Luku 6:23 - Bibeli do fee

²³ Ajɔ nŋu, i jɔ̀ inɔ nŋɛ ku dɔ̃, i fo i dingaa do inɔ didɔ̃, domi riba iyi à jilɛ nŋɛ lelei Aɔ̃ í la. Inɛ ŋau bɛ, bɛɛbɛ mɔi bala nŋa ŋa à cea walii ŋau wo.

Luku 6:23 Iomraidhean Croise

Samuɛli 2, 6:16

Iyi à waa lɔò kpakoi Aɔ̃ Lafɛ̃ɛu si inɔ iluu, ŋɔi Mikali ama inaaboi Sauluu wa cɔ ilu hai do fɛrɛnti. Nɔ í yɛ ilaalu Davidi í fo wa dingaa wa jojo si wajui Aɔ̃ Lafɛ̃ɛ, ŋɔi í dondaɛ.

Ilaalu 1, 18:4

Waati iyi Zezabɛli wa kpa waliii Aɔ̃ Lafɛ̃ɛ ŋau, Abudiasii í so walii cĩɔ í singa ŋa ciitaa ciitaa si inɔ isai kuta nɔ í wo ŋaò pɛ̃ɛ do inyi.

Ilaalu 1, 19:10

Ŋɔi í jɛ í ni, ǹ jabu ntɔ ntɔ na iriɛ, awɔ Aɔ̃ Lafɛ̃ɛi lele do ilɛ, domi inɛi Izirɛli ŋa à fũsi akabuuɛ awɔ, à kɛkɛ bi kuweeɛ ŋau nɔ à kpa waliiɛ ŋau fei do taakuba. Amu akãi ǹ gbe, nɔ à waa dɛ ku kpam.

Ilaalu 1, 19:14

Ŋɔi í jɛ í ni, ǹ jabu ntɔ ntɔ na iriɛ, awɔ Aɔ̃ Lafɛ̃ɛi lele do ilɛ, domi inɛi Izirɛli ŋa à fũsi akabuuɛ awɔ, à kɛkɛ bi kuweeɛ ŋau nɔ à kpa waliiɛ ŋau fei do taakuba. Amu akãi ǹ gbe, nɔ à waa dɛ ku kpam.

Ilaalu 1, 19:2

Ŋɔi Zezabɛli í bɛ ama bi Elii koo sɔ̃ɔ ku ni, amu Zezabɛli ǹ ni iwɛ̃ ŋau a kpãm iju dimi ikã ikã baa yooma fei bii ala suku bɛ ihɛ̃ n kù kpaɛ bɛi awɔ mɔ ì kpa woo wee ŋau.

Ilaalu 1, 21:20

Iyi Elii í bɔ Akabu ku sɔ̃ ideu ŋɔi Akabu í ni, mbɛɛm, ì naa bi tom má ya. Ŋɔi í jɛaa í ni, ǹ naa bi tɛɛ má si na iyi í jɔ̀ ì ce mii laalɔ iyi kù dɔ̃a Aɔ̃ Lafɛ̃ɛ si.

Ilaalu 1, 22:27

Nɔ i sɔ̃ ŋa i ni, ǹ ni a dasi mɔkɔu ihɛ̃ ile piisɔ̃ɔ nɔ a ya maa naa pɛ̃ɛ keeke do inyi keeke hee n koo n baaò wa do laakai ku sũ hai si igũu.

Ilaalu 1, 22:8

Ŋɔi ilaalui Izirɛliu í jɛaa í ni, inɛ gɔ í wɛɛ má bii aa ka ceò kubee bi Aɔ̃ Lafɛ̃ɛ. Amma n kù buu, domi ci ya yɛɛm ide jiida kãma gɔ, í gbe laalɔɛ. Nŋui í jɛ Misee amai Yimila. Nɔ Zozafati í ni, maà fɔ bɛɛbɛ.

Ilaalu 2, 6:31

Ŋɔi ilaaluu í ni, bii ǹ jɔ̀ irii Elizee amai Safatiu wa kãsi kɔ̃ɔɛ nnyi, Ilaaɔ̃ ku kpãm iju iyi í re dimi baa yooma fei.

Bomma 2, 36:16

Amma a kù saalu woo bɛi Ilaaɔ̃ ŋau. À donda waliiɛ ŋau nɔ à ce atafii si ideɛ ŋau. Ŋɔi idɔɔkɔ̃i Aɔ̃ Lafɛ̃ɛ í dede si inɛɛ ŋau hee a kaa yɔkɔ a fita si.

Neemi 9:26

Do nŋu fei a kù jirimaɛ, à na à dedeò ide ku kɔ̀ siɛ. À nyɔ woodaɛ do anyi nŋa. À kpa waliiɛ ŋa iyi à waa mante ŋa a baa wa bi tɛɛ. Nɔ à waa ce daa ŋa iyi kù sĩa.

