Luku 7:13 - Bibeli do fee

¹³ Iyi Lafɛ̃ɛ í yɛ abou ŋɔi araare í muu, nɔ í sɔ̃ɔ í ni, maà kpata.

Luku 7:13 Iomraidhean Croise

Iri ku kɔ̃ 103:13

Bɛi baa í ya nɛ araarei amaɛ ŋa, bɛɛbɛi Aɔ̃ Lafɛ̃ɛ í ya nɛ araarei inɛ ŋa iyi à mà bɛɛrɛɛ.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Maaku 8:2

araarei zamaau ihɛ̃ wa mum domi ajɔ mɛɛta nŋai ihɛ̃ iyi à wa bi tom, nɔ sɔnda kãma kù gbe nŋa má.

Luku 10:1

Si anyii nŋu, Lafɛ̃ɛ í cica amanɛ kitaò fɛɛwa do minji mmu má, í bɛ ŋa minji minji a cuaa si ilu ŋa fei do bii nŋu takaɛ á nɛ ku bɔ fei.

Luku 11:1

Ajɔ nŋu gɔ Jesu wa ce kutɔɔ bii gɔ. Iyi í tã ŋɔi mɔcɔ akãɛ í ni, Lafɛ̃ɛ, kɔ wa si bɛi aa ka ya ce kutɔɔ, bɛi Zãa í kɔ mɔcɔɛ ŋa si.

Luku 11:39

Amma Lafɛ̃ɛ í sɔ̃ɔ í ni, iŋɛ Farisi ŋa, í yɛ ŋai bɛi inɛ ŋa iyi à ya wiɛ anyii kɔɔfu do jɛɛ ŋa nɔ a jɔ̀ inɔɛ riisi. Inɔ hai sĩa do takiii wa kɔ̃ nŋɛ.

Luku 12:42

Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 13:15

Ŋɔi Lafɛ̃ɛ í jɛaa í ni, iŋɛ ilu muafiti ŋai, iŋɛ fei i ci ya fũ kɛtɛ nŋɛ ŋa do gbankɛlɛ nŋɛ ŋa a koo a mɔ inyi si ajɔi kusĩmi?

Luku 17:5

Woo bɛ ŋau à sɔ̃ Lafɛ̃ɛ à ni, kɔ̃ɔsi naanɛ ku dasi nwa.

Luku 17:6

Ŋɔi Lafɛ̃ɛ í ni, baa bii naanɛ ku dasi nŋɛ í mungaò ijui iyaku, aa yɔkɔ i sɔ̃ jĩi nɔu ihɛ̃ i ni ku wu hai bɛ, koo lɔ araɛ si tenku, á nɔ ku ceò ide nŋɛ icɛ.

Luku 18:6

Ŋɔi Lafɛ̃ɛ í ni, to, i gbɔ bɛi woo kiiti laalɔu í fɔ bɛ ŋa de.

Luku 19:8

Amma Zakee í dede í leekĩ si wajui Lafɛ̃ɛ í ni, bubui amanim an na ilu are ŋa. Nɔ bii ǹ takii inɛ gɔ ŋa ǹ gba mii ndu ŋa, an sindo nŋa bɛɛbɛ má tuuba mɛɛ.

Luku 22:61

Nɔ Jesu í sinda í cɔ Piɛɛ. Ŋɔi Piɛɛ í ye gigii ide iyi Lafɛ̃ɛ í sɔ̃ɔu wo í ni, nnyi hee ajɛɛ ku maa kɔ aa jã isɛ gbɛɛta i ni i kù màm.

Luku 24:3

Ŋɔi à lɔ inɔ balɛu amma a kù yɛ ikui Jesu bɛ.

Luku 24:34

Ŋɔi inɛ ŋa iyi à tɔtɔɔ ŋau à waa sɔ̃ amanɛ minji ŋau mɔ à ni, Lafɛ̃ɛ í jĩi hai si balɛ ntɔ ntɔ, nɔ í nyisi araɛ bi Simɔɔ.

Luku 7:12

Waati iyi í maai si gamboi bindii iluu, í yɛ à so ikui ama awaasũ gɔ à waa bɔ ku suu. Ama awaasũu nŋu akãi iyeɛ í bí nɔ iyeu jaaɔ̃i. Inɛi inɔ ilu nkpɔ nkpɔi wa too fitii abou.

Luku 7:14

Ŋɔi í sɛkɛɛ si ŋa í lu mii ku so ikuu nɔ inɛ ŋa iyi à waa soou à leekĩ. Nɔ Jesu í ni, awɔ awaasũ, ǹ wa n sɔ̃ɛi, dede.

Luku 7:19

í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Laabaau jiida iyi Zãa í kɔ 11:2

Lazaau wecĩ nŋai. Maariui í jɛ inaabo iyi á na ku fãsi tuae si isɛi Jesu nɔ ku gbãa do ntoi iriɛ.

Laabaau jiida iyi Zãa í kɔ 11:3

Ŋɔi wecĩ minjii Lazaa ŋau à samba si Jesu anu à ni, Lafɛ̃ɛ, kpaasi jiidaɛ kù waa nɛ baani.

Laabaau jiida iyi Zãa í kɔ 20:13

Nɔ à beeɛ à ni, abooyi, na mii í ce ì waa kpata. Ŋɔi í jɛ nŋa í ni, à so ikui Lafɛ̃ɛm hai ihɛ̃i nɔ n kù mà bii à dasiɛ.

Laabaau jiida iyi Zãa í kɔ 20:15

Ŋɔi Jesu í beeɛ í ni, abooyi, na mii í ce ì waa kpata. Yooi ì waa dɛ. Ŋɔi Maari í tamaa bɛi woo degbe lamboui. Ŋɔi í sɔ̃ɔ í ni, mɔkɔɔyi, bii awɔi ì soo, sɔ̃m bii ì jilɔɔ n koo n soo.

Laabaau jiida iyi Zãa í kɔ 4:1

Farisi ŋa à gbɔ iyi Jesu wa ba mɔcɔ ŋa wa dasi ŋa inyi wa re Zãa. Amma kù jɛ Jesu takaɛi wa dasi inɛ ŋa inyiu, mɔcɔɛ ŋai à waa coo. Ajɔ nŋu gɔ Jesu í gbɔ iyi à waa fɔ bɛɛbɛ, ŋɔi í nɛ hai Zudee bɛ wa bɔ ilɛi Galilee.

Laabaau jiida iyi Zãa í kɔ 6:23

Waati bɛɛbɛ, akɔi inyi gɔ ŋa mɔ à naa hai Tiberia nɔ à to inyau. Tengi bɛi Lafɛ̃ɛ Jesu í tako í saabu Ilaaɔ̃ í bɛi í na ŋa pɛ̃ɛ à jɛu.

Kɔrɛnti 1, 7:30

Nɔ inɛ iyi wa kpata ku ce bɛi inɛ iyi kù nɛ inɔ kufɔ. Inɛ mɔ iyi wa nyaanyi ku ce bɛi inɛ iyi kù nɛ inɔ didɔ̃. Inɛ mɔ iyi wa ra ngɔgɔ, ku ce bɛi kù jɛ titɛɛ.

Tɛsalonika 1, 4:13

Iŋɛ inɛ nwa ŋa, a kù bi i wɛɛ hai mà yaase iyi í jɛ ti inɛ ŋa iyi à ku ŋa, ku ba i maà nɛ inɔ kufɔ, bɛi inɛ ŋa iyi à gbe, aŋa iyi a kù nɛ kpãa gɔ iyi à waa cɔ.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.