Luku 8:35 - Bibeli do fee

³⁵ Nɔ inɛ ŋa à fita à bɔ ku cɔ mii iyi í ceu. Iyi à to bi Jesu, ŋɔi à yɛ mɔkɔ iyi inɛi inɔɔko ŋa à fita siɛu. Mɔkɔu í baa si laakaiɛ má, nɔ wa buba kɔkɔi Jesu í dasi jĩnɛ ŋa. Ŋɔi njo í mu ŋa.

Luku 8:35 Iomraidhean Croise

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Matie 4:24

Nɔ baauɛ í fangaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛgɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.

Maaku 5:15

Iyi à naa bi Jesu, à yɛ inɛ iyi í tako í nɛ inɛi inɔɔko bututuu í baa si laakaiɛ í dasi jĩnɛ ŋa wa buba. Ŋɔi à biti, njo í mu ŋa jiida.

Luku 10:39

Abou í nɛ ifɔ gɔ iyi à ya kpe Maari. Ifɔu wa bubai kɔkɔi Lafɛ̃ɛ wa gbɔ ideɛ.

Luku 15:17

Iyi laakaiɛ í na í baa nɔ í ni, amaacɛi baam ŋa fei à nɛ ijɛ wa kɔ̃ nŋai, nɔ amu wee ǹ wa n ku do ari ihɛ̃.

Luku 2:46

Si ajɔ mɛɛtasia ŋɔi à yɔɔ bantumai kpasɛ̃i Ilaaɔ̃. Wa buba si aninii woo kɔ inɛ ŋa si wooda ŋa, wa gbɔ ide nŋa nɔ wa bee ŋa ide.

Luku 8:27

Ŋɔi à fita hai inɔi akɔi inyiu. Iyi à kita ilɛ ŋɔi Jesu í yɛ mɔkɔ gɔ wa naa ku kòo. Mɔkɔu inɛi ilu bɛi. Wee í bɛi í nɛ inɛi inɔɔko ŋa. Waati kãma fei à ya maa dede siɛi. Ŋɔi inɛ ŋa à ya dũu do sesee nɔ à dĩ isɛɛ ŋa do isɔ ku ba a nɔɔ. Amma í ya da kudĩ ŋaui fei nɔ inɛi inɔɔkoɛ ŋau à bɔòɛ hee si gbabua ŋa. Hai ku kpɛ basĩi í ya maa wɛɛ, ci ya buba kpasɛ̃. Bi ku si iku ŋai í ya wa. Iyi mɔkɔu í yɛ Jesu ŋɔi í koo í cuku si wajuɛ í dɔ̃ anu hee lele wa ni, mii í wa aninii awaɛ, Jesu awɔ Amai Ilaaɔ̃. Ilaaɔ̃ í re fei nɔ ǹ wa n tɔɔɛi, maà wahalam. Wa dɔ̃ bɛɛbɛi si na iyi í jɔ̀ Jesu í ni inɛi inɔɔko ŋau a fita siɛ.

Luku 8:34

Ŋɔi woo degbe kuusɔɔ ŋau à yɛ mii iyi í ce, nɔ à sa à koo à waa sisi laabaaui ideu si ilu nlau do si ilɛɛko ŋa.

Woo bɛ ŋa 22:3

amu Zuifui, à bím nii Taasi si ilɛi Silisi, amma Zeruzalɛmu ihɛ̃i à bíím. Gamaliɛlii í kɔm si cio, nŋui í kɔm si woodai bala nwa ŋa sãa sãa, nɔ ǹ nɛ himma si icɛi Ilaaɔ̃ si bɛi iŋɛ fei ì wɛɛò nnyi ŋa.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.