Luku 9:1 - Bibeli do fee

¹ Jesu í kpe mɔcɔ maateejiɛ ŋau í tɔtɔɔ ŋa í mu nŋa gbugbã do yiiko a leleò inɛi inɔɔko ŋa fei nɔ a jɔ̀ bɔ̃ɔ ŋa a ba iri.

Luku 9:1 Iomraidhean Croise

Matie 16:19

Awɔi an na yiiko si kpãai bommai Ilaaɔ̃. Mii iyi ì kɔ̀si si andunya, lele mɔ á kɔ̀sii. Nɔ mii iyi ì jɛsi si andunyau, lele mɔ á jɛsii.

Matie 4:24

Nɔ baauɛ í fangaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛgɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.

Matie 8:9

Amu takam, ǹ nɛ inɛ ngbo ŋa iyi ǹ wa n jirima, nɔ ǹ nɛ sooge gɔ ŋa mɔ iyi ǹ wa n gbã. Inɛ akã nŋa iyi ǹ bɛ á kooi, inɛ iyi ǹ kpe mɔ á naai, nɔ icɛ iyi ǹ ni amaacɛm ku ce nŋui í ya ce.

Luku 10:1

Si anyii nŋu, Lafɛ̃ɛ í cica amanɛ kitaò fɛɛwa do minji mmu má, í bɛ ŋa minji minji a cuaa si ilu ŋa fei do bii nŋu takaɛ á nɛ ku bɔ fei.

Luku 10:19

Ntɔ ntɔ ǹ mu nŋɛ yiiko i tɛɛsɛò njo ŋa do cencee ŋa hee do gbugbã iyi Seetam mbɛɛu í nɛ fei, nɔ nkãma kaa yɔkɔ ku mɛɛ ŋɛ.

Laabaau jiida iyi Zãa í kɔ 14:12

Ntɔ ntɔ ǹ wa n sɔ̃ ŋɛi, inɛ iyi í dasim naanɛ, lafɛ̃ɛ mɔ á ce icɛ iyi ǹ wa n ce, nɔ á ce ku la ku re bɛɛbɛ mɔm, domi wee ǹ wa n bɔ bi Baaba.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 3:16

Gbugbãi irii Jesui í jɔ̀ mɔkɔu ihɛ̃ í ba iri, na saabui naanɛ iyi í dasiɛ. Mɔkɔ iyi ì waa yɛ nɔ ì mà ŋau ihɛ̃, naanɛ iyi í dasi Jesuui í jɔ̀ í ba iri mam mam si wajui iŋɛ fei.

Woo bɛ ŋa 4:30

Nyisi gbugbãɛ ku ba maamaake ŋa ku ce nɔ inɛ ŋa a ba iri do saabui irii Jesu woo ce icɛ kumáɛu.

Woo bɛ ŋa 9:34

Ŋɔi Piɛɛ í sɔ̃ɔ í ni, Enee dede, Jesu Kirisi í jɔ̀ ì ba iri, ka sɛ̃ɛɛ. Gbakã ŋɔi í dede.