Luku 6:26 - Bibeli do fee

²⁶ Iŋɛ ilu inɔ kufɔ ŋai bii inɛ fei wa saabu ŋɛ domi bɛɛbɛi bala nŋa ŋa à cea walii ilu ibo ŋau wo.

Luku 6:26 Iomraidhean Croise

Mɔnda ŋa 27:21

Do inai à ya yɔò isɔ fũfũ do wura a cɔò jiida ku jɛ nŋa, amma à ya wũaa amanɛi si ide ku fɔi inɛ ŋa.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Misee 2:11

Inɛ ŋau à ya bi inɛ iyi wa fɔ ide si fufu wa sɔ ibo nɔ wa ce ide nkpɔ wa ni, aa ba atɛ̃ vɛ̃ɛ do atɛ̃ ku nɛ gbugbã i mɔ ŋa.

Matie 7:15

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa.

Luku 6:25

Inɔ kufɔi á jɛ ti iŋɛ iyi ì wa si ayo si nsɛi, domi ari á na ku kpa ŋɛ. Inɔ kufɔi á jɛ ti iŋɛ iyi ì waa nyaanyi si nsɛi, domi aa na i kpata i maa cã kpokpo ŋa.

Laabaau jiida iyi Zãa í kɔ 15:19

Bii ì jɛ ti andunya ŋa, tilasi inɛi andunya ŋa aa bi ŋɛi, domi tu ŋai ì jɛ ŋa. Amma amu ǹ cica ŋɛi ǹ nya ŋɛ hai si andunya, nɔ i kù jɛ ti andunya má ŋa. Nŋui í jɔ̀ inɛi andunya ŋa à cé ŋɛ.

Laabaau jiida iyi Zãa í kɔ 7:7

Inɛi andunya ŋa a kaa yɔkɔ a cé ŋɛ, amma à cé amu domi ǹ ya n ni kookoosu nŋa kù sĩa.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Zaaki 4:4

Iŋɛ iyi i kù leekĩò inɛ akã ŋa, i kù mà ŋa iyi bii ì bi andunya, mbɛɛi Ilaaɔ̃i ì ya jɛ ŋa? Inɛ iyi í bi andunya, mbɛɛi Ilaaɔ̃i í ya jɛ.