Luku 6:25 - Bibeli do fee

²⁵ Inɔ kufɔi á jɛ ti iŋɛ iyi ì wa si ayo si nsɛi, domi ari á na ku kpa ŋɛ. Inɔ kufɔi á jɛ ti iŋɛ iyi ì waa nyaanyi si nsɛi, domi aa na i kpata i maa cã kpokpo ŋa.

Luku 6:25 Iomraidhean Croise

Iri ku kɔ̃ 49:19

Á yɔkɔ ku nɛ inɔ didɔ̃ si kuwɛɛɛ, nɔ aa maa saabuɛi si na iyi í jɔ̀ í nɛ bɛɛrɛ.

Mɔnda ŋa 14:13

Anyi á yɔkɔ ku singa inɔ kufɔ, nɔ inɔ didɔ̃ mɔ á yɔkɔ ku kpa iri do inɔ kufɔ.

Mɔnda ŋa 30:9

Á yɔkɔ ku jɛ bii ǹ na n jɛ ilu amani an na n kɔ̀siɛ nɔ n maa n ni, yooi í jɛ Aɔ̃ Lafɛ̃ɛ, walakɔ bii are í mantem an na n lɔsi ile ku ce nɔ n bɛjɛò iriɛ.

Woo lasabu 2:2

Ǹ yɔɔ iyi anyí kù nɛ yaase, nɔ inɔ didɔ̃ mɔ kaa bukaata nwa.

Woo lasabu 7:3

Inɔ kufɔ í tia inɔ didɔ̃. Baa bii waju nwa wa bɛjɛ á jɔ̀ idɔ nwa ku nɛ laakai ku sũ.

Woo lasabu 7:6

Anyii nnyɛi í yɛi bɛi anu ku dɔ̃i jĩi ndii agũ iyi à waa tɛkɛò caka. Nŋu mɔ ngbɛi.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 65:13

Ŋɔi Aɔ̃ Lafɛ̃ɛ í ni, na nŋu bɛ, woo ce icɛm ŋa aa jɛ, amma iŋɛ, ari á kpa ŋɛi. Woo ce icɛm ŋa aa mɔ, amma iŋɛ, agbɛ á kpa ŋɛi. Woo ce icɛm ŋa aa wɛɛò inɔ didɔ̃, amma iŋɛ, si anyɔi aa maa wa ŋa.

Ezai 8:21

Inɛ ŋa aa maa dabii si ilɛui do inɔ kufɔ do ari. Waati iyi ariu wa kpa ŋa idɔ nŋa á kɔ̃i, nɔ a ceekpe ilaalu nŋa do Aɔ̃ Lafɛ̃ɛ nŋa. Si anyii nŋu, aa cɔ lelei Aɔ̃,

Ezai 9:20

Dimii Manasee do ti Efaraimu ŋa à ya maa ja do njɛi. Si anyiɛ, aŋa dimi minjiu aa na a tɔtɔɔi a bɔ igũ si dimii Zudaa. Amma do nŋu fei idɔɔkɔ̃i Aɔ̃ Lafɛ̃ɛ kaa sũ, nɔ á kɔ̀ ku wu awɔɛ lelei ku ba ku kpã ŋa iju.

Amɔsu 8:10

An kpaasi jingau nŋɛ ŋaui do inɔ kufɔ, nɔ iri ku kɔ̃ nŋɛ ŋa mɔ do kukpata. Jĩnɛi inɔ kufɔi inɛ fei á dasi. Nɔ inɛ fei á gbogoo iriɛi na inɔ kufɔ. Inɔ kufɔi ikui á naa si ilɛu fei bɛi ti ajɔi ikui ama akã, nɔ mii fei á kpa irii do inɔ kufɔ nla nla.

Nahumu 1:10

Baa bii í jɛ à yɛ bɛi agũ ŋa iyi à tɔtɔɔ inya akã nkpɔ nkpɔ, aŋa iyi à ya mɔ atɛ̃ nŋa hee kú maa kpa ŋa, aa ce nfe nŋai mam mam bɛi ina í ya cea fɔfɔ ngbɛ.

Luku 12:20

Amma Ilaaɔ̃ í sɔ̃ɔ í ni, awɔ nnyɛi, idũuyi mɔm aa nya hundeɛ. Sɔɔlui mii ŋa iyi ì ceu bɛ, ti yooi á jɛ.

Luku 13:28

Ajɔ wa naa iyi aa yɛ Aburahamu do Izaaki do Zakɔbu do walii ŋau fei si andunya titɔ̃i Ilaaɔ̃ nɔ iŋɛ i ba wee à nyɔ ŋɛ waduude. Tengi bɛi aa so awɔ i lesi iri i kpataò ŋa.

Luku 6:24

Amma inɔ kufɔi á jɛ ti iŋɛ ilu fia ŋa, domi ì ba inɔ nŋɛ í tũ tã ŋa.

Luku 6:26

Iŋɛ ilu inɔ kufɔ ŋai bii inɛ fei wa saabu ŋɛ domi bɛɛbɛi bala nŋa ŋa à cea walii ilu ibo ŋau wo.

Efɛɛzu 5:4

Nɔ i maà ya jɔ̀ idei anyɔ walakɔ ide hai nɛ yaase walakɔ ide nfe nfe ku fita hai si gɛlɛ nŋɛ, domi ide dimi bɛɛbɛ kù jɔò ŋɛ, amma i jɔ̀ ide nŋɛ ku ya jɛ Ilaaɔ̃ ku saabu.

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Zaaki 4:9

I jɔ̀ i wɛɛ do inɔ kufɔ ŋa, i buba gɔɔwoo nŋɛ do kukpata. I jɔ̀ anyi nŋɛ ku kpaasi do kukpata, nɔ inɔ didɔ̃ nŋɛ ku jɛ nŋɛ inɔ kufɔ.

Kuyɛi Zãa 3:17

Ì ya fɔ i ni ŋa ì jɛ ilu fia ŋa, ì ba amani ŋa, nɔ i kù waa ce arei ngɔgɔ ŋa. Amma ǹ wa n sɔ̃ ŋɛ iyi idɔ nŋɛ wa ce bɔ̃ɔ, ì jɛ ilu araare ŋa do ilu are do fɛɛju do basĩ ŋa.

Samuɛli 1, 2:5

Inɛ ŋa iyi à tako à waa yo wo à waa dɛdɛ icɛ iyi á jɔ̀ a ba mii ku jɛ nsɛi, amma inɛ ŋa iyi ari wa kpa wo à waa sĩmi. Baa inaabo gbɛnda í bí ama mɛɛje, amma abo iyi í bí ama bututu wo í baa í gbe nŋu akã nsɛi.