Luku 7:24 - Bibeli do fee

²⁴ Iyi amaabɛi Zãa ŋau à gbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ gbaau ŋa. Fɔfɔ iyi fufu wa yaya? Aawo.

Luku 7:24 Iomraidhean Croise

Kusintii Andunya 49:4

Amma ì yɛi bɛi inyi iyi wa tãngãm, i ci ya saku, nɔ ì sũ do abo akãm. Si ideu bɛ ì kayem. Na nŋu, i kaa jɛ inɛ ngboi ifɔɛ ŋa.

Luku 1:80

Iri iyi Zakari í kɔ̃u mbɛ. Si anyii nŋu amau wa la, nɔ bisiɛ wa kɔ̃ɔsi nɔ í koo í wa gbaa hee í koo í tóò ajɔ iyi í nyisi araɛ bantuma si wajui inɛi Izirɛli ŋa.

Luku 3:2

Ani do Kaifu ŋa mɔ à waa jɛ woo wee nlai Ilaaɔ̃. Waati bɛɛbɛi Ilaaɔ̃ í sɔ̃ Zãa amai Zakari ide si gbaa.

Luku 7:23

Ilu inɔ didɔ̃i inɛ iyi kaa nyiò anyi si naanɛ ku dasiɛ na irim.

Luku 7:25

To, mii ì bɔ ku cɔ ŋa. Mà mɔkɔ iyi wa dasi ibɔ kusĩau? Aawo, inɛ ŋa iyi à waa dasi ibɔi fia nkpɔ nɔ à wa si inɔi amani nla nla, aŋai à ya wa kabai ilaalu ŋa.

Laabaau jiida iyi Zãa í kɔ 1:23

Ŋɔi Zãa í so ide iyi walii Ezai í tako í fɔu í jɛ nŋa do í ni, amui ǹ jɛ inɛ iyi wa dɔ̃ anu si gbaa wa ni, i teese kpãai Lafɛ̃ɛ kú tɛ ŋa.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Piɛɛ 2, 2:17

Inɛ ŋau à yɛi bɛi isɔ̃ hai nɛ inyi walakɔ bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. Ilaaɔ̃ í ce nŋa sɔɔlui bi kuwa si ilu kuku nla nla.

Piɛɛ 2, 3:17

Amma iŋɛ baakɔɔm ŋa, ì mà ideu tã ŋa. Na nŋu, i ce laakai ara nŋɛ ku ba kurarai inɛ ŋa iyi a kù mà bɛɛrɛi Ilaaɔ̃ ku maà jɔ̀ i yaa hai si kpãa jiida iyi ì waa leekĩ si dim dim ŋa.