Luku 6:49 - Bibeli do fee

⁴⁹ Amma inɛ iyi í gbɔ idem nɔ kù waa jirimaɛ, í yɛi bɛi mɔkɔ gɔ iyi í ma ile nɔ kù nyɔ icuɛ do kuta. Ŋɔi ido í na í kɔ̃ í nikã wa cã ileu nɔ gbakã í cuku í lɛgɛ fei.

Luku 6:49 Iomraidhean Croise

Mɔnda ŋa 28:18

Inɛ iyi wa jɛ kuwɛɛ dee dee á maa wɛɛi si laakaiɛ, amma ilu muafiti á ce nfe.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Ozee 4:14

Amma n kaa n kpã ama inaabo nŋa ŋau iju na icu ku ta nŋa, nɔ n kaa n kpã aboi ama inɛmɔkɔ nŋa ŋau iju na sakara ku ce nŋa, domi aŋa woo wee ŋaui à ya gbã inaabo ŋa a bɔò ŋa kɔkɔlɛ, nɔ a ce kuwee do abo à ta icu ŋau. Zamaa iyi kù mà yaasei mii ŋa ku wũaa, si nfe ku cei wa bɔ.

Matie 23:3

Na nŋu, i ya gbɔ ide nŋa nɔ i ce mii iyi à waa sɔ̃ ŋɛ fei. Amma i maà ya ce kookoosu bɛi à waa ce, domi ide iyi à ya fɔ a ci ya ceò icɛ.

Matie 24:10

Waati bɛɛbɛ, inɛ nkpɔ á nyiò anyi, aa maa zamba njɛ nɔ a cé njɛ.

Maaku 4:17

Amma a kù nɛ icã. Inɛ dimi bɛɛbɛ ŋa a ci ya leekĩ ku kpɛ. Waati iyi ijuukpã do wahala gɔ í naa si ŋa na irii idei Ilaaɔ̃ gbakã, à ya fũsi awɔi.

Luku 12:47

Woo ce icɛ iyi í mà mii iyi lafɛ̃ɛɛ í bi, nɔ kù coo, goloɛ á la.

Luku 19:14

Amma inɛi ilɛɛ ŋa à cóo nɔ à bɛ inɛ ŋa si anyiɛ à ni aŋa a kù bi ku jɛ bomma si ilɛi aŋa.

Luku 19:27

Si anyiɛ nɔ í ni, i koo i naam mbɛɛm ŋau wa ihɛ̃, aŋa iyi a kù bi n jɛ bommau, nɔ i kpa ŋa si wajum.

Luku 6:46

Nɔ Jesu í sɔ̃ ŋa má í ni, na mii í ce ì ya maa kpem Lafɛ̃ɛ Lafɛ̃ɛ, nɔ i ci ya ceò ide iyi ǹ sɔ̃ ŋɛ icɛ ŋa.

Luku 6:48

Í jɔ mɔkɔ gɔ iyi wa ma ile. Mɔkɔu í tu isa titã í jĩ hee í koo í kãsi kuta í bɛi í nyɔ icui ileu. Si anyiɛ nɔ ido í kɔ̃ wa nikã, wa cã ileu, amma kù yɔkɔ ku kɛkɛɛ domi kumaɛ í sĩa.

Luku 7:1

Iyi Jesu í sɔ̃ inɛ ŋa ideu fei í tã, ŋɔi í bɔ Kapɛranumu.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Woo bɛ ŋa 20:29

Ǹ mà do anyim amanɛ ŋa aa naa si anini nŋɛ bɛi mɛɛmui sako í ya naa si angudã ŋa, a kaa nɔ a jɔ̀ ŋɛ.

Woo bɛ ŋa 26:11

Tuuba nkpɔ nkpɔ ǹ ya n maa n kpã ŋa ijui ile bii Zuifu ŋa à ya ce kutɔtɔɔ ŋa fei ku ba n tilasi ŋa a kɔ̀si idei Jesu. Ǹ ya n maa n mu ŋa do idɔɔkɔ̃ hee kaa kaa, ǹ ya n bɔ hee do si ilu mmu ŋa fei n koo n kpã ŋa iju.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Piɛɛ 2, 2:20

Ntɔi, inɛ ŋa iyi à jɔ̀ laalɔ ku cei andunya si na iyi í jɔ̀ à mà Lafɛ̃ɛ woo faaba nwa Jesu Kirisi, bii à nyi à jɔ̀ laalɔ ku ceu í mu ŋa má í kãmia ŋa isɛ gbeejisia, kuwɛɛi tako nŋa á tia do ti ankãanyiu.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.