Luku 9:41 - Bibeli do fee

⁴¹ Ŋɔi Jesu í ni, iŋɛ inɛ laalɔ hai dasi naanɛ ŋa, hee waati yoomai an wa inɔ nŋɛ. Mà hee waati yoomai an maa n temuaò ŋɛ. Ŋɔi í sɔ̃ mɔkɔu í ni, naaò amaɛu wa ihɛ̃.

Luku 9:41 Iomraidhean Croise

Ilaalu 2, 5:8

Iyi Elizee waliii Ilaaɔ̃u í gbɔ à ni ilaalui Izirɛliu í ga ibɔɛ ŋa, ŋɔi í bɛ inɛ ŋa a koo a beeɛ a ni, na mii í ce ì ga ibɔɛ ŋa. Jɔ̀ ku to wa bi tom. Á mà iyi walii gɔ í wa ilɛi Izirɛli.

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Kufita 10:3

Ŋɔi Moizi do Arɔ̃ɔ à koo bi Faraɔ̃ à sɔ̃ɔ à ni, Aɔ̃ Lafɛ̃ɛi inɛi Ebɛɛ ŋa í ni, hee waati yoomai aa kɔ̀ ku kaye araɛ si wajui nŋu. Í ni i jɔ̀ inɛi nŋu ŋa a nɛ ku ba a koo a tɔɔ nŋu.

Kufita 16:28

Ŋɔi Aɔ̃ Lafɛ̃ɛ í sɔ̃ Moizi í ni, kù jɛ iŋɛ i kaa jirima woodam do kukɔsim ŋa ajɔ kãma ŋa?

Zeremi 4:14

Zeruzalɛmu, bii ì bi i ba faaba, wiɛ idɔɛ. Mà hee waati yoomai ì waa bi i maa mu lasabui laalɔ ku ceɛ ŋau si idɔɛ.

Kuka 14:11

Ŋɔi Aɔ̃ Lafɛ̃ɛ í bee Moizi í ni, hee waati yoomai inɛ ŋau ihɛ̃ aa leekĩò ku yaakom. Hee waati yoomai aa dasim naanɛ, baa do maamaake ŋa iyi ǹ ce si anini nŋa ŋau fei.

Kuka 14:27

ǹ gbɔ inɛi Izirɛli ŋau à waa gbagba na irim. Hee waati yoomai inɛ laalɔ ŋau ihɛ̃ aa jɔ̀ kugbagba nŋa.

Matie 11:28

Iŋɛ iyi ì gbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.

Matie 12:39

Amma Jesu í jɛ nŋa í ni, inɛ laalɔi nsɛi ŋa iyi a kù waa leekĩ do Ilaaɔ̃ nŋu akã, maamaakei à ya maa bi, amma maamaake gɔ kù wɛɛ iyi aa nyisi ŋa má bii kù jɛ ti walii Zonasi,

Matie 12:45

á koo ku dɛdɛ kpaasi laalɔ ŋa iyi à roo wa má bɛi aŋa mɛɛje, a na a lɔ si inɛɛu a maa wa bɛ. Waati bɛɛbɛ kuwɛɛi takoi inɛɛu á tia baa ti ankãanyiɛ má. Mii iyi á ba inɛ laalɔi nsɛi ŋa mbɛ.

Matie 16:4

Inɛ laalɔi nsɛi ŋa iyi a kù leekĩò Ilaaɔ̃ nŋu akã, nyindai à ya maa bi ku yɛ. Amma maamaake gɔ kù wɛɛ iyi aa nyisi ŋa má bii kù jɛ ti walii Zonasiu. Iyi Jesu í fɔ bɛɛbɛ í tã ŋɔi í jɔ̀ ŋa í nɛ.

Matie 17:17

Jesu í ni, iŋɛ inɛ laalɔ hai dasi naanɛ ŋa, hee waati yoomai an maa n wa inɔ nŋɛ. Mà hee waati yoomai an maa n temuaò ŋɛ. I naam amau wa ihɛ̃ ŋa.

