Luku 7:7 - Bibeli do fee

⁷ Na ŋɔi í ce mɔm í yɔɔ iyi nŋu kù to nŋu ku naa bi tɛɛ do arai nŋu. Amma í ni i fɔ ide nŋu akã wa, amaacɛi nŋu á ba iri.

Luku 7:7 Iomraidhean Croise

Iri ku kɔ̃ 107:20

Do ide ku fɔɛi í jɔ̀ à ba iri. Í nya ŋa hai si iku.

Iri ku kɔ̃ 33:9

Iyi í fɔ fei í ya cei, bii í ni ngɔgɔ ku ce í ya cei.

Kufita 15:26

Í ni, bii ì waa gbɔ imui ide ku fɔi amu Aɔ̃ Lafɛ̃ɛ nŋɛ do laakai, bii ì waa ce iyi í tɛ si wajum ŋa, nɔ ì waa de itĩ si woodam ŋa, nɔ ì waa jirima wooda ŋau fei ŋa, n kaa n dasi ŋɛ bɔ̃ɔ kãma bɛi ǹ dasi inɛi Ezibiti ŋau. Amui ǹ jɛ Aɔ̃ Lafɛ̃ɛ nŋɛ, nɔ amui an faaba ŋɛ hai si bɔ̃ɔ nŋɛ.

Maaku 1:27

Nɔ aŋa fei à biti ntɔ ntɔ hee à waa bee njɛ ide à waa ni, dimii mii iyi ihɛ̃. Inɛɛu wa kɔ wa si cio titɔ̃ do yiiko. Wa jilɛa hee do inɛi inɔɔko ŋa fei ide nɔ à waa jirimaɛ.

Luku 4:36

Ŋɔi aŋa fei à biti, à bee njɛ aŋa duusɔ̃ɔ à waa ni, ide dimi yoomai ihɛ̃. Mɔkɔu wee wa sɔ̃ inɛi inɔɔko ŋa ide do yiiko do gbugbã nɔ à waa fita.

Luku 5:13

Ŋɔi Jesu í yɔ awɔɛ í luu nɔ í ni, ǹ bi. Ba iri nɔ i jɛ inɛ kumaaju. Bɛ gbakã bɔ̃ɔi dintɛu í nya.

Luku 7:6

Nɔ aŋaò Jesu ŋa à dasi kpãa à waa nɛ hee à maai kpasɛ̃u, ŋɔi inɛ ngbou í bɛ kpaasiɛ gɔ ŋa a koo a sɔ̃ɔ a ni, Lafɛ̃ɛ, inɛ ngbou njɛ í ni i maà taabi araɛ, domi nŋu kù to i lɔ wa kpasɛ̃i nŋu.

Luku 7:8

Nɔ í ni baa nŋu takai nŋu, idei inɛ ngboi nŋu ŋai nŋu wa gbɔ, nɔ nŋu mɔ í nɛ sooge ŋa iyi wa gbã. Bii nŋu í sɔ̃ inɛ akã nŋu í ni ku bɔ ihɔ̃, í ya kooi. Bii nŋu í nɔ í kpe inɛ gɔ nŋa í ya naai. Nɔ bii nŋu í sɔ̃ amaacɛi nŋu gɔ nŋu í ni ku ce iyi ihɛ̃ í ya cooi.

Wooda ku kɔsi 32:39

Na nŋu, nsɛi i jɔ̀ i mà ŋa iyi amu akãi an yɔkɔ n faaba inɛ. Amu akãi ǹ jɛ Aɔ̃ Lafɛ̃ɛ. Baai amu baasi, Ilaaɔ̃ mmuɛ kãma kù wɛɛ má. Amui ǹ ya n jɔ̀ inɛ ku ku, nɔ amui ǹ ya n jɔ̀ inɛ ku wɛɛ. Amui ǹ ya n mɛɛ inɛ, nɔ amui ǹ ya n jɔ̀ ku ba iri. Nɔ inɛ kãma kaa yɔkɔ ku gba inɛ gɔ hai si awɔm.

Samuɛli 1, 2:6

Awɔ Aɔ̃ Lafɛ̃ɛ, awɔi ì ya jɔ̀ inɛ gɔ ŋa a ku, nɔ inɛ gɔ ŋa mɔ a wɛɛ, ì ya jɔ̀ inɛ gɔ ŋa a bɔ bi kuwai iku ŋa nɔ inɛ gɔ ŋa mɔ ì ya faaba ŋa.