Luku 8:13 - Bibeli do fee

¹³ Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Luku 8:13 Iomraidhean Croise

Zɔɔbu 19:28

Iŋɛ iyi ì waa ni, ka tooɛ ka cɔ. Icui wahalau fei, wa naai hai bi Zɔɔbu takaɛ.

Mɔnda ŋa 12:12

Inɛ laalɔi í ya ce kɔdɛɛi ribai laalɔ iyi inɛ gɔ í ce, amma temuai inɛ jiida ŋai í ya nɛ aranfãani.

Mɔnda ŋa 12:3

Inɛ iyi wa ce laalɔ ci ya leekĩ dim dim, amma nkãma kaa kɛkɛ inɛ dee dee ŋa.

Ezai 58:2

Ajɔ do ajɔ à ya sinda wa bi titom nii. À bi aŋa a mà kpãam ŋa bɛi dimi gɔ iyi wa ce iyi í jɛ dee dee, nɔ kù sinda kù toa asaiyai amu Aɔ̃ Lafɛ̃ɛɛ anyi. À waa tɔɔ n ceaa aŋa kiiti iyi í jɛ dee dee, nɔ à bi aŋa a sɛkɛɛ si amu Ilaaɔ̃ wa.

Ezekiɛli 33:32

Bi tu ŋa, ì yɛi bɛi woo kɔ̃ iri iyi í mà iri ku kɔ̃ nɔ í nɛ imu didɔ̃. À ya gbɔ ide iyi ì waa sɔ̃ ŋa, amma a ci ya ceò icɛ.

Ozee 6:4

Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Maaku 6:20

si na iyi í jɔ̀ Herodu wa ce njoi Zãa. Bii wa gbɔ ideɛ idɔɛ í ya dedei, amma do nŋu fei í ya bi nŋu ku gbɔɔ. Í mà iyi amanɛ dee deei nɔ kuwɛɛɛ kù nɛ taale kãma. Na ŋɔi í jɔ̀ í bii anyiɛ.

Luku 8:12

Inɛ gɔ ŋa à yɛi bɛi kpãa tengi bii dimiu í cuku. Aŋai à gbɔ ideu, amma Seetam í naa í nyaa hai si idɔ nŋa ku ba a maà dasi naanɛ a ba faaba.

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Laabaau jiida iyi Zãa í kɔ 15:6

Inɛ iyi kù waa má sim aa nyaai a nyɔɔ bɛi à ya nyɔ amaawɔi jĩi ŋa. Si anyiɛ, bii à gbɛ nɔ a tɔtɔɔ ŋa a dasi ŋa ina a jo.

Laabaau jiida iyi Zãa í kɔ 5:35

Zãau bɛ í yɛi bɛi fitila iyi à má ku má inya. Nɔ waati keeke gɔ ì jɛsi i wɛɛò inɔ didɔ̃ si inya kumáɛu ŋa.

Kɔrɛnti 1, 13:2

Baa bii ǹ nɛ amuai walii ku ce, nɔ ǹ mà asiiu fei nɔ ǹ nɛ kumà fei, baa bii ǹ dasi Ilaaɔ̃ naanɛ hee bɛi an yɔkɔ n jɔ̀ geete ku tekĩ, bii n kù nɛ kubi, n kù jɛ ngɔgɔ.

Kɔrɛnti 1, 15:2

Bii ì nɔ ì muu dim dim ŋa si bɛi ǹ sisi nŋɛu, faaba nŋɛi. Amma bii i kù muu dim dim ŋa, inya ngbɛi ì dasi naanɛ ŋa.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Galati 3:4

Ijuukpã iyi ì yɛ wo ŋa na naanɛ ku dasi nŋɛ, nsɛi aa jɔ̀ ku jɛ ngbɛ ŋai? Ǹ tamaa i kaa jɔ̀ ku jɛ ngbɛ ŋa.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 2:7

I jɔ̀ icã nŋɛ ku mi siɛ, nɔ i ba gbugbã nŋɛ fei hai bi tɛɛ ŋa. I leekĩ si naanɛ ku dasiu ŋa si bɛi à kɔ nŋɛ si, nɔ i ya saabu si ŋa.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Ebɛɛ 10:39

Awa a kù jɛ inɛ ŋa iyi aa nyi do anyi a koo a ce nfe. Amma à dasi naanɛ nɔ à wa si kpãai faaba.

Zaaki 2:26

Ŋɔi í jɔ̀ à ni ara iyi kù nɛ hunde, ara ikui. Bɛɛbɛ mɔi naanɛ ku dasi iyi kù waa ce kookoosuɛ naanɛ ikui.

Piɛɛ 2, 2:20

Ntɔi, inɛ ŋa iyi à jɔ̀ laalɔ ku cei andunya si na iyi í jɔ̀ à mà Lafɛ̃ɛ woo faaba nwa Jesu Kirisi, bii à nyi à jɔ̀ laalɔ ku ceu í mu ŋa má í kãmia ŋa isɛ gbeejisia, kuwɛɛi tako nŋa á tia do ti ankãanyiu.

Piɛɛ 2, 2:22

Mii iyi í ba ŋau bɛ wa nyisi iyi mɔndau ihɛ̃ í jɛ ntɔ. Mɔndau í ni, aja í nyi í koo wa fa ituɛ má. À ya ni má, kusɔɔ iyi à wɛ í nyi wa bimbili si pɔkɔdɔ má.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Zudu 1:12

Inɛ ŋaui à jɛ sankala si jingau nŋɛu, à waa ba ŋɛ ku jɛ do iju hai nɛ anyɔ, ara nŋai à waa wo ngbɛ ngbɛ. À yɛi bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. À yɛi bɛi jĩi iyi í da koko nɔ kù so, bɛi jĩi iyi à wuu do icãɛ í kú mam mam.