Luku 9:11 - Bibeli do fee

¹¹ Ŋɔi inɛ ŋa à gbɔ ikpa bii à wa nɔ zamaa nkpɔ gɔ í da hãmɛ nŋa bɛ. Nɔ Jesu í gba ŋa wa sɔ̃ ŋa idei bommai Ilaaɔ̃, nɔ í jɔ̀ inɛ ŋa iyi a kù waa nɛ baani à ba iri.

Luku 9:11 Iomraidhean Croise

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Matie 12:15

Amma Jesu í mà si ŋa nɔ í nɛ hai bɛ. Waati iyi Jesu wa nɛ, zamaa nla nla gɔ í tooɛ. Nɔ í jɔ̀ bɔ̃ɔ ŋa fei à ba iri.

Matie 14:14

Iyi à fita hai si akɔi inyiu ŋɔi Jesu í yɛ zamaau. Nɔ í ce araare nŋa nɔ í jɔ̀ bɔ̃ɔ nŋa ŋa à ba iri.

Matie 21:31

Si ama minji ŋau yoo nŋai í ce idɔɔbii baaɛ. Ŋɔi à ni, inɛ sinteui. Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, woo gba fiai lɛmpoo do inaabo woo ta icu ŋa aa tako ŋɛ a lɔ si tengi bii Ilaaɔ̃ í jɛ bomma.

Matie 21:43

Nɔ Jesu í ni má, ǹ wa n sɔ̃ ŋɛi, Ilaaɔ̃ á gba bommaɛ hai bi tu ŋɛ ku na dimi mmu ŋa iyi à waa ce idɔɔbiɛ. [

Luku 1:53

Í jɔ̀ inɛ ŋa iyi ari wa kpa à jɛ mii jiida ŋa à yo, amma í lele ilu fia ŋa awɔ ngbɛ.

Luku 5:31

Iyi Jesu í gbɔ bɛɛbɛ ŋɔi í jɛ nŋa í ni, ilu baani ŋa a kù nɛ bukaatai ilu iwɔ bii kù jɛ bɔ̃ɔ ŋa.

Luku 8:1

Si anyii nŋu, Jesu í dabii dabii si wangaa ŋa do si ilɛɛko ŋa, wa waazo wa sisi laabaau jiidai bommai Ilaaɔ̃. Nɔ mɔcɔ maateeji ŋau à suu

Luku 8:10

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ, amma inɛ ŋa iyi à gbe à waa sɔ̃ ŋai do mɔnda ŋa ku ba baa bii à waa cɔ a maà yɔɔ, nɔ bii à waa gbɔ a kaa mà yaaseɛ.

Luku 9:10

Nɔ mɔcɔ maateeji ŋa iyi Jesu í tako í bɛ ŋau à baa bi tɛɛ à waa sisiaa mii ŋa iyi aŋa à ce fei. Nɔ Jesu í gbã ŋa ikã í bɔò ŋa ikpa kɔkɔi ilu gɔ iyi à ya kpe Bɛsaida.

Luku 9:12

Iyi inunu wa lɔ ŋɔi woo bɛ maateeji ŋau à sɛkɛɛ siɛ à sɔ̃ɔ à ni, jɔ̀ inɛ ŋau à nɛ inɔ ilu walakɔ ilɛɛko ŋa à dɛ bii aa sũ do mii iyi aa jɛ, domi si gbabuai à wa ihɛ̃.

Luku 9:2

Ŋɔi í bɛ ŋa a koo a waazo idei bommai Ilaaɔ̃ nɔ a jɔ̀ bɔ̃ɔ ŋa a ba iri.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 6:37

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Woo bɛ ŋa 28:31

Wa waazo idei bommai Ilaaɔ̃ nɔ wa kɔ nŋa si idei Lafɛ̃ɛ Jesu Kirisi do wɔɔkɔ nɔ inɛ kãma kù ganjiɛ.

Romu 10:14

Nɔ bɛirei inɛ ŋa aa ce a tɔɔɛ bii a kù dasiɛ naanɛ. Mà bɛirei aa ce a dasiɛ naanɛ bii a kù gbɔ ideɛ. Nɔ bɛirei aa ce a gbɔ ideɛ bii inɛ gɔ kù ce waazoi ideu.

Romu 10:17

Bɛɛbɛ mɔi naanɛ ku dasi wa naai hai si ide iyi inɛ wa gbɔ. Nɔ ide iyi à waa gbɔu idei Kirisii.

Romu 15:3

Kirisi takaɛ ci ya ce mii iyi á dɔ̃a nŋu takaɛ si, amma si bɛi à kɔɔ si idei Ilaaɔ̃ à ni, í sɔ̃ Ilaaɔ̃ í ni, inɛ ŋa iyi à buɛ, arabu nŋa í baa sim.

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.