Luku 8:18 - Bibeli do fee

¹⁸ Na nŋu, i ce laakai ŋa do yaase bɛi ì waa gbɔò ide ŋa, domi inɛ iyi í nɛ, nŋui à ya kɔ̃ɔa si. Inɛ mɔ iyi kù nɛ, andi iyi wa tamaa siu má à ya gbaai.

Luku 8:18 Iomraidhean Croise

Mɔnda ŋa 14:12

Amanɛ í ya wɛɛ si iyi kpãai nŋu kpãa jiidai, amma bi ikui í ya na ku bɔòɛ.

Matie 13:12

Inɛ iyi í nɛ, nŋui à ya kɔ̃ɔa si, nɔ kunɛu ku la. Amma inɛ iyi kù nɛ, baa keeke iyi í nɛu à ya gbaai má.

Matie 25:29

domi inɛ iyi í nɛ, nŋui à ya kɔ̃ɔa si ku ba iyi í nɛu ku kɔ̃ɔsi má. Amma inɛ iyi kù nɛ, baa keeke iyi í nɛu má à ya gbaai.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Luku 19:26

Ŋɔi í ni, ǹ wa n sɔ̃ ŋɛi, inɛ iyi í nɛ, lafɛ̃ɛi aa kɔ̃ɔa si. Inɛ mɔ iyi kù nɛ, baa andi keeke iyi í nɛu má aa gbaai.

Luku 9:44

iŋɛ, i de itĩ i gbɔ ide iyi ǹ wa n sɔ̃ ŋɛu ihɛ̃ sãa sãa ŋa. Aa mu amu Amai Amanɛ a daa inɛ ŋa si awɔ.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Woo bɛ ŋa 10:33

Iyi amalekau í fɔ bɛɛbɛ, ŋɔi ǹ bɛ siɛ inɛ ŋau bɛ wa gbakã, ì nɔ ì jɛ ì naa. Iyi bɛ í sĩa. Nsɛi awa fei à wa si wajui Ilaaɔ̃ ihɛ̃ à waa de itĩ si ide iyi Lafɛ̃ɛ í sɔ̃ɛ fei i sɔ̃ wa.

Woo bɛ ŋa 17:11

Inɛ ŋa iyi à wa bɛ ŋau à lasabu si ideu do laakai í re Zuifu ŋa iyi à wa Tɛsalonika. À gba idei Ilaaɔ̃ do inɔ didɔ̃. Ajɔ fei à ya maa cio kukɔui ku ba a mà bii í jɛ mii iyi Pɔlu í ya maa sɔ̃ ŋau ntɔi.

Romu 12:3

Na didɔ̃ iyi Ilaaɔ̃ í muum, ǹ wa n sɔ̃ iŋɛ fei, i maà jilɛ ara nŋɛ tengi bii i kù to ŋa, amma inɛ fei ku jilɛ araɛ si zaka bɛi Ilaaɔ̃ í muaa naanɛ.

Kɔrɛnti 1, 14:37

Bii inɛ gɔ í tamaa nŋu í jɛ walii, walakɔ wa tamaa nŋu í ba amuai Hundei Ilaaɔ̃, í sĩa ku jɛsi iyi ide iyi ǹ jɔ̀ nŋɛu woodai Lafɛ̃ɛi.

Kɔrɛnti 1, 3:18

Inɛ gɔ ku maà lɛlɛ araɛ. Inɛ gɔ nŋɛ iyi í tamaa nŋu í nɛ bisi si andunyau ihɛ̃ ku jɔ̀ ku jɛ nnyɛi ku ba ku yɔkɔ ku jɛ ilu bisi ntɔ ntɔ.

Kɔrɛnti 1, 8:2

Bii inɛ gɔ í tamaa nŋu í mà ngɔgɔ, kù mà nkãma titã si bɛi í jɔ.

Filipi 3:4

Nɔ bii amu takam ǹ bi an yɔkɔ n kaaba kuce nwau. Bii inɛ gɔ wa tamaa si nŋu á yɔkɔ ku kaaba kuce nwau, aa fɔ idei amu má?

Ebɛɛ 2:1

Na nŋu, í sĩa ka mu ide iyi à gbɔ dim dim ku ba ka maà nyɔ,