Luku 8:44 - Bibeli do fee

⁴⁴ Ŋɔi í sɛkɛɛ si Jesu do anyi í koo í lu itĩi ibɔɛ. Bɛ gbakã bɔ̃ɔu í tã.

Luku 8:44 Iomraidhean Croise

Kufita 15:26

Í ni, bii ì waa gbɔ imui ide ku fɔi amu Aɔ̃ Lafɛ̃ɛ nŋɛ do laakai, bii ì waa ce iyi í tɛ si wajum ŋa, nɔ ì waa de itĩ si woodam ŋa, nɔ ì waa jirima wooda ŋau fei ŋa, n kaa n dasi ŋɛ bɔ̃ɔ kãma bɛi ǹ dasi inɛi Ezibiti ŋau. Amui ǹ jɛ Aɔ̃ Lafɛ̃ɛ nŋɛ, nɔ amui an faaba ŋɛ hai si bɔ̃ɔ nŋɛ.

Matie 20:34

Nɔ Jesu í ce araare nŋa í lu iju nŋau. Nɔ gbakã inɛ ŋau à yɛ ilu nɔ à waa tooɛ.

Matie 8:3

Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju. Bɛ gbakã í ba iri hai si bɔ̃ɔɛu.

Matie 9:20

Waati iyi à dasi kpãa à waa nɛ, inaabo gɔ wa too ŋa. Abou wa ce bɔ̃ɔi awɔ ku mu hai adɔ̃ maateeji wa. Ŋɔi í bɔ do anyii Jesu í koo í lu itĩi ibɔɛ.

Maaku 6:56

Bii Jesu í to fei, hai ilɛɛko ŋa do ilu nla ŋa do iko bii inɛ ŋa à waa sũ fei, à ya maa naaò bɔ̃ɔ ŋa wai si bantuma bii í wau. Ŋɔi à ya tɔɔɛ ku jɔ̀ aŋa a lu baa itĩi kumbooɛ. Nɔ inɛ ŋa iyi à luu fei à ya ba irii.

Luku 13:13

Nɔ í le siɛ awɔ. Ŋɔi gbakã í tɛ araɛ nɔ í lɔsi Ilaaɔ̃ ku saabu.

Luku 7:38

Abou í naa í wai kɔkɔi Jesu bi isɛɛ ŋa. Wa kpata nɔ cikãajuɛ ŋa wa tontoo si isɛɛ hee í cɔɔ, nɔ wa gbãa do ntoi iriɛ ŋa, wa cɔ̃ɔcɔ̃ɔɛ, í fã siɛ tuaeu.

Luku 8:43

Wee abo gɔ mɔ í wa bɛ iyi wa ce bɔ̃ɔi awɔ ku mu hai adɔ̃ maateeji. Nɔ í jɛ fiaɛ fei bi lokotoo ŋa, nɔ kãma nŋa kù yɔkɔ kù faabaɛ.

Luku 8:45

Nɔ Jesu í bee í ni, yooi í lum. Ŋɔi aŋa fei à waa jã, ŋɔi Piɛɛ í ni, Mɛɛtu, zamaaui í kaakoɛ wa manteɛ.

Laabaau jiida iyi Zãa í kɔ 5:13

Amma inɛ iyi í ba iriu kù mà lafɛ̃ɛ si na iyi í jɔ̀ zamaa í wa bɛ nɔ Jesu í dasi inɔ nŋa.

Woo bɛ ŋa 19:12

Na ŋɔi í jɔ̀ jaaɛ iyi í lu araɛ fei, bii à so à lea bɔ̃ɔ ŋa si ara à ya ba irii. Inɛ ŋa mɔ iyi à nɛ inɛi inɔɔko ŋa, bii à lu ŋaò, inɛi inɔɔko ŋau à ya fitai.

Woo bɛ ŋa 5:15

Ŋɔi inɛ ŋa à wasi ku naaò bɔ̃ɔ ŋa wa si kpãa ŋa. À ya naa a jilɛ ŋa si daayi ŋa do si sɛ̃ɛ ŋa ku ba bii Piɛɛ wa lɔ ayaɛ ku bii inɛ gɔ ŋa si inɔ nŋa.

Wooda ku kɔsi 22:12

Acɔ iyi í jɛ acɔ ku biiɛ, aa dasi booda yaba yabai si itĩ mɛɛ ŋau fei.