Luku 9:16 - Bibeli do fee

¹⁶ Ŋɔi Jesu í so pɛ̃ɛ miiuu do cɛ̃ɛ minjiu nɔ í wu iju lele í saabu Ilaaɔ̃ nɔ í bububuɛ í na mɔcɔɛ ŋau a kpɛ̃a zamaau.

Luku 9:16 Iomraidhean Croise

Matie 14:19

Nɔ í ni zamaau ku buba si fɔfɔu, nɔ í so pɛ̃ɛ ara miiu do cɛ̃ɛ minjiu, í wu iju lele í saabu Ilaaɔ̃. Nɔ í bububu pɛ̃ɛ ŋau í na mɔcɔɛ ŋau nɔ aŋa mɔ à kpɛ̃a zamaau.

Matie 15:36

Nɔ í so pɛ̃ɛ ara mɛɛjeu do cɛ̃ɛ ŋau, í saabu Ilaaɔ̃ titã í bɛi í bububuɛ í na mɔcɔɛ ŋa a kpɛ̃ nŋa. Ŋɔi à kpɛ̃a inɛ ŋau.

Maaku 7:34

Nɔ í wu iju lele í jilɛ idɔ í fɔ do fee nŋa í ni, efata, waatɔ, cĩ.

Luku 22:19

Si anyii nŋu, í so pɛ̃ɛ nɔ í saabu Ilaaɔ̃ titã í bɛi í bububuɛ, nɔ í na ŋa í ni, iyi ihɛ̃i í jɛ aram [iyi ǹ na na iri nŋɛ. I ya coo ŋa i maa yeò gigim.

Luku 24:30

Ŋɔi aŋaò ŋa à waa jɛ. Waati iyi à waa jɛu ŋɔi í so pɛ̃ɛ í ce si kutɔɔ í bɛi í bububuɛ nɔ í na ŋa.

Luku 9:15

Nɔ à ce bɛɛbɛ à jɔ̀ aŋa fei à buba.

Luku 9:17

Iyi à kpɛ̃a zamaau, nɔ aŋa fei à jɛ à yo. Nɔ à ko iyi à jɛ í gbeu kɔlɔ maateeji í kɔ̃.

Laabaau jiida iyi Zãa í kɔ 6:11

Ŋɔi Jesu í so pɛ̃ɛ ŋau í saabu Ilaaɔ̃, ŋɔi í jɔ̀ à kpɛ̃a inɛ ŋa iyi à waa bubau. Bɛɛbɛ mɔi í ce do cɛ̃ɛ ŋau. Nɔ à jɛ bɛi à bi.

Laabaau jiida iyi Zãa í kɔ 6:23

Waati bɛɛbɛ, akɔi inyi gɔ ŋa mɔ à naa hai Tiberia nɔ à to inyau. Tengi bɛi Lafɛ̃ɛ Jesu í tako í saabu Ilaaɔ̃ í bɛi í na ŋa pɛ̃ɛ à jɛu.

Woo bɛ ŋa 27:35

Iyi Pɔlu í fɔ bɛɛbɛ í tã ŋɔi í so pɛ̃ɛ í saabu Ilaaɔ̃ si wajui aŋa fei nɔ í bububuɛ í lɔsi ku jɛ.

Romu 14:6

Inɛ iyi wa tamaa ajɔ gɔ ŋa à re njɛ do bɛɛrɛ, wa cooi na Lafɛ̃ɛ. Inɛ iyi wa jɛ ijɛ iyi í ba fei, na irii Lafɛ̃ɛi wa jɔɔ, domi í ya saabu Ilaaɔ̃i titã na ijɛu. Inɛ mɔ iyi kù waa jɛ mii fei, na irii Lafɛ̃ɛi kù waa jɛ, í nɔ wa saabuɛ.

Kɔrɛnti 1, 10:30

Bii ǹ saabu Ilaaɔ̃ si ijɛ, inɛ kãma kù nɛ kpãa ku yɛ taalem na ijɛu iyi ǹ saabuò Ilaaɔ̃ tã.

Kɔrɛnti 1, 11:24

í saabu Ilaaɔ̃, nɔ í bububuɛ. Nɔ í ni, iyi ihɛ̃i í jɛ aram iyi ǹ na na iri nŋɛ. I ya ce iyi ihɛ̃ i maa yeò gigim ŋa.

Samuɛli 1, 9:13

aa yɔɔ bii ì waa lɔ inɔ iluu gbakã ŋa hee ku maa gũ geeteu. Inɛ kãma kaa jɛ bii kù to wa domi nŋui á ce kutɔɔ si kuweeu, inɛ ŋa a bɛi a jɛ. I koo nsɛi, aa baa bɛ ŋa.