Luku 6:45 - Bibeli do fee

⁴⁵ Amanɛ jiida í ya nya jiida wai hai si mii jiida iyi wa singa si idɔɛ. Amanɛ laalɔ mɔ í ya nya laalɔ wai hai si mii laalɔ iyi wa singa si idɔɛ, domi mii iyi wa kɔ̃ si idɔi amanɛ, nŋui gɛlɛɛ í ya fɔ.

Luku 6:45 Iomraidhean Croise

Iri ku kɔ̃ 140:5

Aɔ̃ Lafɛ̃ɛ, maà jɔ̀ n dasi awɔi ilu inɔ kukã ŋa, nyam hai si awɔi woo kpa inɛ ŋa.

Iri ku kɔ̃ 59:12

Maà kpa ŋa ku ba dimim ŋa a maà gbɛjɛ mii iyi ì ce. Jɔ̀ do gbugbãɛ a maa dabii nɔ a koo a cuku, domi awɔi ì jɛ bɛi tɛli nwa.

Iri ku kɔ̃ 59:7

Alɛ, à ya baai a maa dɔ̃ anu bɛi aja ŋa, nɔ a maa kaako iluu.

Mɔnda ŋa 12:18

Inɛ iyi ci ya ce lasabu si ide iyi wa fɔ, í ya mɛɛ inɛ ŋai bɛi taakuba, amma idei ilu laakai í ya naaò kuteese wa.

Mɔnda ŋa 15:23

Inɛ iyi í mà ide jiida ku jɛ í ya nɛ inɔ didɔ̃. Ntɔ ntɔ ide ku fɔ si waati iyi í jɔ í sĩa.

Mɔnda ŋa 4:23

Iyi í re mɔm, jɔ̀ i ce laakai si mii iyi ì waa lasabu hee si lɛlɛi idɔɛ, domi nŋui á maa nɛò kuwɛɛɛ.

Laabaau jiida iyi Zãa í kɔ 7:38

Inɛ iyi í dasim naanɛ fei á yɛi bɛi inyii kuwɛɛ á maa cãi hai si idɔi lafɛ̃ɛ. Bɛɛbɛi kukɔi idei Ilaaɔ̃ í ni.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Efɛɛzu 5:19

I jɔ̀ saabu do iri ku kɔ̃ ku ya wa si faaji nŋɛ, i ya kɔ̃ iri do irii Ilaaɔ̃, i cũu do idɔ nŋɛ fei.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Kolosee 4:6

I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Ebɛɛ 8:10

Nɔ ǹ ni má, akabuum wee, iyi an dĩ do dimii inɛi Izirɛli ŋa si anyii ajɔ nŋu. An dasi woodam si lasabu nŋa. An kɔɔ si idɔ nŋa. An jɛ Aɔ̃ Lafɛ̃ɛ nŋa nɔ aa jɛ inɛm ŋa.

Zudu 1:15

ku kiiti inɛ fei nɔ ku yɛ taalei inɛ ŋa iyi a kù màa ŋau na kuce laalɔ nŋa fei do bɛi à dondaɛ, do na ide laalɔ ŋa iyi ilu dulum ŋa à ya maa fɔaa.