Luku 8:6 - Bibeli do fee

⁶ Nɔ gɔgɔ ŋa mɔ à cuku si ilɛ iyi í nɛ kuta. Iyi í fita gbakã, í gbɛi, domi mandi kù wa si.

Luku 8:6 Iomraidhean Croise

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Ezekiɛli 11:19

An jɔ̀ a nɛ lasabu akã, nɔ n mu nŋa idɔ titɔ̃. An nya idɔ nŋa iyi í le bɛi kuta, nɔ n da nŋa si idɔ iyi í yɛ bɛi ara baasĩ.

Ezekiɛli 36:26

An mu nŋɛ idɔ titɔ̃ do hunde titɔ̃. An nya idɔ nŋɛ iyi í le bɛi kutaui, nɔ n sã nŋɛ si idɔ iyi í rɔ bɛi ara bãasĩi amanɛ.

Amɔsu 6:12

Acĩ ŋa aa sɛi si kuta ba. À ya fa ilɛ do kɛtɛ ŋa si iri kuta ba. To, na mii í ce ì waa kpaasi ntɔ ku jɛ bɛi acĩ ŋa, nɔ dee dee ku jɛ mɔ ku baa ku jɛ bɛi mii kuro gɔ.

Luku 8:13

Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Luku 8:5

Si mɔndau í ni, mɔkɔ gɔ í fita wa fã dimi. Si bɛi wa fã dimiu, ŋɔi gɔgɔ ŋa à cuku si kpãa, nɔ inɛ ŋa à nɛ̀ si nɔ yɛi ŋa à jɔɔ.

Luku 8:7

Gɔgɔ ŋa mɔ à cuku si inɔ agũ ŋa. Ŋɔi agũ ŋau do dimi jiidau à fita ajɔ, ŋɔi agũ ŋau à dede à la à bii dimi jiidau.

Ebɛɛ 3:15

Na ŋɔi í jɔ̀ à ni, bii ì waa gbɔ ide ku fɔi Ilaaɔ̃ nnyi ŋa, i maà lele idɔ nŋɛ bɛi si ajɔ iyi bala nŋɛ ŋa à kɔ̀siɛ.