Luku 8:43 - Bibeli do fee

⁴³ Wee abo gɔ mɔ í wa bɛ iyi wa ce bɔ̃ɔi awɔ ku mu hai adɔ̃ maateeji. Nɔ í jɛ fiaɛ fei bi lokotoo ŋa, nɔ kãma nŋa kù yɔkɔ kù faabaɛ.

Luku 8:43 Iomraidhean Croise

Bomma 2, 16:12

Si adɔ̃ kuntaa do mɛɛsãsiai bomma ku jɛi Azau, í ba bɔ̃ɔ si isɛɛ nɔ wa kpãa iju ntɔ ntɔ. Aza kù dɛdɛ Aɔ̃ Lafɛ̃ɛ, í gbe bi ilu iwɔ ŋai í bɔ.

Zɔɔbu 13:4

domi iŋɛ ì waa bii ntɔ ŋai do ibo. Iŋɛ fei iwɔ iboi ì mà ku na bɔ̃ɔ ŋa.

Iri ku kɔ̃ 108:12

Ilaaɔ̃, kù jɛ awɔi ì kɔ̀si wa? Awɔi i kù sì sooge nwa ŋau.

Ezai 2:22

Na nŋu, i fɛò amanɛ ku dasi naanɛ ŋa. Bɛɛrɛ yoomai amanɛ í nɛ. Kuwɛɛi amanɛ fufui.

Maaku 12:44

domi aŋa fei, iyi í lesi antaii fia nŋa ŋai à dasi, amma abou baa do iyi í jɛ ilu are, í dasii andi iyi í nɛ fei, nkãma kù gbea iyi á maa wɛɛò má.

Maaku 9:18

Waati iyi í dede siɛ fei í ya kɛkɛɛ ilɛi nɔ gɛlɛɛ ku ce antɔ foko ku maa ŋɔ inyi nɔ ku kasãm. Wee ǹ tɔɔ mɔcɔɛ ŋa a leleaa, amma a kù yɔkɔ.

Luku 13:11

Wee abo gɔ mɔ í wa bɛ iyi inɛi inɔɔko í jɔ̀ í ce bɔ̃ɔ bɛi zakai adɔ̃ maatũ do mɛɛta. Í ya maa batei, ci ya yɔkɔ ku tɛ araɛ baa keeke.

Luku 13:16

Abou ihɛ̃ mɔ dimii Aburahamui. Nɔ wee Seetam wa dũu hai zakai adɔ̃ maatũ do mɛɛta. Kù sĩa a fũu si ajɔi kusĩmi?

Luku 8:27

Ŋɔi à fita hai inɔi akɔi inyiu. Iyi à kita ilɛ ŋɔi Jesu í yɛ mɔkɔ gɔ wa naa ku kòo. Mɔkɔu inɛi ilu bɛi. Wee í bɛi í nɛ inɛi inɔɔko ŋa. Waati kãma fei à ya maa dede siɛi. Ŋɔi inɛ ŋa à ya dũu do sesee nɔ à dĩ isɛɛ ŋa do isɔ ku ba a nɔɔ. Amma í ya da kudĩ ŋaui fei nɔ inɛi inɔɔkoɛ ŋau à bɔòɛ hee si gbabua ŋa. Hai ku kpɛ basĩi í ya maa wɛɛ, ci ya buba kpasɛ̃. Bi ku si iku ŋai í ya wa. Iyi mɔkɔu í yɛ Jesu ŋɔi í koo í cuku si wajuɛ í dɔ̃ anu hee lele wa ni, mii í wa aninii awaɛ, Jesu awɔ Amai Ilaaɔ̃. Ilaaɔ̃ í re fei nɔ ǹ wa n tɔɔɛi, maà wahalam. Wa dɔ̃ bɛɛbɛi si na iyi í jɔ̀ Jesu í ni inɛi inɔɔko ŋau a fita siɛ.

Luku 8:42

Wa tɔɔ Jesu ku naa kpasɛ̃ɛi si na iyi í jɔ̀ ama inaabo akã lege legeɛ iyi í nɛ adɔ̃ maateeji, wa bi ku ku. Ŋɔi Jesu wa koo. Iyi wa koo, nɔ zamaa nla nla wa manteɛ.

Luku 8:44

Ŋɔi í sɛkɛɛ si Jesu do anyi í koo í lu itĩi ibɔɛ. Bɛ gbakã bɔ̃ɔu í tã.

Laabaau jiida iyi Zãa í kɔ 9:1

Iyi Jesu wa nɛ ŋɔi í yɛ inɛ gɔ iyi à bí fɛɛju.

Laabaau jiida iyi Zãa í kɔ 9:21

Amma a kù mà bɛi í ce wa yɛ ilu si nsɛi, a kù nɔ a kù mà inɛ iyi í cĩaa ijuɛ. Nŋu takaɛ í la, i beeɛ, á sɔ̃ ŋɛ do araɛ.

Woo bɛ ŋa 3:2

Ŋɔi à yɛ mɔkɔ gɔ bɛ iyi à bí do wɛɛgɛ. Ajɔ fei à ya na a jilɔɔi andɛi bantumai kpasɛ̃i Ilaaɔ̃ iyi à ya kpe andɛ Kusĩau, ku maa bara waati iyi inɛ ŋa à waa lɔ.

Woo bɛ ŋa 4:22

domi mɔkɔ iyi à faaba do maamaakeu, adɔ̃ɛ í re baa ciiji.