Luku 6:19 - Bibeli do fee

¹⁹ Ŋɔi inɛ ŋau fei à waa dɛ ku luu, domi gbugbã nla nla í ya fita siɛ nɔ ku jɔ̀ aŋa fei a ba iri.

Luku 6:19 Iomraidhean Croise

Ilaalu 2, 13:21

wee í ko inɛ ŋa à bɔ mɔkɔ gɔ ku si. Nɔ à hɔ̃nnɛ wuaa akãi sooge ŋau wa. Ŋɔi inɛ ŋau à so ikuu à sɔɔ si inɔ balɛi Elizeeu. Ŋɔi ikui mɔkɔu í koo í lu kũkũi Elizee ŋau nɔ mɔkɔu í jĩ í dede í leekĩ si kutɛɛ ŋa má.

Matie 14:36

Nɔ à tɔɔɛ à ni ku jɔ̀ aŋa a lu baa itĩi kumbooɛ, nɔ inɛ iyi í luu fei í ya ba irii.

Maaku 3:10

Ntɔi, si bɛi í jɔ̀ inɛ nkpɔ í ba iri, nŋui í jɔ̀ bɔ̃ɔ ŋa fei à ya maa naa bi tɛɛ a maa tale njɛ a ba a luu ku ba a ba iri.

Maaku 5:30

Ŋɔi Jesu í mà gbakã iyi gbugbã gɔ í fita hai si arai nŋu nɔ í sinda wa cɔ zamaau nɔ í ni, yooi í lu ibɔm.

Maaku 6:56

Bii Jesu í to fei, hai ilɛɛko ŋa do ilu nla ŋa do iko bii inɛ ŋa à waa sũ fei, à ya maa naaò bɔ̃ɔ ŋa wai si bantuma bii í wau. Ŋɔi à ya tɔɔɛ ku jɔ̀ aŋa a lu baa itĩi kumbooɛ. Nɔ inɛ ŋa iyi à luu fei à ya ba irii.

Maaku 8:22

Ŋɔi à to ilu gɔ iyi à ya kpe Bɛsaida, nɔ inɛ gɔ ŋa à náaa Jesu fɛɛju gɔ wa, à tɔɔɛ ku luu.

Luku 5:17

Ajɔ nŋu gɔ Jesu wa kɔ inɛ ŋa si cio. Wee Farisi do woo kɔ inɛ ŋa si wooda gɔ ŋa à waa buba bɛ. À naai hai Zeruzalɛmu do hai ilu ŋa iyi à wa ilɛi Zudee do ilɛi Galilee fei. Nɔ inɛ ŋa à waa yɛ gbugbãi Aɔ̃ Lafɛ̃ɛ waati iyi Jesu í jɔ̀ bɔ̃ɔ ŋa à waa ba iriu.

Luku 6:18

À naa bi tɛɛi ku ba a gbɔ ideɛ nɔ a ba iri si bɔ̃ɔ nŋa ŋa. Inɛ ŋa iyi inɛi inɔɔko ŋa à sinda iri nŋa à ba iri.

Woo bɛ ŋa 19:12

Na ŋɔi í jɔ̀ jaaɛ iyi í lu araɛ fei, bii à so à lea bɔ̃ɔ ŋa si ara à ya ba irii. Inɛ ŋa mɔ iyi à nɛ inɛi inɔɔko ŋa, bii à lu ŋaò, inɛi inɔɔko ŋau à ya fitai.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.