Luku 6:28 - Bibeli do fee

²⁸ I weea inɛ ŋa iyi à waa ceekpe ŋɛ, nɔ i ya cea inɛ ŋa iyi à waa ce nŋɛ laalɔ kutɔɔ ŋa.

Luku 6:28 Iomraidhean Croise

Ilaalu 1, 13:6

Gbakã, ilaaluu í so ide, nɔ í sɔ̃ waliiu í ni, tɔɔm Aɔ̃ Lafɛ̃ɛɛ ku ceem suuru ku ba n ka awɔm. Ŋɔi waliiu í tɔɔ Aɔ̃ Lafɛ̃ɛ nɔ ilaaluu í baaò awɔɛ wa nɔ í baa si agbɛɛ bɛi tako.

Ezekiɛli 25:15

Amu Aɔ̃ Lafɛ̃ɛ ǹ ni, si na iyi í jɔ̀ inɛi Filisi ŋa à lɔsi gbese ku sãa ara nŋa, nɔ à waa cooi si inɛ ŋa iyi à cé nɔ à bi a ce nfe nŋa hee do ajɔ fei,

Ezekiɛli 36:5

Ntɔ ntɔ, amu Aɔ̃ Lafɛ̃ɛ ǹ fɔ si idɔɔkɔ̃ nlam ǹ ni, an kpã ilɛ ŋa iyi à waa kaako ŋɛ ŋau iju, nɔ iyi í re mɔm ilɛi Edɔmu fei. Do inɔ didɔ̃ nla nla, do yaakoi inɛi ilɛ ŋau à gba ilɛm nɔ à ko mii ŋa iyi à wa si fei.

Matie 5:44

Amma amu, ǹ wa n sɔ̃ ŋɛi, i ya bi mbɛɛ nŋɛ ŋa, nɔ i ya cea inɛ ŋa iyi à waa kpã ŋɛ iju kutɔɔ ŋa.

Luku 23:34

Nɔ Jesu í ni, Baaba, kpa idei dulum du ŋa, domi a kù mà mii iyi à waa ce. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ceò ikpɛ̃i jĩnɛɛ ŋau.

Luku 6:27

Amma iŋɛ iyi ì sotĩ ì waa gbɔ idem ŋa, ǹ wa n sɔ̃ ŋɛi, i ya bi mbɛɛ nŋɛ ŋa, nɔ inɛ ŋa iyi à cé ŋɛ i ya ce nŋa jiida ŋa.

Luku 6:35

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Woo bɛ ŋa 14:5

Ŋɔi Zuifu ŋa do hai jɛ Zuifu ŋa do inɛ ngbo nŋa ŋa à ce anu akã a wahala woo bɛ ŋau a ta ŋa kuta a kpa ŋa.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.

Romu 12:14

I ya weea inɛ ŋa iyi à waa kpã ŋɛ iju. I wee nŋa ŋa, i maà ceekpe ŋa.

Kɔrɛnti 1, 4:12

Nɔ do gbɛɛjii à ya ka maa ceò icɛ iyi aa ka baò mii ku jɛ. Bii à waa bu wa, à ya ka maa wee nŋai. Bii à waa kpã wa iju, à ya ka maa temuai.

Zaaki 3:10

Nɔ hai si gɛlɛ akãu bɛi idei saabu do ikpe í ya fita. Iŋɛ kpaasim ŋa, kù sĩa ku jɛ bɛɛbɛ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.