Luku 7:6 - Bibeli do fee

⁶ Nɔ aŋaò Jesu ŋa à dasi kpãa à waa nɛ hee à maai kpasɛ̃u, ŋɔi inɛ ngbou í bɛ kpaasiɛ gɔ ŋa a koo a sɔ̃ɔ a ni, Lafɛ̃ɛ, inɛ ngbou njɛ í ni i maà taabi araɛ, domi nŋu kù to i lɔ wa kpasɛ̃i nŋu.

Luku 7:6 Iomraidhean Croise

Kusintii Andunya 32:10

Ŋɔi í ce kutɔɔ í ni, Aɔ̃ Lafɛ̃ɛ, Lafɛ̃ɛi Aburahamu balam do Lafɛ̃ɛi Izaaki baam, awɔi ì ni n nyi ilɛi idem bii à bím nɔ i ceem mii jiida.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Matie 3:11

Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ gɔ á na ku naa si anyim. Í rem do gbugbã ntɔ ntɔ, n kù to baa n bɔ baataɛ. Nŋui á da nŋɛ si Hundei Ilaaɔ̃ do ina.

Maaku 5:24

Ŋɔi aŋaò Jesu à waa nɛ. Nɔ zamaa nla gɔ wa tooɛ hee à waa manteɛ.

Luku 5:8

Iyi Simɔɔ Piɛɛ í yɛ mii nɔu í ce bɛɛbɛ ŋɔi í koo í gulɛ si wajui Jesu í ni, Lafɛ̃ɛ, tɛkɛɛ hai bi tom, domi amu ilu dulum nii.

Luku 7:4

Ŋɔi inɛ ŋau à koo. Iyi à to bi Jesu, ŋɔi à tɔɔɛ suuru ntɔ ntɔ à ni mɔkɔu í to i sobiɛ

Luku 7:5

domi í bi dimi nwa. Nŋui í nɔ í ma nwa ile bii à ya ka ce kutɔtɔɔu bɛ.

Luku 7:7

Na ŋɔi í ce mɔm í yɔɔ iyi nŋu kù to nŋu ku naa bi tɛɛ do arai nŋu. Amma í ni i fɔ ide nŋu akã wa, amaacɛi nŋu á ba iri.

Luku 8:49

Waati iyi Jesu wa fɔ ideu ŋɔi inɛ gɔ í naa hai kpasɛ̃i Zairusi inɛ ngbou í sɔ̃ɔ í ni, ama inaaboɛu kù wɛɛ, maà bitandi Mɛɛtu má.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Zaaki 4:10

I kaye ara nŋɛ si wajui Aɔ̃ Lafɛ̃ɛ nɔ á so ŋɛ lele.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.