Luku 6:6 - Bibeli do fee

⁶ Si ajɔi kusĩmi mmu gɔ, Jesu í lɔ ile bii Zuifu ŋa à ya ce kutɔtɔɔu nɔ í wasi ku cea inɛ ŋa cioi idei Ilaaɔ̃. Wee mɔkɔ gɔ í wa bɛ, awɔ njɛɛ í ku.

Luku 6:6 Iomraidhean Croise

Ilaalu 1, 13:4

Iyi ilaaluu í gbɔ ide iyi waliiu í fɔa bi kuweeu, ŋɔi í to siɛ awɔ wa hai lelei bi kuweeu nɔ í ni, i muu wa ŋa. Ŋɔi awɔ iyi í to siɛu í gbɛ nɔ í mɔngɔ ku kaa wa má.

Zakari 11:17

Inɔ kufɔi á jɛ ti woo degbe iyi í ce nnyɛi, iyi í ya fũsi angudã ŋa awɔ. Taakuba á mɛɛ ikpaɛ do iju njɛɛ. Nɔ ikpaɛu ku gbɛ mam mam, nɔ ijuɛu mɔ ku ku.

Matie 4:23

Nɔ Jesu í dabii si ilɛi Galilee fei wa kɔ inɛ ŋa si cio ile bii Zuifu ŋa à ya ce kutɔtɔɔ nŋa ŋa, wa sisi nŋa laabaau jiida si bɛi Ilaaɔ̃ wa ce sɔɔlu ku na ku jɛ bommaɛ, nɔ í jɔ̀ inɛ ŋa à waa ba iri si bɔ̃ɔ dimi ikã ikã nŋa ŋa fei.

Luku 13:10

Si ajɔi kusĩmi gɔ, Jesu wa kɔ inɛ ŋa si cioi idei Ilaaɔ̃ ile gɔ bii Zuifu ŋa à ya ce kutɔtɔɔ.

Luku 14:3

Ŋɔi Jesu í bee woo kɔ inɛ ŋa si wooda do Farisi ŋau í ni, wooda í wɛɛ a jɔ̀ inɛ gɔ ku ba iri si ajɔi kusĩmi? Mà kù wɛɛ.

Luku 4:16

Nɔ Jesu í bɔ Nazarɛti ilu bii í jɛ amau. Ŋɔi si ajɔi kusĩmi í bɔ ile bii Zuifu ŋa à ya ce kutɔtɔɔu si bɛi í nɛ dɔ̃ɔnɛɛ. Ŋɔi í dede ku cio tia.

Luku 4:31

Nɔ Jesu í bɔ Kapɛranumu, ilui Galilee gɔ nɔ wa kɔ inɛ ŋa si cioi idei Ilaaɔ̃ si ajɔi kusĩmi.

Luku 6:1

Si ajɔi kusĩmi gɔ Jesu wa too kɔɔi ilɛ gɔ, ŋɔi mɔcɔɛ ŋa à wɔ amaajɛ iyi à gbɛ̃ si ilɛu à nunu ijuɛ si awɔ à waa ŋɔ.

Luku 6:5

Nɔ Jesu í sɔ̃ ŋa má í ni, amu Amai Amanɛ, amui ǹ jɛ inɛ ngboi ajɔi kusĩmi.

Laabaau jiida iyi Zãa í kɔ 5:3

Si andɛi ile ŋaui bɔ̃ɔ nkpɔ í ya na ku maa sũ, fɛɛju ŋa do woo sukutɛ ŋa do wɛɛgɛ ŋa. [Bɛi à ya sũ a maa degbe kuyayai inyiu,

Laabaau jiida iyi Zãa í kɔ 9:16

Ŋɔi Farisi ŋau gɔgɔ ŋa à ni, inɛ iyi í ce icɛu bɛ kù naa hai bi Ilaaɔ̃, domi kù waa jirima ajɔi kusĩmi. Amma inɛ gɔ ŋa mɔ à ni, bɛirei ilu dulum á ce ku yɔkɔ ku ce dimii maamaakeu ihɛ̃. Nɔ kakɔɔ í lɔ si anini nŋa.