Luku 6:35 - Bibeli do fee

³⁵ Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Luku 6:35 Iomraidhean Croise

Iri ku kɔ̃ 112:5

Inɛ jiida í ya wɛ̃a inɛi do inɔ akã. Í ya maa ce wũaɛ ŋai ku maa jirimaò wooda.

Iri ku kɔ̃ 145:9

Aɔ̃ Lafɛ̃ɛ, ì jɛ jiidai bi inɛ fei. Ì nɛ kubii mii iyi í taka fei.

Iri ku kɔ̃ 37:26

Ajɔ fei, í ya wɛ̃a inɛi nɔ ku ce araareɛ. Nɔ tɔkuɛ ŋai à ya ba kuwee.

Iri ku kɔ̃ 58:11

Inɛ dee dee á wɛɛò inɔ didɔ̃ domi á yɛ Ilaaɔ̃ í sãa nŋu gbese. Nɔ á wiɛ kutɛɛ ŋai si njɛi ilu inɔ kukã ŋau.

Mɔnda ŋa 19:17

Inɛ iyi wa cea ilu are ŋa amua, wa wɛ̃a Aɔ̃ Lafɛ̃ɛi. Nŋui á na ku sãa.

Mɔnda ŋa 22:9

Inɛ jiida á ba kuwee si na iyi í jɔ̀ í ya mua ilu are ŋa sɔnda.

Matie 5:9

Ilu inɔ didɔ̃ ŋai inɛ ŋa iyi à waa ce icɛi laakai ku sũ, domi Ilaaɔ̃ á kpe ŋa amaɛ ŋa.

Maaku 5:7

Ŋɔi í dɔ̃ anu hee lele í ni, mii í wa gãmɛi awaɛ, Jesu, awɔ Amai Ilaaɔ̃. Ilaaɔ̃ í re fei, nɔ ǹ wa n tɔɔɛ do iriɛ, maà wahalam.

Luku 1:32

Á na ku jɛ inɛ nla. Amai Ilaaɔ̃i aa ya kpoo, nŋu iyi kù nɛ saa. Aɔ̃ Lafɛ̃ɛ á coo ilaalu, á náa bommai Davidi balaɛ.

Luku 6:36

I jɔ̀ i nɛ araarei inɛ ŋa bɛi Baa nŋɛ mɔ í nɛ.

Laabaau jiida iyi Zãa í kɔ 13:35

Bii ì bi njɛ ŋa, inɛ fei á mà iyi ì jɛ mɔcɔm ŋa.

Laabaau jiida iyi Zãa í kɔ 15:8

Iso nkpɔ ku so nŋɛi á jɔ̀ Baam ku nɛ amboe. Bɛɛbɛ mɔi aa nyisiò inɛ ŋa iyi iŋɛu mɔcɔm ŋai.

Woo bɛ ŋa 14:17

Amma do nŋu fei í nyisi wa iyi nŋu í wɛɛ domi wa ce nwa jiida ŋa. Í jɔ̀ ijĩ wa wɔ ku ba ka ba ijɛ si iko si waatii atɛ ku ba ka nɛ inɔ didɔ̃.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.