Luku 7:8 - Bibeli do fee

⁸ Nɔ í ni baa nŋu takai nŋu, idei inɛ ngboi nŋu ŋai nŋu wa gbɔ, nɔ nŋu mɔ í nɛ sooge ŋa iyi wa gbã. Bii nŋu í sɔ̃ inɛ akã nŋu í ni ku bɔ ihɔ̃, í ya kooi. Bii nŋu í nɔ í kpe inɛ gɔ nŋa í ya naai. Nɔ bii nŋu í sɔ̃ amaacɛi nŋu gɔ nŋu í ni ku ce iyi ihɛ̃ í ya cooi.

Luku 7:8 Iomraidhean Croise

Luku 7:7

Na ŋɔi í ce mɔm í yɔɔ iyi nŋu kù to nŋu ku naa bi tɛɛ do arai nŋu. Amma í ni i fɔ ide nŋu akã wa, amaacɛi nŋu á ba iri.

Luku 7:9

Iyi Jesu í gbɔ ideu í biti, nɔ í sinda í sɔ̃ zamaa iyi wa tooɛu í ni, ǹ wa n sɔ̃ ŋɛi, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla nla bɛi inɛɛu ihɛ̃.

Woo bɛ ŋa 23:17

Ŋɔi Pɔlu í kpe inɛ akãi inɛ ngboi sooge ŋau í sɔ̃ɔ í ni, bɔò ama awaasũu ihɛ̃ bi inɛ ngboi igũu domi í nɛ ide gɔ iyi á sɔ̃ɔ.

Woo bɛ ŋa 23:23

Ŋɔi inɛ ngboi igũu í kpe inɛ ngboi sooge minji gɔ ŋa í sɔ̃ ŋa í ni, i tɔtɔɔ sooge cĩɔ minji a bɔ Sezaree do masa kitaò fɛɛwa do ilu kaka ŋa aŋa cĩɔ minji i ce sɔɔlu i dasi kpãa isɔ mɛɛsãi alɛ ŋa.

Woo bɛ ŋa 23:26

amu Kolodu Lisiasi, ǹ wa n ceɛ fɔɔ, awɔ Felisi ilu ilɛ ilu bɛɛrɛ nla nlau.

Woo bɛ ŋa 23:31

Iyi í kɔ tiau í tã nɔ í soo í na sooge ŋau. Ŋɔi sooge ŋau à ce bɛi í sɔ̃ ŋau fei, à so Pɔlu idũu à bɔòɛ hee Antipatisi.

Woo bɛ ŋa 24:23

Nɔ í sɔ̃ inɛ ngboi sooge ŋau í ni ku mu Pɔlu titã, amma ku jɔ̀ ku nɛ araɛ keeke nɔ kú ya jɔ̀ kpaasiɛ ŋa a ya naa a cɔɔ nɔ a máa gbɔaa.

Woo bɛ ŋa 25:26

Do nŋu fei, n kù yɛ siɛ ide baa icu akã iyi an ceaò ilaalu nlau tia. Na ŋɔi í jɔ̀ ǹ naaɛ wa si wajui iŋɛ fei. Iyi í re mɔm ǹ naaɛ wai si wajui awɔ ilaalu Agiripa, i cɔ yaasei ideu ku ba n ba iyi an kɔ.

Kolosee 3:22

Iŋɛ aru ŋa, i jirima lafɛ̃ɛ nŋɛ ŋa si fei ndɛɛ si andunyau ihɛ̃, ku maà jɛ bii à leekĩ à waa cɔ ŋɛ nŋu akã. I jirima ŋa do inɔ akã ŋa si na iyi í jɔ̀ ì mà bɛɛrɛi Lafɛ̃ɛ ŋa, nɔ ku maà jɛ mii iyi á dɔ̃a amanɛ ŋa si nŋu akãi ì waa bi ku ce ŋa.