Luku 7:38 - Bibeli do fee

³⁸ Abou í naa í wai kɔkɔi Jesu bi isɛɛ ŋa. Wa kpata nɔ cikãajuɛ ŋa wa tontoo si isɛɛ hee í cɔɔ, nɔ wa gbãa do ntoi iriɛ ŋa, wa cɔ̃ɔcɔ̃ɔɛ, í fã siɛ tuaeu.

Luku 7:38 Iomraidhean Croise

Kusintii Andunya 18:4

I jɔ̀ a naaò inyi wa ku ba i wiɛ kutɛ nŋɛ ŋa, nɔ i sĩmi jĩjĩi jĩi nɔu ihɛ̃ ŋa.

Ɛsidarasi 10:1

Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Iri ku kɔ̃ 38:18

Ǹ mà kãm kãm iyi an koosɛ domi ara kurom nɔu kù sɛkɛɛ.

Iri ku kɔ̃ 51:17

Aɔ̃ Lafɛ̃ɛ, cĩ gɛlɛm ku ba n maa n saabuɛ.

Woo lasabu 9:8

Nɔ waati kãma fei i ya dasi ibɔ fũfũi jingauɛ nɔ i ya jɔ́ si iriɛ ikpo i nyisiò inɔ didɔ̃ɛ.

Iri ku kɔ̃ iyi í dɔ̃ í re 1:3

Inunui tuaeɛ í dɔ̃ jiida jiida. Ì yɛi bɛi tuae iyi inunuɛ í fangaa. Na ŋɔi í jɔ̀ mudɛ̃ɛ ŋa à nɛ kubiɛ.

Ezai 57:9

Ì ce isɛɛnɛ ì bɔ bi iwɛ̃ɛ do amuai ikpo ŋa. Ì fãsi araɛ tuae ku dɔ̃ inunu ŋa, nɔ ì bɛ inɛ ŋa hai ihɛ̃ à bɔ hee jĩijĩ. Ì jɔ̀ à bɔi hee bi kuwai iku ŋa.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Zeremi 31:9

Aa maa baai do kukpata a maa ceò kutɔɔ, nɔ ǹ ya n gbã ŋai n maa n lɛlɛ ŋa. Ǹ ya n gbã ŋai n bɔò ŋa si ido ŋa iyi à waa kɔ̃ do inyi. An gbã ŋai n tooò kpãa bii a kaa yɔkɔ a koosɛ, domi amui ǹ wa n jɛ baai Izirɛli, nɔ Efaraimu mɔ wa jɛ ama yemmam.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Matie 5:4

Ilu inɔ didɔ̃ ŋai inɛ ŋa iyi à waa kpata, domi Ilaaɔ̃i á tũ idɔ nŋa.

Luku 22:62

Ŋɔi í fita waduude í koo wa kpata do inɔ kufɔ.

Luku 6:21

Ilu inɔ didɔ̃ ŋai iŋɛ iyi ari wa kpa si nsɛi domi Ilaaɔ̃ á jɔ̀ i yo ŋa. Ilu inɔ didɔ̃ ŋai iŋɛ iyi ì waa kpata si nsɛi, domi aa na i nyaanyi ŋa.

Luku 7:37

Wee abo à ta icu gɔ í wa ilu bɛ. Iyi í gbɔ à ni Jesu wa jɛ kpasɛ̃i Farisiu, ŋɔi í naaò tuae wa si ama caka kusĩa gɔ.

Luku 7:39

Farisi iyi í kpe Jesu ku jɛu, iyi í yɔɔ, ŋɔi í fɔ si idɔɛ í ni, bii mɔkɔu ihɛ̃ waliii, á mà dimii inaabo iyi wa luu ihɛ̃ domi woo ta icui.

Laabaau jiida iyi Zãa í kɔ 11:2

Lazaau wecĩ nŋai. Maariui í jɛ inaabo iyi á na ku fãsi tuae si isɛi Jesu nɔ ku gbãa do ntoi iriɛ.

Zaaki 4:9

I jɔ̀ i wɛɛ do inɔ kufɔ ŋa, i buba gɔɔwoo nŋɛ do kukpata. I jɔ̀ anyi nŋɛ ku kpaasi do kukpata, nɔ inɔ didɔ̃ nŋɛ ku jɛ nŋɛ inɔ kufɔ.