Luku 6:21 - Bibeli do fee

²¹ Ilu inɔ didɔ̃ ŋai iŋɛ iyi ari wa kpa si nsɛi domi Ilaaɔ̃ á jɔ̀ i yo ŋa. Ilu inɔ didɔ̃ ŋai iŋɛ iyi ì waa kpata si nsɛi, domi aa na i nyaanyi ŋa.

Luku 6:21 Iomraidhean Croise

Kusintii Andunya 17:17

Ŋɔi Aburahamu í sɛɛbata si wajuɛ í kɔmba iriɛ nɔ wa nyaanyi, domi í fɔ si idɔɛ í ni, inɛ iyi í nɛ adɔ̃ cĩɔ nŋui aa maa bía ama má? Sara mɔ wee í nɛ adɔ̃ cinɛò fɛɛwa, nŋui á bí má?

Kusintii Andunya 21:6

Ŋɔi Sara í ni, Ilaaɔ̃ í kpam do anyí. Inɛ iyi í gbɔ fei á bam ku nyaanyii.

Iri ku kɔ̃ 107:9

Ntɔ ntɔ, í jɔ̀ inɛ ŋa iyi agbɛ wa kpa à ba inyi à mɔ. Nɔ inɛ ŋa iyi ari wa kpa, í jɔ̀ à jɛ à yo.

Iri ku kɔ̃ 119:136

Cikãajum ŋa à waa cã bɛi inyii ido, si na iyi í jɔ̀ a kù waa jirima woodaɛ ŋa.

Iri ku kɔ̃ 143:6

Ǹ wu awɔm ŋa wai ikpa bi tɛɛ. Si wajuɛ ǹ yɛi bɛi ilɛ ngbɛ iyi í nɛ bukaatai inyi. Kusĩmi.

Iri ku kɔ̃ 17:15

Amma amu, na dee dee ku jɛm, an yɛ wajuɛ, nɔ waati iyi ǹ jĩ, an maa n cɔɛi n kaa n gbɛɛji.

Iri ku kɔ̃ 28:7

Aɔ̃ Lafɛ̃ɛi í jɛ gbugbãm nɔ í jɛ bɛi tɛlim. Siɛi naanɛm í wa nɔ wa faabam. Ǹ wɛɛò inɔ didɔ̃ nla nla si idɔm nɔ an na iriɛ bɛɛrɛ do iri ku kɔ̃m ŋa.

Iri ku kɔ̃ 65:4

Ntɔ ntɔ, kuwoi kuraram ŋau í caa sim. Awɔi aa kpa idei kurara nwa ŋau.

Ezai 25:6

Aɔ̃ Lafɛ̃ɛi lele do ilɛ á cea zamaau fei jingau do sɔnda didɔ̃ ŋa si iri kutau ihɛ̃. Á ce jingaui do atɛ̃ vɛ̃ɛ ncɛɛ, do sɔnda didɔ̃ ŋa, do iŋa ku nɛ lompi, do atɛ̃ vɛ̃ɛ jiida iyi wa maaju ntɔ ntɔ.

Ezai 30:19

Ntɔ ntɔ, iŋɛ inɛi Siɔ̃ɔ ŋa aa wa Zeruzalɛmu má ŋa. I kaa kpata má ŋa. Aɔ̃ Lafɛ̃ɛ á ce nŋɛ didɔ̃ waati iyi aa dɔ̃ siɛ anu ŋa. Waati iyi á gbɔ anu ku dɔ̃u gbakã, á jɛ nŋɛi.

Ezai 66:10

I jɔ̀ i ba Zeruzalɛmu inɔ didɔ̃ ku kpɛ̃ ŋa. I jɔ̀ Zeruzalɛmu ku jɛ icui inɔ didɔ̃ nŋɛ ŋa, iŋɛ iyi ì buu fei. I baa inɔ didɔ̃u ku kpɛ̃ ŋa, iŋɛ iyi ì tako ì wɛɛò inɔ kufɔi iku wo na laalɔ iyi í baa.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 31:25

Ntɔ ntɔ inɛ ŋa iyi à gbɛɛji ŋau fei, an mu nŋa gbugbã, nɔ inɛ ŋa iyi a kù waa yo ŋau fei, an na ŋa bukaatai mii iyi à bi.

Zeremi 31:9

Aa maa baai do kukpata a maa ceò kutɔɔ, nɔ ǹ ya n gbã ŋai n maa n lɛlɛ ŋa. Ǹ ya n gbã ŋai n bɔò ŋa si ido ŋa iyi à waa kɔ̃ do inyi. An gbã ŋai n tooò kpãa bii a kaa yɔkɔ a koosɛ, domi amui ǹ wa n jɛ baai Izirɛli, nɔ Efaraimu mɔ wa jɛ ama yemmam.

