Luku 7:16 - Bibeli do fee

¹⁶ Ŋɔi njo í mu aŋa fei, nɔ à saabu Ilaaɔ̃ à waa ni, walii ilu gbugbãi í naa si wa. Nɔ à waa ni má, Ilaaɔ̃ í naa bi inɛɛ ŋa ku ba ku sobi ŋa.

Luku 7:16 Iomraidhean Croise

Iri ku kɔ̃ 65:9

Inɛ ŋa iyi à wa si kɔɔi andunya zigi nŋa wa da na nyindaɛ ŋa. Awɔi ì ya jɔ̀ inɛi nunui daakɔ do inɛi nunui alɛ ŋa fei a maa dɔ̃ anu do inɔ didɔ̃.

Kufita 4:31

Ŋɔi inɛ ŋau à dasi naanɛ. Nɔ à gbɔ iyi Aɔ̃ Lafɛ̃ɛ wa naa ku faaba aŋa nɔ wa yɛ ijuukpãi aŋa. Nɔ à gulɛ à waa tɔɔɛ.

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Matie 15:31

Ŋɔi inɛ ŋau à biti iyi à yɛ dekĩ ŋau à waa fɔ ide, wɛɛgɛ ŋau à ba iri, ilu kutɛ akã ŋau à waa nɛ, fɛɛju ŋa à waa yɛ ilu, nɔ à waa saabu Ilaaɔ̃ Lafɛ̃ɛi inɛi Izirɛli ŋa.

Matie 21:11

Ŋɔi zamaau í jɛ í ni, Jesu waliiui, inɛi Nazarɛti si ilɛi Galilee.

Matie 28:8

Ŋɔi à sinda ńya ńya hai bi balɛu do njo. Nɔ baa do iyi à waa ce njo fei à nɛ inɔ didɔ̃ nla nla má. Ŋɔi à sɛi à koo à sɔ̃ mɔcɔɛ ŋa laabaauu.

Matie 9:8

Wee inɛ nkpɔ nkpɔi í wa bɛ. Iyi à yɔɔ bɛɛbɛ ŋɔi njo í mu ŋa à waa saabu Ilaaɔ̃ do iyi í na amanɛ dimii yiikou bɛ.

Luku 1:65

Ŋɔi njo í mu hee do inɛ ŋa iyi à wa amɛɛ amɛɛ fei. Nɔ si ilɛɛkoi geetei Zudee ŋa fei inɛ ŋa à wasi ku ce faajii ideu.

Luku 1:68

saabui í jɛ ti Ilaaɔ̃ Lafɛ̃ɛi inɛi Izirɛli ŋa si na iyi í jɔ̀ í naa bi inɛɛ ŋa í naa í ya ŋa.

Luku 19:44

Aa lɛgɛ ilu nŋɛ nɔ a kpa iŋɛ inɛɛ ŋa iyi ì wa inɔɛ ŋa. A kaa jɔ̀ kuta baa akã ku maa lesi njɛ ajɔ nŋu. Bɛɛbɛi á ce si na iyi í jɔ̀ Ilaaɔ̃ í naa bi tu ŋɛ nɔ i kù mà waati iyi í to wa bi tu ŋɛ.

Luku 2:20

Ŋɔi woo degbe ŋau à sinda à waa nɛ. Nɔ à waa fɔ idei amboei Ilaaɔ̃, à waa saabuɛò na irii mii iyi à gbɔ do iyi à yɛ fei, domi fei ndɛɛ í cei si bɛi amalekau í sisi nŋa.

Luku 24:19

Ŋɔi í bee ŋa í ni, mii í ce. Ŋɔi à ni, idei Jesu inɛi Nazarɛtiu ni. Mɔkɔu walii ilu gbugbãi si icɛ do si ide ku fɔ si wajui Ilaaɔ̃ do si wajui amanɛ ŋa fei.

Luku 5:26

Ŋɔi aŋa fei à biti à waa saabu Ilaaɔ̃. Njo í bɛi wa mu ŋa à waa ni, à yɛ mii maamaake nnyi.

