Luku 9:44 - Bibeli do fee

⁴⁴ iŋɛ, i de itĩ i gbɔ ide iyi ǹ wa n sɔ̃ ŋɛu ihɛ̃ sãa sãa ŋa. Aa mu amu Amai Amanɛ a daa inɛ ŋa si awɔ.

Luku 9:44 Iomraidhean Croise

Samuɛli 2, 24:14

Ŋɔi Davidi í jɛa Gadi í ni, ǹ wa si inɔ kufɔ nla nla. Á sĩa Aɔ̃ Lafɛ̃ɛ ku kpã wa iju do iyi amanɛ ŋa aa kpã wa iju, domi araarei Aɔ̃ Lafɛ̃ɛ í la.

Matie 16:21

Hai waati bɛɛbɛi Jesu í sinti ku sɔ̃ mɔcɔɛ ŋa í ni tilasii nŋu ku bɔ Zeruzalɛmu. Tengi bɛi inɛ ngbo ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kpã nŋu iju. Aa kpa nŋu, amma si ajɔ mɛɛtasia nŋu á jĩ má hai si balɛ.

Matie 26:2

ì mà ŋa iyi ajɔ minjii í gbe ka jɛò jingaui Iku ku kua. Nɔ waati bɛɛbɛi aa dasi amu Amai Amanɛ si awɔi inɛ ŋa a kpam si jĩi ku gaau.

Maaku 8:31

Ŋɔi Jesu í sinti ku sɔ̃ mɔcɔɛ ŋau í ni nŋu Amai Amanɛ, í gbe nŋu ku ce wahala jiida. Inɛ ngboi Zuifu ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kɔ̀si nŋu a kpa nŋu, amma nŋu á jĩ hai si balɛ si ajɔ mɛɛtasia.

Maaku 9:31

domi wa kɔ mɔcɔɛ ŋau si cio nɔ í sɔ̃ ŋa í ni, aa mu amu Amai Amanɛ a daa inɛ ŋa si awɔ. Aa kpam, amma si ajɔ mɛɛtasia an jĩ hai si balɛ má.

Luku 1:66

Inɛ ŋa iyi à gbɔ ideu fei à ya maa muui si idɔ nŋa nɔ a maa ni, debɛi, bɛirei amau ihɛ̃ á na ku jɛ. Mii ŋa iyi í ceu ihɛ̃ fei wa nyisi iyi gbugbãi Ilaaɔ̃ í wɛɛ do nŋu.

Luku 18:31

Jesu í kpe mɔcɔ maateeji ŋau bi tɛɛ, nɔ í sɔ̃ ŋa í ni, wee à waa bɔ Zeruzalɛmu. Bɛi, ide iyi walii ŋau a kɔ na irii amu Amai Amanɛu fei á ce.

Luku 2:19

Amma Maari njɛ wa mu fei ndɛɛ si idɔɛ, nɔ wa lasabu si do laakai.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Luku 24:44

Ŋɔi í ye ŋa gigi í ni, ide ŋa iyi ǹ sɔ̃ ŋɛu mbɛ si waati iyi ǹ wa inɔ nŋɛ wo. Ǹ tako ǹ sɔ̃ ŋɛ wo ǹ ni mii ŋa iyi à kɔ na irim si tiai woodai Moizi ŋa do si ti walii ŋau do si iri ku kɔ̃i Davidi ŋau kù nɛ bɛi á ce iyi kù ce.

Luku 9:22

Nɔ Jesu í sɔ̃ ŋa má í ni, amu Amai Amanɛ, kù nɛ bɛi á ce iyi n kù yɛ ijuukpã ntɔ ntɔ. Inɛ ngboi Zuifu ŋa do inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa aa kɔ̀sim a kpam, amma an jĩ hai si balɛ si ajɔ mɛɛtasia.

Laabaau jiida iyi Zãa í kɔ 16:31

Ŋɔi Jesu í jɛ nŋa í ni, debɛi ì dasi naanɛ bɛbɛi ŋa?

Laabaau jiida iyi Zãa í kɔ 16:4

Ǹ wa n sɔ̃ ŋɛ ide ŋau ihɛ̃i ku ba bii awaatiu í to wa i ye gigi ŋa iyi ǹ tako ǹ sɔ̃ ŋɛ tã. Ŋɔi Jesu í sɔ̃ ŋa má í ni, n kù sɔ̃ ŋɛ ide ŋau ihɛ̃ hai sinte domi awaɛ ŋai à wɛɛ.

Laabaau jiida iyi Zãa í kɔ 19:11

Ŋɔi Jesu í jɛaa í ni, i kaa nɛ gbugbã kãma sim, bii kù jɛ Ilaaɔ̃i í naɛ wa. Nŋui í jɔ̀ inɛ iyi í dasim si awɔɛ, dulum dɛɛ í re baa tɛɛ.

Woo bɛ ŋa 2:23

Jesuu, Ilaaɔ̃ takaɛi í lasabu hai sinte í jilɔɔ si a daa inɛ ŋa si awɔ. Nɔ iŋɛi ì daa ilu dulum ŋa si awɔ ì jɔ̀ à kpakpaɛ si jĩi ku gaau à kpaa ŋa.

Ebɛɛ 2:1

Na nŋu, í sĩa ka mu ide iyi à gbɔ dim dim ku ba ka maà nyɔ,