Luku 6:48 - Bibeli do fee

⁴⁸ Í jɔ mɔkɔ gɔ iyi wa ma ile. Mɔkɔu í tu isa titã í jĩ hee í koo í kãsi kuta í bɛi í nyɔ icui ileu. Si anyiɛ nɔ ido í kɔ̃ wa nikã, wa cã ileu, amma kù yɔkɔ ku kɛkɛɛ domi kumaɛ í sĩa.

Luku 6:48 Iomraidhean Croise

Samuɛli 2, 22:2

Í kɔ̃ iriu í ni, Aɔ̃ Lafɛ̃ɛi í jɛ kuta iyi ǹ wa n kaaba. Nŋui í jɛ ile ku nɛ gbugbãm do woo faabam.

Samuɛli 2, 22:32

Yooi í jɛ Ilaaɔ̃ má bii kù jɛ Aɔ̃ Lafɛ̃ɛ. Mà yooi í jɛ gbugbãm bii kù jɛ Aɔ̃ Lafɛ̃ɛ nwa.

Samuɛli 2, 22:47

Aɔ̃ Lafɛ̃ɛ í wɛɛ. Ǹ saabuɛ ntɔ ntɔ. Nŋui í jɛ bɛi kuta bii ǹ ya n manji. Nŋui í jɛ woo faabam. Ka sisi kulaɛ.

Samuɛli 2, 22:5

Iku í naa í kaakom bɛi acãi inyi, nfe ku ce í naa sim bɛi kutãngãm dii inyi, nɔ í jɔ̀ zigim í da ntɔ ntɔ.

Samuɛli 2, 23:3

Ilaaɔ̃ Lafɛ̃ɛi inɛi Izirɛli ŋa, nŋu iyi wa degbe ŋa, í sɔ̃m í ni, ilaalu iyi wa gbã inɛɛ ŋa do dee dee ku jɛ, nɔ wa mà bɛɛrɛi Ilaaɔ̃,

Iri ku kɔ̃ 32:6

Si bɛɛbɛ, inɛ dee dee ŋau fei à nɛ a tɔɔɛi si waati iyi í jɔ. Baa bii inyi nla wa bi ku jɛ ŋai aa fita si.

Iri ku kɔ̃ 62:2

Ntɔ ntɔ, bi Ilaaɔ̃i hundem í ya ba laakai ku sũ. Hai bi titɛɛi faabam wa naa.

Iri ku kɔ̃ 95:1

I naa wa ŋa ka dɔ̃a Aɔ̃ Lafɛ̃ɛ anu do inɔ didɔ̃. Ka dɔ̃ anu do inɔ didɔ̃ na kuta ku nɛ gbugbã bii faaba nwa í wau.

Mɔnda ŋa 10:25

Bii wahala í dede bɛi fufu dabii, í ya gbangaa inɛ laalɔ ŋai, amma inɛ dee dee ŋa à ya maa leekĩ dim dim hee do ajɔ fei.

Ezai 26:4

I dasi Aɔ̃ Lafɛ̃ɛ naanɛ hee do ajɔ fei ŋa, domi Aɔ̃ Lafɛ̃ɛi í jɛ kuta. Ntɔ ntɔ Aɔ̃ Lafɛ̃ɛi í jɛ kuta iyi í wɛɛ hee do ajɔ fei.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 59:19

Waati bɛɛbɛ, hai inɛ ŋa iyi à wa nunui daakɔ hee ku bɔ nunui alɛ fei, aa mà bɛɛrɛi Aɔ̃ Lafɛ̃ɛ do amboeɛ. Waati iyi mbɛɛ á maa naa bɛi inyii ido nla nla fei, fufui amii Aɔ̃ Lafɛ̃ɛi á ya jɔ̀ ku sa.

Nahumu 1:8

si waati iyi wahala nla nla á naa. Amma á ce nfei mbɛɛɛ ŋa, nɔ ku lele ŋa ku bɔò ŋa hee si bi kuwai iku ŋa.

Luku 6:47

Inɛ iyi í naa bi tom fei nɔ wa gbɔ idem nɔ wa jirimaɛ, an nyisi ŋɛ inɛ iyi lafɛ̃ɛ í jɔ.

Luku 6:49

Amma inɛ iyi í gbɔ idem nɔ kù waa jirimaɛ, í yɛi bɛi mɔkɔ gɔ iyi í ma ile nɔ kù nyɔ icuɛ do kuta. Ŋɔi ido í na í kɔ̃ í nikã wa cã ileu nɔ gbakã í cuku í lɛgɛ fei.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Efɛɛzu 2:20

Iŋɛ mɔ ì yɛi bɛi idĩ iyi à ma si antaii icui ile iyi woo bɛ ŋau do walii ŋau à jilɛ. Jesu Kirisi takaɛi í jɛ kuta sintei icui ileu.

Wooda ku kɔsi 32:15

Izirɛli nŋu iyi à ya kpe Yesurunu í jɛ hee í yo, í ce kaato, í nɛ sisima. Araɛ wa kɔ̃, nɔ í fũsi Ilaaɔ̃ woo takaɛu awɔ. Í donda Aɔ̃ Lafɛ̃ɛɛ nŋu iyi í jɛ bɛi kuta ku nɛ gbugbã woo faabaɛ.

Wooda ku kɔsi 32:18

Ntɔ ntɔ, awɔ Izirɛli ì gbɛjɛ kuta ku nɛ gbugbã iyi í bíɛ wa si andunya. Ì waa ce atafii si Ilaaɔ̃ nŋu iyi í jɔ̀ ì nɛ kuwɛɛ.

Wooda ku kɔsi 32:31

Amma mbɛɛi inɛi Izirɛli ŋau taka nŋa à mà iyi iwɛ̃ woo degbei aŋau kù nɛ gbugbã bɛi Aɔ̃ Lafɛ̃ɛi inɛi Izirɛli ŋau.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Samuɛli 1, 2:2

Inɛ kãma kù má bɛi awɔ, Aɔ̃ Lafɛ̃ɛ, awɔ akãi aa ka tɔɔ, awɔ akãi ì waa degbe inɛɛ ŋa.