Luku 7:42 - Bibeli do fee

⁴² Nɔ wee a kù nɛ mii iyi aa sãaò, nɔ í cea aŋa minji fei suuru. To, si aŋa minjiu, yoo nŋai á bi mɔkɔu ku re.

Luku 7:42 Iomraidhean Croise

Samuɛli 2, 14:13

Ŋɔi abou í ni, na mii í ce ì waa cea inɛi Ilaaɔ̃ ŋau bɛɛbɛ. Í jɔ bɛi ì jɛ ilu taale si ide ku fɔɛ, domi awɔi ì waa kɔ̀ inɛ iyi ì leleu ku baa.

Iri ku kɔ̃ 103:3

Nŋui í ya ceem suurui kuraram ŋa fei. Nŋui í ya jɔ̀ n ba iri si bɔ̃ɔm ŋa fei.

Ezai 43:25

Amma amu, amu akãi ǹ jɛsi n ceɛ suurui ide kukɔ̀ɛ ŋau, nɔ n maà n ye gigii dulum dɛɛ ŋau má.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Matie 18:27

Nɔ lafɛ̃ɛɛu í ce araareɛ í kpa gbeseu nɔ í jɔ̀ɛ í nɛ.

Matie 18:34

Nɔ idɔi lafɛ̃ɛu í kɔ̃, ŋɔi í jɔ̀ à dasiɛ piisɔ̃ɔ si awɔi woo kpã inɛ ŋa iju hee koo sãò gbeseu fei ku tã.

Matie 6:12

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Luku 7:43

Nɔ Simɔɔ í jɛaa í ni, ǹ tamaa inɛ iyi gbeseɛ í reui. Ŋɔi Jesu í sɔ̃ɔ í ni, ntɔi ì fɔ.

Romu 3:24

Amma Ilaaɔ̃ í ce ŋa dee dee hai nɛ ngɔgɔ ku sã na didɔ̃ɛ do saabui Jesu Kirisi iyi í ya ŋa.

Romu 5:6

Si waati iyi a kù nɛ gbugbã, Kirisi í ku na irii inɛ ŋa iyi a kù mà bɛɛrɛi Ilaaɔ̃. Í kui si waati iyi Ilaaɔ̃ í jilɛu.

Galati 3:10

Inɛ ŋa iyi à waa na gbugbã si wooda ku jirima ikpei í jɛ tu ŋa, domi à kɔɔ à ni, inɛ iyi kù jirima idei woodau ihɛ̃ nɔ kù ceò icɛ, lafɛ̃ɛ ilu ikpei.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Kolosee 3:13

I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.