Iri ku kɔ̃ 58:11

Inɛ dee dee á wɛɛò inɔ didɔ̃ domi á yɛ Ilaaɔ̃ í sãa nŋu gbese. Nɔ á wiɛ kutɛɛ ŋai si njɛi ilu inɔ kukã ŋau.

Ezai 35:6

Woo sukutɛ ŋa aa nɛ dee dee a fo a maa dingaa bɛi kulu, nɔ dekĩ ŋa aa maa dɔ̃ anu do inɔ didɔ̃. Aa maa dɔ̃ anu do inɔ didɔ̃i si na iyi í jɔ̀ hai si gbaa inyi á maa fita wa, nɔ inyi á maa cã wa hai bi lɔɔma iyi í gbɛu.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Matie 5:12

I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ lelei Aɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.

Luku 1:41

Waati iyi Elizabɛti í gbɔ fɔɔi Maariu, ŋɔi amau í yaga si inɔɛ, nɔ Elizabɛti í kɔ̃ò Hundei Ilaaɔ̃.

Luku 1:44

Waati iyi ǹ gbɔ fɔɔɛu bɛ, ama iyi í wa inɔm í yaga do inɔ didɔ̃.

Luku 6:35

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Woo bɛ ŋa 14:10

Ŋɔi Pɔlu í sɔ̃ɔ do gbugbã í ni, dede i leekĩ si kutɛɛ. Ŋɔi mɔkɔu í dede í fo í dingaa wa nɛ.

Woo bɛ ŋa 3:8

Ŋɔi í fo í dingaa wa nɛ. Ŋɔi aŋaò ŋa fei à lɔ bantumai kpasɛ̃i Ilaaɔ̃ ajɔ, ŋɔi í fo í dingaa wa nɛ wa saabuò Ilaaɔ̃.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 5:3

Iyi í re mɔm, baa si wahala à ya ka nɛ inɔ didɔ̃i domi à mà iyi wahala í ya bí temua.

Kɔrɛnti 2, 12:10

Na ŋɔi í jɔ̀ ǹ nɛ inɔ didɔ̃ si gbugbã hai nɛm, do arabu ŋa, do inɔ kufɔ ŋa, do ijuukpã ŋa do wahala ŋa iyi í ya bam na irii Kirisi. Ǹ ya n nɛ inɔ didɔ̃ domi waati iyi amu takam n kù nɛ gbugbã, waati bɛɛbɛi Ilaaɔ̃ í ya muum gbugbã.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Timɔtee 2, 2:12

Bii à temua, aa ka jɛ bomma do nŋu ajɔ. Bii à nɔ à kɔ̀siɛ, nŋu mɔ á kɔ̀si wa.

Ebɛɛ 11:26

Í gbasi a yaako nŋu bɛi aa na a yaako Kirisi. Wa lasabu iyi dimii yaako bɛɛbɛ ku yɛ í nɛ bɛɛrɛ í re amanii Ezibiti, domi amanii alai wa lele.

Ebɛɛ 11:6

Nɔ wee inɛ gɔ kù wɛɛ iyi kuceɛ á dɔ̃a Ilaaɔ̃ si bii kù jɛ do naanɛ ku dasi. Ntɔi, inɛ iyi wa sɛkɛɛ si Ilaaɔ̃ í nɛ ku dasi naanɛ iyi Ilaaɔ̃ í wɛɛ nɔ inɛ ŋa iyi à waa dɛdɛɛ í ya sã nŋa ribaɛ.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.

Kuyɛi Zãa 2:26

Inɛ iyi wa ce iyi ǹ bi hee í jɛò igũ hee kɔɔ, nŋui an mua gbugbã iyi amu takam ǹ ba hai bi Baam. An muaa gbugbãui si antaii dimi fei ku maa gbã ŋa do goloi isɔ ku cã ŋa ku lɛgɛ ŋa bɛi cakai amà.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.

Kuyɛi Zãa 21:7

Inɛ iyi í jɛ igũ aa naa mii ŋau bɛ, nɔ an jɛ Ilaaɔ̃ Baabaɛ, nɔ nŋu mɔ ku jɛ amam.

Kuyɛi Zãa 3:12

Inɛ iyi í jɛ igũ, an jɔ̀ ku jɛ sɔbe si kpasɛ̃i Ilaaɔ̃, kaa fita má. An kɔ irii Ilaaɔ̃ siɛ do irii iluɛ iyi í jɛ Zeruzalɛmu titɔ̃ iyi Ilaaɔ̃ á jɔ̀ ku kita wa hai lele. Nɔ n kɔ iri titɔ̃m siɛ.

Kuyɛi Zãa 3:5

Inɛ iyi í jɛ igũi á dasi jĩnɛ fũfũ dimi bɛɛbɛ. N kaa n kpa iriɛ si tiai kuwɛɛ pai. Si bantuma an jɛsi si wajui Baam do amalekaɛ ŋa iyi inɛm nii.