i koo yɛ kookaai iyi ǹ wa n cea Aɔ̃ Lafɛ̃ɛ. Bɛɛbɛi í so Zonadabu si inɔ sarɛtii igũɛu í nɛò.

Ilaalu 2, 10:31

Do nŋu fei, Yehu kù jirima woodai Aɔ̃ Lafɛ̃ɛi inɛi Izirɛli ŋau do idɔɛ fei. Kù jɔ̀ dulum iyi Zeroboamu í tale si inɛi Izirɛli ŋau ku ce.

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Maaku 3:17

Si anyii nŋu, ŋɔi í cica Zaaki, do Zãa ifɔɛ, amai Zebedee ŋa, nɔ í sɔ ŋa Boanɛzɛɛ, waatɔ inɛ ŋa iyi à jɔ ibai ijĩ.

Luku 9:55

Amma Jesu í sinda í la si ŋa do gbugbã. [Í ni, i kù mà iyi ì waa fɔ ŋa mɔm.

Kuyɛi Zãa 13:13

Mɛɛmu minjisiau bɛi í ce dobu dobu nla nla ŋa hee í jɔ̀ ina í kita wa hai lele í naa ilɛ si wajui amanɛ ŋa.

Kuyɛi Zãa 13:3

Iri akãi mɛɛmuu í jɔ bɛi í ba kumɛɛ iyi á yɔkɔ ku kpaa, amma kumɛɛu í tã nɔ í ba iri. Inɛi andunya ŋa fei à waa cɔɔ do biti nɔ à waa tooɛ.