Luku 6:37 - Bibeli do fee

³⁷ Jesu í sɔ̃ ŋa má í ni, i maà ya kiiti inɛ ŋa, nɔ Ilaaɔ̃ mɔ kaa kiiti ŋɛ. I maà ya yɛ taalei inɛ ŋa nɔ Ilaaɔ̃ mɔ kaa yɛ taale nŋɛ. I ya kpa idei kurarai njɛ ŋa nɔ Ilaaɔ̃ mɔ á kpa idei kurarai iŋɛ mɔ.

Luku 6:37 Iomraidhean Croise

Ezai 65:5

À ya fɔ a ni, fà araɛ, maà naa kɔkɔm, domi à nyam ikã. Kuce dimi bɛɛbɛ ŋau bɛ fei, í yɛi bɛi cua si imɔm ŋa do bɛi ina iyi wa jo hai maà tã.

Matie 18:30

Amma kù jɛ, nɔ í jɔ̀ à dasi kpaasiɛu piisɔ̃ɔ hee koo sãò gbeseu fei ku tã.

Matie 5:7

Ilu inɔ didɔ̃ ŋai inɛ ŋa iyi à ya nɛ araarei inɛ ŋa, domi Ilaaɔ̃ mɔ á nɛ araare nŋa.

Maaku 11:25

Waati iyi ì dede ì leekĩ ì waa bi i ce kutɔɔ ŋa, bii ì nɛ ide gɔ do inɛ gɔ ŋa i kpa idei kurara iyi í wa si gãmɛi iŋɛò ŋa titã ku ba Baa nŋɛ mɔ iyi í wa lele ku kpa idei dulum du ŋɛ. [

Luku 23:16

Na nŋu, an jɔ̀ a tɛaa kpɔtɔɔ nɔ n jɔ̀ɔ ku nɛɛ. [

Luku 6:36

I jɔ̀ i nɛ araarei inɛ ŋa bɛi Baa nŋɛ mɔ í nɛ.

Woo bɛ ŋa 3:13

Aburahamu do Izaaki do Zakɔbu aŋa iyi à jɛ bala nwa ŋau, Aɔ̃ Lafɛ̃ɛ nŋai í jɔ̀ Jesu woo ce icɛɛ í nɛ amboe. Iŋɛi ì muu ì na inɛ ngbo ŋa nɔ ì kɔ̀siɛ ŋa si wajui Pilati, baa do iyi Pilati wa bi ku jɔ̀ɔ wo.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Kolosee 3:13

I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zaaki 5:9

Iŋɛ kpaasim ŋa, i maà ya yɛ taalei njɛ ŋa ku ba Ilaaɔ̃ mɔ ku maà na ku yɛ taale nŋɛ. Woo kiiti wee wa to wa, wa bi ku lɔ wa.