Luku 8:24 - Bibeli do fee

²⁴ Ŋɔi à sɛkɛɛ si Jesu à jũu à ni, Mɛɛtu, Mɛɛtu, à waa bɔ nfe ku ce. Ŋɔi Jesu í jĩ nɔ í la si fufuu do kutãngãm dii inyiu. Nɔ à dɛ̀ à coko sɔ̃m sɔ̃m.

Luku 8:24 Iomraidhean Croise

Iri ku kɔ̃ 65:7

Aɔ̃ Lafɛ̃ɛ, ì nɛ gbugbã. Do gbugbãɛui ì jilɛò icui iri kuta ŋa.

Ezai 50:2

Waati iyi ǹ naa, na mii í jɔ̀ n kù yɛ inɛ kãma. Waati iyi ǹ kpe ŋɛ, na mii í jɔ̀ inɛ kãma kù jɛ. Awɔm í kandaa bɛi n kaa n yɔkɔ n faaba ŋɛi? Gbugbã wa gaiziam bɛi n kaa n yɔkɔ n faaba ŋɛ? Bii ǹ la si tenku, í to tenku ku gbɛ, nɔ ido nla ŋau mɔ a baa a kpɔò gbaa. Waati bɛɛbɛ, inyi á gaizia, nɔ cɛ̃ɛ ŋa aa ku do agbɛ, nɔ a sãmi.

Zeremi 5:22

Aɔ̃ Lafɛ̃ɛ í ni, i kù mà gbugbãm ŋai? I kù wa yaya si wajum ŋa de. Amui ǹ nyaa tenku kɔɔ do sãa. Kɔɔu á maa wɛɛi hee do ajɔ fei, nɔ tenkuu kaa yɔkɔ ku kuaɛ wa. Kutãngãm ndɛɛ ŋau wa yaga, amma a kù nɛ gbugbã. À waa ce iba, do nŋu fei, a kaa yɔkɔ a kua.

Nahumu 1:4

Aɔ̃ Lafɛ̃ɛ í ya la si inyii tenkui nɔ ku gbɛ. Í ya jɔ̀ inyii ido nla ŋa fei a gbɛi. Nɔ Basãa bi ku jɛi mɛɛmu ŋa do lɔɔmai Kaamɛli ŋau fei à ya gbɛi. Kokoi jĩi ndii Libãa ŋau fei à ya gbɛi.

Matie 14:30

Amma iyi laakaiɛ í bɔ si fufu iyi wa ce do gbugbãu, ŋɔi njo í muu. Nɔ í sinti ku mile. Ŋɔi í dɔ̃ anu í ni, Lafɛ̃ɛ, faabam.

Matie 8:25

Ŋɔi mɔcɔ ŋau à koo à jũu à ni, Lafɛ̃ɛ, faaba wa, à waa bɔ nfe ku ce.

Maaku 4:39

Iyi Jesu í jĩ, ŋɔi í la si fufuu, nɔ í sɔ̃ tenkuu í ni, í to bɛɛbɛ, i coko. Nɔ fufuu í leekĩ nɔ inyau í coko cau.

Luku 4:35

Ŋɔi Jesu í la siɛ í ni, coko, fita hai si mɔkɔu. Ŋɔi inɛi inɔɔkou í ta mɔkɔu ilɛ si anini nŋa, nɔ í fita siɛ, kù mɛɛ.

Luku 4:39

Ŋɔi í kɔmba si abou í la si ara gbãau nɔ í nya. Nɔ abou í dede gbakã í yaaɛ ŋa.

Luku 5:5

Ŋɔi Simɔɔ í sɔ̃ɔ í ni, Mɛɛtu, à ce icɛ do idũ fei a kù mu ngɔgɔ. Amma si bɛi awɔi ì fɔ, an dasi taao ŋau inɔ inyi.

Luku 8:25

Nɔ í bee mɔcɔɛ ŋau í ni, hee iwoi naanɛ iyi ì dasim ŋa í wa. Nɔ njo í mu ŋa à biti, à bee njɛ à waa ni, dimii amanɛ yoomai ihɛ̃, iyi wa ba fufu do inyi ide ku fɔ nɔ à waa gbɔ ideɛ.