Luku 5:8

Iyi Simɔɔ Piɛɛ í yɛ mii nɔu í ce bɛɛbɛ ŋɔi í koo í gulɛ si wajui Jesu í ni, Lafɛ̃ɛ, tɛkɛɛ hai bi tom, domi amu ilu dulum nii.

Luku 7:15

Nɔ awaasũ iyi í kuu í dede í buba wa fɔ ide. Nɔ Jesu í sindoa iyeɛ.

Luku 7:39

Farisi iyi í kpe Jesu ku jɛu, iyi í yɔɔ, ŋɔi í fɔ si idɔɛ í ni, bii mɔkɔu ihɛ̃ waliii, á mà dimii inaabo iyi wa luu ihɛ̃ domi woo ta icui.

Luku 8:37

Ŋɔi inɛi ilɛi Zerazee ŋa fei à tɔɔ Jesu suuru à ni ku nɛ hai bɛ, domi njo í mu ŋa ntɔ ntɔ. Nɔ Jesu í lɔ akɔi inyiu wa bi ku nɛ.

Luku 9:19

Nɔ à jɛaa à ni, inɛ gɔ ŋa à ya ni awɔ Zãa woo dasi inyii. Inɛ gɔ ŋa mɔ à ya ni awɔ Elii walii nlai takoui. Inɛ gɔ ŋa mɔ à ya ni awɔ inɛ akãi waliii tako ŋaui iyi í jĩ wa hai si balɛ.

Laabaau jiida iyi Zãa í kɔ 1:21

Ŋɔi à beeɛ à ni, debɛi, awɔ yooi. Awɔi Elii walii nlai takou? Nɔ í ni, aawo. N kù jɛ Elii. Nɔ à beeɛ má à ni, awɔi ì jɛ walii iyi á na ku naau? Nɔ í ni, aawo.

Laabaau jiida iyi Zãa í kɔ 1:25

Ŋɔi à bee Zãa à ni, ì ni i kù jɛ inɛ iyi Ilaaɔ̃ í cicau, i kù jɛ Elii, i kù nɔ i kù jɛ walii iyi á na ku naau. To, na mii í jɔ̀ ì ya maa dasi inɛ ŋa inyi.

Laabaau jiida iyi Zãa í kɔ 4:19

Ŋɔi abou í ni, mɔkɔɔyi, ǹ yɛ iyi awɔ waliii.

Laabaau jiida iyi Zãa í kɔ 6:14

Iyi inɛ ŋau à yɛ maamaake iyi Jesu í ceu ŋɔi à ni, do ntɔ, nŋui í jɛ walii iyi í nɛ ku naa si andunyau.

Laabaau jiida iyi Zãa í kɔ 9:17

Ŋɔi à bee fɛɛjuu má à ni, si kuyɛi awɔ takaɛ ni, bɛirei ì yɔɔ, awɔ iyi í jɔ̀ ì yɛ ilu. Nɔ í ni, waliii.

Woo bɛ ŋa 5:5

Iyi Ananiasi í gbɔ ideu gbakã ŋɔi í cuku tengi bɛ í ku. Ŋɔi inɛ ŋa iyi à gbɔ ideu fei njo í mu ŋa hee í caa.

Woo bɛ ŋa 7:37

Moizi takaɛ í nyi í sɔ̃ inɛi Izirɛli ŋau má í ni, Ilaaɔ̃ á bɛ si ŋɛ walii wa bɛi amu, iyi á jɛ inɛ akã nŋɛ.

Galati 1:24

Nɔ à saabu Ilaaɔ̃ na irim.

Wooda ku kɔsi 18:15

Aɔ̃ Lafɛ̃ɛ nŋɛ á jɔ̀ walii gɔ ku dede si anini nŋɛ hai si inɔi inɛ nŋɛ ŋau. Waliiu á yɛi bɛi amu, i ya gbɔ ideɛ ŋa.