Luku 7:34 - Bibeli do fee

³⁴ Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ ì ni ŋa ǹ bi ijɛ nɔ ǹ jɛ woo mɔ atɛ̃ nɔ ǹ jɛ kpaasii woo gba fiai lɛmpoo ŋa do ilu dulum ŋa.

Luku 7:34 Iomraidhean Croise

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Matie 5:46

Bii inɛ ŋa iyi à bi ŋɛ aŋa akãi iŋɛ mɔ ì bi ŋa, to, riba yoomai aa ba ŋa. Baa woo gba fiai lɛmpoo ŋa mɔ à ya ce dimiɛ.

Matie 9:11

Wee Farisi gɔ ŋa à yɛ ŋa, nɔ à bee mɔcɔɛ ŋau à ni, na mii í ce Mɛɛtu nŋɛ wa jɛ do woo gba fiai lɛmpoo do inɛ laalɔ ŋa.

Luku 11:37

Iyi Jesu í fɔ ideu í tã, ŋɔi Farisi gɔ í kpoo ku jɛ kpasɛ̃ɛ. Nɔ í koo í buba kpasɛ̃i Farisiu, aŋaò à waa jɛ.

Luku 14:1

Si ajɔi kusĩmi gɔ Jesu í bɔ ku jɛ kpasɛ̃i inɛ ngboi Farisi gɔ. Wee inɛ gɔ ŋa mɔ à wa bɛ, à waa cɔɔ do laakai.

Luku 15:2

Ŋɔi Farisi do woo kɔ inɛ ŋa si wooda ŋa à lɔsi ku gbagba à waa ni, mɔkɔu wa gba inɛ laalɔ ŋa nɔ aŋaò ŋa à tɔtɔɔ à waa jɛ.

Luku 19:7

Iyi inɛ ŋa à yɔɔ, ŋɔi aŋa fei à gbagba à waa ni, í koo í sɔ kpasɛ̃i ilu dulum.

Luku 5:29

Si anyiɛ, í cea Jesu jingau nla gɔ si kpasɛ̃ɛ. Woo gba fiai lɛmpoo bututu do inɛ gɔ ŋa mɔ à waa ba ŋa ku jɛ.

Luku 7:33

Ǹ ni bɛɛbɛi si na iyi í jɔ̀ waati iyi Zãa woo dasi inyi í naa, í ya dĩ anu, ci ya mɔ vɛ̃ɛ, nɔ ì ni í nɛ inɛi inɔɔko ŋa.

Luku 7:35

Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Luku 7:36

Farisi gɔ í kpe Jesu ku jɛ bi tɛɛ ajɔ nŋu gɔ. Nɔ Jesu í lɔ ileɛ í buba wa jɛ.

Laabaau jiida iyi Zãa í kɔ 12:2

Ilu bɛi à cea Jesu ijɛ wa jɛ. Maata wa gbɔ nŋa nɔ Lazaa í wa si inɔ nŋa.

Laabaau jiida iyi Zãa í kɔ 2:2

Nɔ à kpe Jesu do mɔcɔɛ ŋa mɔ bi ku ce abɔdɔ̃u.