Luku 6:17 - Bibeli do fee

¹⁷ Waati iyi Jesu í cica woo bɛ maateeji ŋau í tã ŋɔi aŋaò ŋa à kita wa à waa leekĩ si ilɛ ku munga anu gɔ. Tengi bɛi mɔcɔ nkpɔɛ ŋau à wa do zamaa nla gɔ. Inɛ ŋau à naai hai ilɛi Zudee fei do Zeruzalɛmu ilu nlaɛ, do hai Tii do Sidɔ̃ɔ, ilu ŋa iyi à wa ikpa bi inyi dũdũ.

Luku 6:17 Iomraidhean Croise

Iri ku kɔ̃ 103:3

Nŋui í ya ceem suurui kuraram ŋa fei. Nŋui í ya jɔ̀ n ba iri si bɔ̃ɔm ŋa fei.

Matie 11:21

Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.

Matie 12:15

Amma Jesu í mà si ŋa nɔ í nɛ hai bɛ. Waati iyi Jesu wa nɛ, zamaa nla nla gɔ í tooɛ. Nɔ í jɔ̀ bɔ̃ɔ ŋa fei à ba iri.

Matie 14:14

Iyi à fita hai si akɔi inyiu ŋɔi Jesu í yɛ zamaau. Nɔ í ce araare nŋa nɔ í jɔ̀ bɔ̃ɔ nŋa ŋa à ba iri.

Matie 15:21

Si anyii nŋu, Jesu í nɛ hai bɛ í bɔ ikpa Tii do Sidɔ̃ɔ.

Matie 5:1

Iyi Jesu í yɛ zamaau ŋɔi í koo í gũ iri kuta gɔ í buba. Nɔ mɔcɔɛ ŋa à koo à tɔtɔɔ siɛ.

Luku 5:15

Do nŋu fei, iriɛ í fangaa wa kɔ̃ɔsi, nɔ zamaa nla nla í ya maa tɔtɔɔ bi tɛɛ ku ba a gbɔ ideɛ nɔ ku ba a ba iri si bɔ̃ɔ nŋa ŋa.

Luku 6:12

Waati bɛɛbɛ Jesu í koo í gũ iri kuta gɔ ku ce kutɔɔ. Nɔ idũu fei í wasi ku ce kutɔɔ.

Luku 6:16

do Zudasi amai Zaaki, do Zudasi Isikariɔti iyi á na ku zambaɛu.

Luku 6:18

À naa bi tɛɛi ku ba a gbɔ ideɛ nɔ a ba iri si bɔ̃ɔ nŋa ŋa. Inɛ ŋa iyi inɛi inɔɔko ŋa à sinda iri nŋa à ba iri.