Luku 7:22 - Bibeli do fee

²² Nɔ í jɛa amaabɛ ŋau í ni, i koo i sisia Zãa mii iyi ì yɛ do iyi ì gbɔ ŋa. Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa waazoa ilu are ŋa laabaau jiidau.

Luku 7:22 Iomraidhean Croise

Zɔɔbu 29:15

Amui ǹ jɛ bɛi ijui fɛɛju do bɛi isɛi wɛɛgɛ.

Iri ku kɔ̃ 146:8

Aɔ̃ Lafɛ̃ɛi í ya cĩ ijui fɛɛju ŋa. Aɔ̃ Lafɛ̃ɛi í ya jɔ̀ inɛ ŋa iyi à waa kɔmba à tɛ. Aɔ̃ Lafɛ̃ɛ í nɛ kubii inɛ dee dee ŋa.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Ezai 43:8

A fitaò inɛ ŋa iyi à nɛ iju amma a kù waa yɛ ilu, do inɛ ŋa iyi à nɛ itĩ amma a kù waa gbɔ ide.

Zeremi 31:8

An jɔ̀ a baa hai ilɛi ikpa awɔ njɛi kpãai inunuu, nɔ n tɔtɔɔ ŋa wa hai kɔɔi andunya bii à wau fei. Fɛɛju ŋa do ilu kutɛ akã ŋa, inaabo bãasĩ ŋa, do inaabo ŋa iyi à waa gbɔ ara kuroi kubí, aŋa fei aa wa si. Zamaa nla nlai á baa ihɛ̃.

Sofoni 3:12

Zamaa iyi í jɛ ilu are nɔ í kua gbugbãi an jɔ̀ nŋɛ. Zamaau á ba bi ku manji bi amu Aɔ̃ Lafɛ̃ɛ.

Matie 11:5

Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa sisia ilu are ŋa laabaau jiida.

Matie 21:14

Ŋɔi fɛɛju do ilu kutɛ akã gɔ ŋa à naa bi Jesu kpasɛ̃i Ilaaɔ̃ bɛ nɔ í jɔ̀ à ba iri.

Luku 4:18

Hundei Aɔ̃ Lafɛ̃ɛ í wa sim. Í cicam n sisiaò ilu are ŋa laabaau jiidau. Í bɛm n koo n sɔ̃ inɛi piisɔ̃ɔ ŋa n ni aa jɔ̀ ŋa a nɛ nɔ n sɔ̃ fɛɛju ŋa n ni aa yɛ ilu má, nɔ n jɔ̀ inɛ ŋa iyi inɛ ŋa à waa taa gbugbã a nɛ ara nŋa.

Luku 7:21

Wee si waati nŋu bɛi, Jesu í jɔ̀ bɔ̃ɔ nkpɔ do kɔ̃ɔ ŋa à waa ba iri, nɔ wa lele inɛi inɔɔko ŋa hai si inɛ gɔ ŋa, nɔ í jɔ̀ fɛɛju nkpɔ í yɛ ilu má.

Luku 7:23

Ilu inɔ didɔ̃i inɛ iyi kaa nyiò anyi si naanɛ ku dasiɛ na irim.

Laabaau jiida iyi Zãa í kɔ 1:46

Ŋɔi Nataniɛli í beeɛ í ni, inɛ jiida gɔ á yɔkɔ ku fita hai Nazarɛti mbɛ? Ŋɔi Filipu í ni, naa i koo i cɔ.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.