Luku 8:15 - Bibeli do fee

¹⁵ Inɛ gɔ ŋa mɔ à yɛi bɛi ilɛ jiidau. Aŋai à gbɔ ideu nɔ à jilɔɔ si idɔ jiida hai nɛ muafiti, nɔ à waa temua hee wa so iso.

Luku 8:15 Iomraidhean Croise

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Mɔnda ŋa 3:1

Amam, maà ya gbɛjɛ ikɔm ŋa, jɔ̀ i ya maa mu woodam ŋa si idɔɛ.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Zeremi 32:29

Inɛi Kaladee ŋa iyi aa naa si iluu aa lɔ wai, nɔ aa dasi iluu inai a joo do ile ŋa iyi si antai nŋa à ya cea iwɛ̃ iyi à ya kpe Baaliu kuwee do tuae, nɔ à ya nyi a cea iwɛ̃ mmu gɔ ŋa kuwee do atɛ̃ vɛ̃ɛ má a dedeò idɔɔkɔ̃m.

Matie 24:13

Amma inɛ iyi í temua hee kɔɔɛ á ba faaba.

Luku 11:28

Ŋɔi Jesu í jɛaa í ni, í tia i ni ilu inɔ didɔ̃ ŋai inɛ ŋa iyi à waa gbɔ idei Ilaaɔ̃, nɔ à waa ceò icɛ.

Luku 6:45

Amanɛ jiida í ya nya jiida wai hai si mii jiida iyi wa singa si idɔɛ. Amanɛ laalɔ mɔ í ya nya laalɔ wai hai si mii laalɔ iyi wa singa si idɔɛ, domi mii iyi wa kɔ̃ si idɔi amanɛ, nŋui gɛlɛɛ í ya fɔ.

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Luku 8:16

Ŋɔi Jesu í sɔ̃ ŋa má í ni, inɛ gɔ ci ya ma fitila ku biiɛ do caka, walakɔ ku dasi abɛ daayi. Amma à ya kɔaɛi lele ku ba inɛ ŋa iyi à waa lɔ wa fei a yɛ inya kumá.

Laabaau jiida iyi Zãa í kɔ 14:15

Nɔ Jesu í ni má, bii ì bim ŋa aa jirima mii iyi ǹ ni i ce ŋa.

Laabaau jiida iyi Zãa í kɔ 15:10

Bii ì waa jirima woodam ŋa, bɛɛbɛ mɔi aa wa si kubim ŋa, bɛi amu mɔ ǹ jirima woodai Baam nɔ ǹ wa si kubiɛ.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Romu 7:18

Ǹ mà sãa sãa iyi mii jiida kãma kù wa sim, waatɔ daam nii ǹ wa n fãa, domi waati kãma fei ǹ ya n maa n bi jiida ku ce, amma kuceɛi n ci ya n yɔkɔ.

Romu 7:4

Bɛɛbɛ mɔi iŋɛ inɛm ŋa, anu akã nŋɛ do Kirisi í jɔ̀ iŋɛ mɔ ì ku do nŋu ajɔ nɔ ì fita hai si awɔi wooda ŋa. Bɛbɛi ti inɛ mmui ì jɛ ŋa. Ti inɛ iyi í jĩ hai si balɛui ì jɛ ŋa ku ba i so iso iyi í jɛ ti Ilaaɔ̃ ŋa.

Romu 8:25

Amma bii à waa cɔ kpãai mii gɔ iyi a kù waa yɛ, aa ka maa degbeɛi do temua.

Kɔrɛnti 1, 7:19

Bii à dasi inɛ bango walakɔ bii a kù dasiɛ, kãmaɛ kù jɛ taale, amma woodai Ilaaɔ̃ ku jirimai í sĩa.

Efɛɛzu 2:8

Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Ebɛɛ 10:36

Do ntɔ, í gbe i temua ŋa ku ba bii ì ce idɔɔbii Ilaaɔ̃ ì tã ŋa, i ba mii iyi í ce nŋɛ kuwãɛ.

Ebɛɛ 2:1

Na nŋu, í sĩa ka mu ide iyi à gbɔ dim dim ku ba ka maà nyɔ,

Zaaki 1:4

Amma i jɔ̀ temua nŋɛu ku ce icɛɛ sãa sãa ku ba i jɛ inɛ ŋa iyi à jĩa nɔ à kɔ̃, nɔ nkãma kù gaizia ŋɛ má.

Zãa 1, 2:3

Bii à waa jirima woodaɛ ŋa, si bɛɛbɛi aa ka mà iyi à màa.