Luku 7:44 - Bibeli do fee

⁴⁴ Iyi í ni bɛɛbɛ í tã, ŋɔi í sinda si inaabou nɔ í sɔ̃ Simɔɔ í ni, ì yɛ abou ihɛ̃? Iyi ǹ lɔ wa kpasɛ̃ɛ i kù muum inyi n wiɛ kutɛm, amma abou ihɛ̃ í cɔ̀ kutɛm do cikãajuɛ ŋa, nɔ í gbãa do ntoi iriɛ ŋa.

Luku 7:44 Iomraidhean Croise

Kusintii Andunya 18:4

I jɔ̀ a naaò inyi wa ku ba i wiɛ kutɛ nŋɛ ŋa, nɔ i sĩmi jĩjĩi jĩi nɔu ihɛ̃ ŋa.

Kusintii Andunya 19:2

Nɔ í ni, ǹ wa n tɔɔ ŋɛi, iŋɛ lafɛ̃ɛm ŋa, i na i lɔ kpasɛ̃m, amui ǹ jɛ woo ce icɛ nŋɛ, i wiɛ kutɛ nŋɛ ŋa, nɔ i sũ ihɛ̃ ŋa. Ala daadaakɔ nɔ i dede i dasi kpãa nŋɛ. Ŋɔi à ni, aawo. Si bantumai iluui aa ka sũ.

Kusintii Andunya 43:24

nɔ í jɔ̀ aŋaò ŋa fei à lɔ kpasɛ̃i Zozɛfu. Í na ŋa inyi nɔ aŋa fei à wiɛ kutɛ nŋa. Nɔ í na gbankɛlɛ nŋa ŋau mɔ ijɛ.

Samuɛli 2, 11:8

Si anyiɛ, Davidi í cea Uri amua nɔ í sɔ̃ɔ í ni, bɔ kpasɛ̃ i koo i sĩmi. Ŋɔi Uri í fita hai kpasɛ̃i ilaaluu.

Luku 7:38

Abou í naa í wai kɔkɔi Jesu bi isɛɛ ŋa. Wa kpata nɔ cikãajuɛ ŋa wa tontoo si isɛɛ hee í cɔɔ, nɔ wa gbãa do ntoi iriɛ ŋa, wa cɔ̃ɔcɔ̃ɔɛ, í fã siɛ tuaeu.

Luku 7:43

Nɔ Simɔɔ í jɛaa í ni, ǹ tamaa inɛ iyi gbeseɛ í reui. Ŋɔi Jesu í sɔ̃ɔ í ni, ntɔi ì fɔ.

Laabaau jiida iyi Zãa í kɔ 13:5

Ŋɔi í bu inyi si jɛɛ wa wiɛò kutɛi mɔcɔɛ ŋa nɔ wa gbãa do acɔ iyi í dĩ si kpakaɛu.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Zaaki 2:6

Amma iŋɛ, ì ya donda ilu are ŋaui. Wee ilu fia ŋaui à waa kpã ŋɛ iju nɔ aŋai à ya bɔò ŋɛ ile kiiti, mà iboi.

Woo kiiti ŋa 19:21

Ŋɔi í gbã ŋa í bɔò ŋa kpasɛ̃ɛ, nɔ í na gbankɛlɛ ŋau ijɛ. Ŋɔi inɛ ŋau à wiɛ kutɛ nŋa ŋa, si anyiɛ à jɛ nɔ à mɔ.

Samuɛli 1, 25:41

Ŋɔi Abigali í dede í sɛɛbata hee ilɛ nɔ í ni, ǹ tã sɔɔlu n jɛ arui lafɛ̃ɛm nɔ n ya n maa n wiɛ kutɛi amaacɛɛ ŋa.