Luku 6:22 - Bibeli do fee

²² Iŋɛ ilu inɔ didɔ̃ ŋai bii inɛ ŋa à cé ŋɛ, nɔ à lele ŋɛ hai inɔ nŋa, nɔ à waa bu ŋɛ, nɔ à waa sɔ ŋɛ iri laalɔ na irii amu Amai Amanɛ.

Luku 6:22 Iomraidhean Croise

Ezai 65:5

À ya fɔ a ni, fà araɛ, maà naa kɔkɔm, domi à nyam ikã. Kuce dimi bɛɛbɛ ŋau bɛ fei, í yɛi bɛi cua si imɔm ŋa do bɛi ina iyi wa jo hai maà tã.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Matie 10:18

Aa bɔò ŋɛ si wajui ilu ilɛ ŋa do bi amanlu ŋa na irim, ku ba i jɛ sɛɛdam si waju nŋa ŋa do bi dimi mmu ŋa.

Matie 10:22

Inɛ fei á cé ŋɛi na irim, amma inɛ iyi í temua hee kɔɔ á ba faaba.

Matie 10:39

Inɛ iyi í bi ku jɛ kuwɛɛ do idɔɔbiɛ á na ku kuaɛ. Amma inɛ iyi í kɔ̀si kuwɛɛɛ na irim, lafɛ̃ɛ á na ku báa ntɔ ntɔ.

Luku 20:15

Ŋɔi à muu à fitaɛ hai si ikoi jĩi nɔu nɔ à kpaa. Ŋɔi Jesu í ni, to, nsɛi, bɛirei ilu ikou takaɛ á ce nŋa.

Luku 21:17

Inɛ fei á cé ŋɛi na irim.

Luku 6:21

Ilu inɔ didɔ̃ ŋai iŋɛ iyi ari wa kpa si nsɛi domi Ilaaɔ̃ á jɔ̀ i yo ŋa. Ilu inɔ didɔ̃ ŋai iŋɛ iyi ì waa kpata si nsɛi, domi aa na i nyaanyi ŋa.

Laabaau jiida iyi Zãa í kɔ 12:42

Do nŋu fei, baa inɛ ngboi Zuifu ŋau nkpɔ í dasi Jesu naanɛ. Amma si bɛi à waa ce njoi Farisi ŋau a kù jɛsi si bantuma ku ba a maà na a ganji ŋa ile bii à ya ce kutɔtɔɔ ŋau ku bɔ má.

Laabaau jiida iyi Zãa í kɔ 16:2

Aa na a ganji ŋɛ ile bii à ya ce kutɔtɔɔ ŋa ku bɔ. Nɔ awaati wa naa iyi inɛ ŋa aa kpa inɛ gɔ nŋɛ ŋa, nɔ aa maa tamaa bɛi Ilaaɔ̃i aŋa à waa cea icɛ.

Laabaau jiida iyi Zãa í kɔ 17:14

Ǹ na ŋa ideɛ, nɔ inɛi andunya ŋa à cé ŋa si na iyi í jɔ̀ a kù jɛ ti andunya, si bɛi amu mɔ n kù jɛ ti andunya.

Laabaau jiida iyi Zãa í kɔ 7:7

Inɛi andunya ŋa a kaa yɔkɔ a cé ŋɛ, amma à cé amu domi ǹ ya n ni kookoosu nŋa kù sĩa.

Laabaau jiida iyi Zãa í kɔ 9:34

Ŋɔi à sɔ̃ɔ à ni, si dulum nii à bíɛ mam mam. Ì tamaa awɔi aa kɔ nwa si cio? Ŋɔi à ganjiɛ ku naa ile bii à ya ce kutɔtɔɔ nŋa ŋa.

Woo bɛ ŋa 22:22

Inɛ ŋau à waa desi idei Pɔlu itĩ hee í fɔ ide ŋau bɛ. Amma waati iyi à gbɔ í ni Ilaaɔ̃ í bɛ nŋu bi dimi mmu ŋa, ŋɔi aŋa fei à lɔsi ku dɔ̃ anu à waa ni, i kpaa. Dimii lafɛ̃ɛ kù sĩa ku maa wɛɛ.

Woo bɛ ŋa 24:5

À yɛ iyi mɔkɔu ihɛ̃ ilu naanaui, nɔ í nɛ kòsi si aninii Zuifu ŋa si andunyau ihɛ̃ fei. Nŋui í jɛ inɛ ngboi kpãai Aɔ̃ ku tɔɔ gɔ iyi à ya kpe ti inɛi Nazarɛti ŋa.

Woo bɛ ŋa 9:16

An nɔ n nyisiɛ bɛi nŋu mɔ á yɛ ijuukpã na irim.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.