Matie 23:36

Ntɔ ntɔ, ǹ wa n sɔ̃ ŋɛi, ijuukpãi mii ŋau bɛ fei si inɛi nnyi ŋau ihɛ̃i á baa ku jɛ si.

Matie 3:7

Farisi ŋa do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.

Maaku 10:14

Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Maaku 10:49

Ŋɔi Jesu í leekĩ í ni a kpoo wa. Nɔ à kpe fɛɛjuu à sɔ̃ɔ à ni, maà jɔ̀ inɔɛ ku fɔ, dede wa. Jesu wa kpeɛ.

Maaku 9:19

Ŋɔi Jesu í sɔ̃ ŋa í ni, iŋɛ hai dasi naanɛ ŋa, hee waati yoomai an maa n wa inɔ nŋɛ. Mà hee waati yoomai an maa n temuaò ŋɛ. I naam amau wa ihɛ̃ ŋa.

Luku 8:25

Nɔ í bee mɔcɔɛ ŋau í ni, hee iwoi naanɛ iyi ì dasim ŋa í wa. Nɔ njo í mu ŋa à biti, à bee njɛ à waa ni, dimii amanɛ yoomai ihɛ̃, iyi wa ba fufu do inyi ide ku fɔ nɔ à waa gbɔ ideɛ.

Luku 9:40

Ǹ tɔɔ mɔcɔɛ ŋa a leleaa, amma à mɔngɔ.

Luku 9:42

Nɔ wa kooòɛ. Iyi í toɛ wa kɔkɔi Jesu ŋɔi inɛi inɔɔkou í kɛkɛɛ ilɛ í gbugbãɛ jiida. Amma Jesu í fɔ si inɛi inɔɔkou ide do gbugbã ŋɔi í fita nɔ amau í ba faaba. Nɔ Jesu í sindoa baaɛ.

Laabaau jiida iyi Zãa í kɔ 14:9

Ŋɔi Jesu í jɛaa í ni, Filipu, hai ku kpɛi ǹ wa inɔ nŋɛ ihɛ̃ nɔ i kù màm? Inɛ iyi í yɛm í yɛ Ilaaɔ̃ Baabai. To, na mii í ce ì waa ni, nyisi wa Ilaaɔ̃ Baaba má.

Laabaau jiida iyi Zãa í kɔ 20:27

Nɔ í sɔ̃ Tomaa í ni, cɔ awɔm ŋa nɔ i dasi amaawɔɛ si bɛ. Naaò awɔɛ wa má i luò cingaam. Jɔ̀ sika sikau bɛ, dasi naanɛ.

Woo bɛ ŋa 13:18

nɔ í yɔkɔò ŋa temua zakai adɔ̃ ciiji si gbaau.

Woo bɛ ŋa 2:40

Do ide ikã ikã nkpɔ nkpɔi Piɛɛ í jɛ nŋa do sɛɛda nɔ í mu nŋa gbugbã í ni, i nya ara nŋɛ ikã hai bi inɛ laalɔi nsɛi ŋau ihɛ̃ ku ba i ba faaba ŋa.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Wooda ku kɔsi 32:5

Amma iŋɛ iyi ì jɛ zamaa laalɔ, nɔ kuce nŋɛ í sãmiu, iŋɛi ì cea Aɔ̃ Lafɛ̃ɛ laalɔ. Anyɔi í jɛ tu ŋɛ, i kù jɛ amaɛ má ŋa.

Ebɛɛ 3:19

Bɛɛbɛ mɔi, à yɛ iyi a kù yɔkɔ a kù lɔ si bi kusĩmiu si na iyi í jɔ̀ a kù dasi naanɛ.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 4:2

À waazo nwa laabaau jiida si bɛi à cea inɛ ŋa iyi à tako à wa si gbaau. À gbɔ ideu amma kù ce nŋa aranfãani kãma domi si waati iyi à gbɔɔ, a kù dasi naanɛ.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.