Zeremi 9:1

Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.

Ezekiɛli 7:16

Inɛ ŋa iyi à ba à fita si aa sai a nɛ iri kuta ŋa a koo a maa dɔ̃ anu bɛi ankasiidi nɔ a maa kakaa na irii dulum du ŋa ŋa.

Ezekiɛli 9:4

Aɔ̃ Lafɛ̃ɛ í sɔ̃ɔ í ni, lɔ inɔ ilu Zeruzalɛmu, ce nyinda gɔ si ikpoi inɛ ŋa iyi à waa wahala nɔ à waa kakaa na laalɔ ŋa iyi inɛ ŋa à waa ceu.

Matie 5:4

Ilu inɔ didɔ̃ ŋai inɛ ŋa iyi à waa kpata, domi Ilaaɔ̃i á tũ idɔ nŋa.

Matie 5:6

Ilu inɔ didɔ̃ ŋai inɛ ŋa iyi à waa gbɔ ari do agbɛi mii iyi Ilaaɔ̃ wa bi a ce, domi Ilaaɔ̃ á jɔ̀ a yo.

Luku 1:53

Í jɔ̀ inɛ ŋa iyi ari wa kpa à jɛ mii jiida ŋa à yo, amma í lele ilu fia ŋa awɔ ngbɛ.

Luku 6:20

Ŋɔi Jesu í cɔ mɔcɔɛ ŋau í ni, ilu inɔ didɔ̃ ŋai iŋɛ ilu are ŋa, domi iŋɛi ì jɛ inɛi bommai Ilaaɔ̃ ŋa.

Luku 6:22

Iŋɛ ilu inɔ didɔ̃ ŋai bii inɛ ŋa à cé ŋɛ, nɔ à lele ŋɛ hai inɔ nŋa, nɔ à waa bu ŋɛ, nɔ à waa sɔ ŋɛ iri laalɔ na irii amu Amai Amanɛ.

Luku 6:25

Inɔ kufɔi á jɛ ti iŋɛ iyi ì wa si ayo si nsɛi, domi ari á na ku kpa ŋɛ. Inɔ kufɔi á jɛ ti iŋɛ iyi ì waa nyaanyi si nsɛi, domi aa na i kpata i maa cã kpokpo ŋa.

Laabaau jiida iyi Zãa í kɔ 11:35

Ŋɔi Jesu í kpata.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Laabaau jiida iyi Zãa í kɔ 6:35

Ŋɔi Jesu í sɔ̃ ŋa í ni, amui ǹ jɛ ijɛi kuwɛɛ. Inɛ iyi í naa bi tom, ari kaa kpa lafɛ̃ɛ má pai, nɔ inɛ iyi í dasim naanɛ, agbɛ kaa kpaa má pai.

Kɔrɛnti 1, 4:11

Hee í koo í toò waatiu ihɛ̃ ari wa kpa wai, nɔ agbɛ wa kpa wa. Jĩnɛ ku dasi wa gaizia wa, à ya maa cã wa, a kù nɛ bi kuwa dee dee má.

Kɔrɛnti 2, 11:27

Ǹ mà icɛ kugaabu ŋa do wahala nla nla ŋa, à ganjim njoo ku sũ. Ari í ya kpam nɔ agbɛ í ya kpam, ǹ ce anu ku dĩ do tilasi, ǹ wahala do tũtũ nɔ n kù nɛ jĩnɛ ku dasi ŋa.

Kɔrɛnti 2, 12:10

Na ŋɔi í jɔ̀ ǹ nɛ inɔ didɔ̃ si gbugbã hai nɛm, do arabu ŋa, do inɔ kufɔ ŋa, do ijuukpã ŋa do wahala ŋa iyi í ya bam na irii Kirisi. Ǹ ya n nɛ inɔ didɔ̃ domi waati iyi amu takam n kù nɛ gbugbã, waati bɛɛbɛi Ilaaɔ̃ í ya muum gbugbã.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Kuyɛi Zãa 21:3

Nɔ ǹ gbɔ ide ku fɔ nla gɔ hai bi kitãi bommau í ni, nsɛi bi kuwai Ilaaɔ̃ í wɛɛ do amanɛ ŋa. Ilaaɔ̃ á maa wɛɛ do aŋa, nɔ aa jɛ inɛɛ ŋa. Ilaaɔ̃ takaɛ á wa si anini nŋa.

Kuyɛi Zãa 7:16

Ari kaa kpa ŋa má hee má jɛ agbɛ, nɔ inunu kaa cã ŋa má, bɛɛbɛ mɔi inya gbãa kaa wahala ŋa má.