Luku 9:5 - Bibeli do fee

⁵ Ilu bii à kɔ̀ ku gba ŋɛ, i fita hai ilu bɛ ŋa nɔ i gbugbã nŋa ilùlùi baata nŋɛ ŋa ku jɛ nŋa sɛɛda iyi kiitii Ilaaɔ̃ á naa si ŋa.

Luku 9:5 Iomraidhean Croise

Neemi 5:13

Si anyiɛ nɔ ǹ mu itĩi kumboom ǹ gbugbãɛ ǹ ni, inɛ iyi kù kɔ̃ kuwãɛu, Ilaaɔ̃ ku gbugbã lafɛ̃ɛ bɛɛbɛ nɔ ku nyaa hai si kpasɛ̃ɛ. Kú jɔ̀ amanii lafɛ̃ɛ ku nɛ nɔ ku gbe awɔ ngbɛ. Nɔ inɛ fei í jɛsi í ni, ami. Ŋɔi à saabu Aɔ̃ Lafɛ̃ɛ. Si anyiɛ, ŋɔi à fangaa nɔ à koo à waa ceò kuwãu icɛ.

Matie 10:18

Aa bɔò ŋɛ si wajui ilu ilɛ ŋa do bi amanlu ŋa na irim, ku ba i jɛ sɛɛdam si waju nŋa ŋa do bi dimi mmu ŋa.

Maaku 6:11

Bii í jɛ bii gɔ ŋa inɛ ŋa a kù gba ŋɛ hee má jɛ a gbɔ ide nŋɛ, i fita hai bɛ ŋa, nɔ i gbugbã nŋa ilùlùi baata nŋɛ ŋa ku ba ku jɛ nŋa sɛɛda iyi kiitii Ilaaɔ̃ á naa si ŋa.

Maaku 9:37

inɛ iyi í gba ama keeke bɛi inɛ ihɛ̃ na irim, amui í gba. Inɛ mɔ iyi í gbam, kù jɛ amu akãi í gba, inɛ iyi í bɛm wai í gba.

Luku 10:16

Nɔ í sɔ̃ mɔcɔɛ ŋa í ni, inɛ iyi í gbɔ ide nŋɛ, idem nii í gbɔ. Inɛ mɔ iyi í kɔ̀si ŋɛ, amui í kɔ̀si. Inɛ mɔ iyi í nɔ í kɔ̀sim, inɛ iyi í bɛm wai í kɔ̀si.

Luku 5:14

Ŋɔi Jesu í sɔ̃ɔ í ni ku maà sɔ̃ inɛ kãma ideu bɛ, amma koo nyisi araɛ bi woo weei Ilaaɔ̃u. Nɔ í ni ku ce kuwee iyi Moizi í jilɛu. Kuweeu bɛi á nyisi inɛ ŋa iyi í jɛ inɛ iyi í maaju bɛbɛi.

Luku 9:4

Kpasɛ̃ bii ì sɔ ŋa, i ya wa bɛ hee i koo i fita hai ilu bɛ ŋa.

Luku 9:48

nɔ í sɔ̃ ŋa í ni, inɛ iyi í gba amau ihɛ̃ na irim, amu takam nii í gba. Inɛ mɔ iyi í nɔ í gbam, inɛ iyi í bɛm wai í gba. Inɛ iyi í kere í re si inɔ nŋɛ, nŋui í re iŋɛ fei.

Woo bɛ ŋa 13:51

Ŋɔi woo bɛ ŋau à gbugbã si ŋa sãai baata nŋa ŋa à waa nyisiò iyi mii iyi á na ku ba ŋa í jɛ idei iri nŋa. Si anyiɛ nɔ à nɛ Ikonimu.

Woo bɛ ŋa 18:6

Amma à jãa nɔ à waa buu, ŋɔi í gbugbã si ŋa ilùlùi ibɔɛ nɔ í sɔ̃ ŋa í ni, bii ì na ì ce nfe ŋa, í jɛ idei iri nŋɛ. Kù jɛ baam má. Hai nnyi an jɔ̀ ŋɛ n koo n cea hai jɛ Zuifu ŋa waazo.