Luku 8:10 - Bibeli do fee

¹⁰ Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ, amma inɛ ŋa iyi à gbe à waa sɔ̃ ŋai do mɔnda ŋa ku ba baa bii à waa cɔ a maà yɔɔ, nɔ bii à waa gbɔ a kaa mà yaaseɛ.

Luku 8:10 Iomraidhean Croise

Iri ku kɔ̃ 25:14

Inɛ ŋa iyi à mà bɛɛrɛi Aɔ̃ Lafɛ̃ɛ, aŋai í ya maa kɔ nɔ aŋai í ya jɔ̀ a mà asiiɛ. Í ya ce bɛɛbɛi ku ba ku jɔ̀ a mà akabuuɛu.

Ezai 29:14

Na nŋu, an maa n mɔsii n jɔ̀ inɛ ŋau a ya maa biti do maamaake nkpɔ nkpɔ ŋa iyi an maa n ce. Laakai iyi ilu laakai ŋau à nɛ, á ya koo kpa irii. Nɔ bisii ilu bisi ŋau á tãi.

Ezai 44:18

Inɛ ŋau a kù nɛ kumà, nɔ a kù nɛ bisi. Iju nŋa wa bii hee í jɔ̀ a kù waa yɛ ilu. Bɛɛbɛi idɔ nŋa mɔ í yɛ hee í jɔ̀ a kù nɛ yaase jiida kãma.

Ezai 6:9

Nɔ Aɔ̃ Lafɛ̃ɛ í sɔ̃m í ni, koo sɔ̃ inɛ ŋau ihɔ̃ i ni, aa ya de itĩ i gbɔ ide ŋa mɔ sãa sãa, amma i kaa ya gbɔ yaaseɛ ŋa, aa ya cɔ ilu ŋa, amma i kaa ya yɛ nkãma ŋa.

Zeremi 5:21

i sotĩ i gbɔ, iŋɛ zamaa nnyɛi iyi í kua laakai ŋa. Ì nɛ iju ŋa, amma i kù waa yɛ ilu ŋa. Ì nɛ itĩ ŋa, nɔ i kù waa gbɔ ide ŋa.

Ezekiɛli 12:2

awɔ amanɛ, jɔ̀ i mà iyi ì wai si inɔi woo kɔ̀ ide ŋa. Inɛ ŋau à nɛ iju nɔ a kù bi a yɛò ilu, à nɛ itĩ nɔ a kù bi a gbɔò ide. Ntɔ ntɔ woo kɔ̀ ide ŋai.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Maaku 4:11

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma inɛ ŋa iyi à gbe fei à waa gbɔ ideu do mɔndai.

Maaku 4:12

Ǹ ya n fɔ nŋa ide do mɔndai ku ba, baa bii à cɔ ilu a maà yɛ. Nɔ baa bii à gbɔ ide a kaa mà yaaseɛ. Bii kù jɛ bɛɛbɛ aa na a sinda wa bi Ilaaɔ̃, nɔ Ilaaɔ̃ ku kpa idei dulum du ŋa.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Kɔrɛnti 1, 12:11

Amma Hunde akãui wa ce fei ndɛɛ. Wa mua inɛ fei amua ikã ikã bɛi í bi.

Wooda ku kɔsi 29:4

Í gbã ŋɛi si gbaau adɔ̃ ciiji, nɔ jĩnɛ ku dasi nŋɛ ŋa do baata nŋɛ ŋa a kù gbo.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.