Luku 5:35 - Bibeli do fee

³⁵ Amma ajɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Luku 5:35 Iomraidhean Croise

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Daniɛli 9:26

Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 9:15

Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ gɔ waati iyi mɔkɔ titɔ̃u í wa inɔ nŋai? Aawo, amma ajɔ gɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Maaku 2:20

Amma ajɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Luku 17:22

Nɔ í sɔ̃ mɔcɔ ŋau í ni, awaati wa naa iyi amu Amai Amanɛ an nyi wa do amboem. Hee ajɔu ku maa to wa awaati wa naa iyi aa bi i yɛm ŋa baa ajɔ akã, amma i kaa yɛm ŋa.

Luku 5:34

Ŋɔi Jesu í bee ŋa í ni, aa yɔkɔ i jɔ̀ kpaasii mɔkɔ titɔ̃ ŋa a dĩ anu si waati iyi mɔkɔ titɔ̃u í wa inɔ nŋa?

Luku 5:36

Ŋɔi í kpa nŋa mɔnda gɔ í ni, a ci ya ga ibɔ titɔ̃ a sɔò ibɔ ngbo. Bii ì ce bɛɛbɛ, ì bɛjɛ ibɔ titɔ̃u mbɛ nɔ jaaɛ titɔ̃u á wɛɛi ikã kaa ce si ibɔ ngbou.

Laabaau jiida iyi Zãa í kɔ 12:8

Waati kãma fei aa nɛ ilu are ŋa si inɔ nŋɛ, amma amu i kaa nɛm do ajɔ fei ŋa.

Laabaau jiida iyi Zãa í kɔ 13:33

Iŋɛ baakɔɔm ŋa, waati keekei í gbe iyi an wɛɛ do iŋɛ, nɔ si anyiɛ aa na i maa dɛdɛɛm ŋa. Amma ide iyi ǹ sɔ̃ Zuifu ŋau nŋui ǹ wa n sɔ̃ iŋɛ mɔ bɛ nsɛi. I kaa yɔkɔ i bɔ bii ǹ wa n bɔ ŋa.

Laabaau jiida iyi Zãa í kɔ 16:28

Ntɔi, hai bi Baabai ǹ fita wa ǹ naa andunya. Nsɛi ǹ wa n jɔ̀ andunya ǹ wa n bɔ bi Baam.

Woo bɛ ŋa 1:9

Iyi Jesu í fɔ ideu í tã, ŋɔi à waa cɔɔ nɔ à ba wee í nɛ ikpa lele nɔ kudũi ijĩ gɔ í jɔ̀ a kù yɔɔ má.

Woo bɛ ŋa 14:23

Ŋɔi à cicaa igbɛi inɛi Jesu ŋa fei inɛ ngbo ŋa. Si anyiɛ nɔ à ce kutɔɔ do anu ku dĩ à so ŋa à daa Lafɛ̃ɛ si awɔ, nŋu iyi à dasi naanɛu.

Woo bɛ ŋa 3:21

Tilasii Jesu Kirisi ku maa wa lele hee awaati koo toò mii fei ku jɛ titɔ̃ si bɛi Ilaaɔ̃ í jɔ̀ walii kumáɛ ŋau à tako à fɔ wo.

Kɔrɛnti 1, 7:5

I maà ya kɔ̀ ku sũò njɛ ŋa bii kù jɛ iŋɛ minji feii ì gbɔsi njɛ ì yɔɔ ŋa iyi á sĩa i jɔ̀ɔ titã ŋa si waati keeke ku ba i na ara nŋɛ i ce kutɔɔ ŋa. Nɔ si anyiɛ i tɔtɔɔ má ŋa. Bii kù jɛ bɛɛbɛ á yɔkɔ ku jɛ i kaa na i yɔkɔ i mu ara nŋɛ nɔ Seetam á na ku lɛlɛ ŋɛ.

Kɔrɛnti 2, 11:27

Ǹ mà icɛ kugaabu ŋa do wahala nla nla ŋa, à ganjim njoo ku sũ. Ari í ya kpam nɔ agbɛ í ya kpam, ǹ ce anu ku dĩ do tilasi, ǹ wahala do tũtũ nɔ n kù nɛ jĩnɛ ku dasi ŋa.